5000بيت قصيد متحدث يوميا ً بالجديد والنوادر

سلام من فيض المعاني

يالصاحب اللي قلّباني

مالك ومالي وانت داني

من سيفي اللي كم يصيبي


والثانية والعلم ثاني

احذر تهدد في مكاني

هذا الزمن والله زماني

نصيب وابى آخذ نصيبي

انت على خط المدينة لاتجي لحدودها

ياماحلى طوي الخبوت ومثلكم مايستمر

والكلمة اللي في ضميرك مانبى منقودها

روّق شياطينك وحذرى من عروقك تنفجر

انت ياخوية ماعرفت اللي يجي عنقودها

والحكم لله الاحد اللي على الكون اقتدر

والعالم اللي بينكم تبذل لكم مجهودها

انقول فالجنة نعيم وتالي النيرة حفر

يامرحبا يالمستمع في كلامي

عساك والله من رجال ٍ حشامي

مادام فالمعنى معاكم حسامي

كله عبر والراس مرفوع مرفوع

واحنا ثبتنا فالسنين الخطيرة

ان كان والله هالرحا مستديرة

لكن مايبقى علينا كبيرة

لله الكبر والراس مرفوع مرفوع

واللي يجاهد ياخذ بحد سيفه

ويباغت الطاغي ويرتاح ضيفه

دام البحر محدٍ وصل لين سِيفه

هذا البحر والراس مرفوع مرفوع

واصمل على رايك وكن رجل صامل

والله من فوق المخاليق كامل

ولاتصاحب كل هافي وهامل

ليش الخطر والراس مرفوع مرفوع

لابد تلقالك سنين ٍ بهية

في مكة والا وسط ابها البهية

والنار فالمقباس لاشك حية

هذا الخبر والراس مرفوع مرفوع

واللي يبى يكذب نقول انت غادي

منت بكورة وسط سبع النوادي

لكن خلك ذيب في كل وادي

قص الجرر والراس مرفوع مرفوع

سلام مبروك الزواج

سلام من صافي المزاج

ياللي لكم فعلا ً مبدّى

حّنا مانحذف للزجاج




والله مانشرب هماج

لكن ّ نذبح للنعاج

كلا ً على دروبه تقدّى

وافداك وانته مثل تاج

رجز مثولث

سلام ياسيف ً تحامى توّه

والله يزيد المسلمين بقوّة

والله ماينقص لنا اي حاجة




ان كنت في وقت اللزوم مفوّه

اصحك تخش ّ في اي وادي جوّة

وانا رجولي ماهي بدواجة

سلام واحلام (شيطانة ْ) قصايدها

واخوانها ! تسعة ٍ ترفض ولا تقبل

سِلمت ولا احد ٍ مسلسلها مقيّدها

يوم انقصر عّنها الارعن معا ! الاهبل

فالاصل طّقاقة ٍ جابت فوايدها

وإن غّنت بروح حلّت حبْل او مُشكل

الله من الطاعة والاسلام زوّدها

ماهي كما ناقة ٍ ضلّت بلا محمل

ماباعت الا الوفا والخير يطردها

حتى بنت للاغاني جوفها معقل

هِي نور شمس ٍ محد في شروق يفسدها

هي نور نيزك طلع للعين ماينزل

هي معجزة والا اعجوبة وتنشدها

القوم عن طيبها واثر اّنه إليكمل

الله يطيب حكيها والله يزِدها

وتقدّم المعتبر والاغلى والاجمل

بمناسبة زفاف الشاب رايد خلف الله البزيدي السالمي وبطلب من والده كتبت الابيات قبل القاءها في الزواج



سلام على رايد عريس هذيل من ينساه

وابوه اللي مكمّل بالفرح طابت لياليّه

هم اخوالي رجال المعرفة واهل الفعل والجاه

ولا عابطهم اللاهي تبى تردعه مثنية

عسى الله يبارك الليلة ليا غاب الحسودي تاه

وحّنا عزوة ٍ وحدة واقول النيّة النيّة

وقفتم فالحفل يهل الكرم ياما اوسع المقهاه

تكرم من هذيل وباقي الخُمّس وطُرقية

يابوخالد ثبّتم ماتبّدلتم ولك منجاه

من الله يُدخلك في جنته لاشك عصرية

يانسل هذيل يالغالي وراع المعرفة ما اغلاه

وشجعان الوفا فهذيل ماهي قوم منسية

ذكر تاريخها الماضي معارك والغلط نشناه

اقول إحنا سوالمة ْ اللزوم اللي فداوية

نربّي الخصم واغلاطه ولافكّرت في جنجاه

ثبتنا مسلمين وربّنا اللي يغفر السيّة

يارايد ! قلت لك مبروك من مثلك كذا نفداه

وبالتوفيق عقبال البنين وناركم حيّة

كلنا الخفجي ولاعنك يالخفجي رقود

قِطعة ٍ مّنا ولامن رجعت مجمّلا

التفتنا للمشاكل ولانواع القيود

مابلى العالم هنا الاشرور مهبّلا

اعقلوا الكفار ياقوم بعقال القعود

انتصار الدين واجب ولا ابغى السُفلا ّ

انت ياصدام ؟! والله نازل كالزيود

لاتجي للمملكة والخلا مير الخلا

ياسقوط ً ما اعتلى يامتهات الجنود

الخنادق تحت ارضك وجيت مكبّلا

والسعودية بلاد الغلا وآل السعود

وانت لاتحرُب تجيك الجنود الكُمّلا

الجيوش الساطيه بالبنادق والفرود

مير شٍيل عفوشك ودوّر لبعض الملا

نعرف اعمامك وخِيلانك اللي ماتجود

نعرف اسرارك والابطال جلّتكم جَلا

موالات


فلاح له قِصة وله قاف يعني

لكن والله في الزمن مافجعني

وابليسكم والله لا ماردعني

(لا واحليلك يالرجال المُسّماه )



لكن هات العلم ياشيخ هاته

واللي سواتك لايظّهر لهاته

البرد يعصف بك وتجهل جهاته

(لا واحليلك يالرجال المُسّماه )

سلام الله واكررّها على الريمي ! اذا له حظ

في رِفعة من قصيدي يوم ابيّنها واحّكمها

بدون اعرف عن النادي ذكرته والوفا مُكتظ

في وسط القلب واشواق الهجوس اللي بيضرمها

اذا شِعري سوات (الوحْي ) كلا ً بالحكي يُوعَظ

وهاذا فضل من ربّ الرجال اللي بيكرمها

حِميّا في حروف الامس واليومه ! ذِكِر يُحفظ

وهالقرآن قوّاني وكم صفحات نختمها

وهاذي اهيه لُغتنا يالعرب بالفتل والا النقض

وفي تسعة ؟ نبى نفرقك يالمفطر وصايمها

عسى الله يردي البومة ب بُنية ثُم تسّبب رض

ولو مركز (عبير ) يقوم يصرف لك مراهمها

انا والله وصفتك شي لايُعطى ولا يُفرض

سوى انك ّ شاعر مُسرع معّجل في جهنمها

سلام الله عليكم من هجوس ٍ سيفها شبّاب

ولي بعض المواقف في المقام اللي يشرّفنا



تبيه وماتبى ! لكن ّ ربي يعلم الكذاب

وهاذي عولمة والله يحمانا ويصرفنا


عن دروب الجهالة للذي يمشي مع الاسياب

لكن ّ اللي حفر حفرة ياخوية ماهو ينصفنا


لعبناها على قلوب السباع اللي بها الارهاب

وانا اللي واقف ومن هو يجافينا يبى يفنى



اثّرْها مصلحة واطعن وانا مابقبل الاذناب

لوَتك ايامكم وانت بالاشعار انت تتحفنا

ماذا درست من الفُصول ِ الآثِمة

ماذا جَنيت من الخلايا النائمة

من ذا اللذي ارداك ياجبل الهُدى

هل وقع ُ صاروخ ٍ ! هوى او راجمة

كنت َ الشباب وكنت َ زهرة َ نوره ِ

واليوم بين المُستبّد وناظمه

في روض قبر ٍ من جِنان ِ إلهنا

مُتوّسع ٌ ولكل ّ شي ٍ خادمه

وبحثت ُ عنك َ بكل وجه ٍ باسم ٍ

ومضَت سنين العمر ليست باسمة

قلّي بربك مالهوى من انت قل

ان البلايا للآوادم جاثِمة

وأراك انت مليكُنا واميرُنا

رغم الوجيه الماكرات اللائمة

والله ماعُوفيت َ انت منافق ٌ

لن تلتقي في الكون أمّا ً راحمة

مافيه ِ الّا السيف ُ حد ُّ ضلالكم

حد ُ القلوب المُرجفات الظالمة

والله ربّي والضلالة ُ تنجلي

إن شاء رب الكون رب ٌ راحِمه

سلام ويش المُحدثاتي

اسمع وشيش الزاحفاتي

ياليتها تشرب فراتي

ياربّها تفرج كُرَبها


الخير للانسان ياتي

للشاب والا للفتاتي

المسلمين المسلماتي

اللي ماتمشي في تعبها


بدر وحُنين ومعركاتي

من َ الجيو ش الهاجماتي

يالكالحين الكالحاتي

حنا نكمّل مع عربها


لكن ّ بفداكم بذاتي

ولا سعينا للشتاتي

كلي ّ وجزئي في صلاتي

بابيات يحماها ادبها


لو للحريم المُشكلاتي

جتني تغني باغنياتي

كحيلة العين وغناتي

من صوتها تسمع طربها

جت من بلد صنعا وتاتي

في جبال والا في السراتي

يالعازفين العازفاتي

حّنا المقامات وسَببها


بَيَات !؟ والا لك بياتي

والله عينك ! ماتباتي

لكن ّ في حزّة وفاتي

ماابغى العرب تُظهر غضبها


مابا تصير مظاهراتي

مفازعات مناصراتي

مهاوشات مهاتراتي

واللي يجي ل جمّة شربها


والله وهذيلي عُزاتي

لاشك بالطيّب جزاتي

بالله من سوّى سواتي

في كل فن اسلك شنبها


مابغى مشاكل مُشبهاتي

لي قاف لي سيف وشَباتي

ولا فَطيرة لاشباتي

الا لرفاقتك وخُطبها

ياورع ! وش جاب التشادي ؟

باثيوبيا ولبوش نادي

اللي تهيم بكل وادي

والله يحرس في بلدنا


واحنا لنا القاف السيادي

لكن لله اعتمادي

بالبندقة ماني بغادي

بحّجتي واقرا سندنا

شهود ابو زيد الضعافة

اللي تمادوا بالسخافة

ويجاذبونه يمّة ابها

لكن من يعرف سببها

ماهو معّشيكم زرافة




ارحل وتلقون الخلافة ؟!

واللي كماكم بالتفافه

يالحية ً تحمى شنبها

النار من ولّع شببها

يصبر لها ويصون قافه