الى الشيخ : عبدالرحمن بن رداد السالمي

السلام عليكم و رحمة الله و بركاته

قصيدة أسندها لــــ الشيخ // عبدالرحمن بن رداد السالمي


.
.




ما روجع القمري و ما هبت الريح
................................... سلام يا راعي اليدين الندية

سلام ٍ ازكى من شذا الورد و الشيح
.................................. في ديرة ٍ عن الرعاة امحمية

اربع ليال عن السحاب المراويح
.................................... و اليوم وعد المزنة العقربية

يقبل عليها راعي الشوق و يطيح
................................... اليا طرا له موعده مع خويه

الله يلوم اللي يلوم المجاريح
.............................. جرح الهوى يا سعود ما به زريه

سلام ... و قلوب الحواسيد للريح
................................. سلام و قلوب الرياجيل حية

يا ابو سعود ان كان يحتاج توضيح
................................. ترى غيابك عن ربوعك رزية

اي و الله انا طال عمرك مشافيح
.................................. لمقابلك يا مكرم الشاذلية

و ان كان يكفي دون الايضاح تلميح
.................................. تراك مخطي و الليالي برية

يوم العرب ما يحمدون المصابيح
................................ الا فـ صدر الليلة السرمدية

يا شيخ يا ذخر الرجال الزحازيح
............................... يا مرجع العراف و الصيرمية

ينشد عن غيابك زحول و طحاطيح
............................. و تفرح بغيبتك النفوس الردية

و عند الرعاع اهل الوجيه المكاليح
............................. تصير حسنات الاجاويد سية

قلوبهم مثل حبال المراجيح
.................................. نقالة الفتنة هل المشنوية

انا ادري ان الوضع يحتاج تصحيح
........................... قضية ٍ و استدرجت كم قضية

لكن هقوتنا فـ روس المفاليح
.............................. اللي يحركها الوفا و الحمية

و ايامنا لو هي قليلة مرابيح
.............................. الذكر يبقى و الليالي مدية

صح لسانك يابو هذال

قصيده معبره .. والله يفرج مشكلة ابو سعود

تحيه طيبه لك ،،،،،

صح لسانك

كفيت ووفيت يستاهلون الاجواد

تحياتي

صح لسانك ياقرم

الذكر يبقى والليالي مدية ...


صح لسانك يا بن عباد وبيض الله وجهك

وافية من وافي وجزالة غير مستغربة

تحياتي

عودة للقراءة والتقييم

صح لسانك وسلمت ولاندمت

صح لسانك ، قصيدة نبيلة الهدف ، وبيض الله وجهك.

اخي العزيز فيصل صح لسانك ولاعدمناك وعسى الله يصلح الاحوال

مبدع في كل الاوقات .....كل عام وانت بشعر ...شهر مبارك ىاذيب

يا سلام يا سلام

يستاهل الطيب وصح لسانك


أعجبني :
انا ادري ان الوضع يحتاج تصحيح
........................... قضية ٍ و استدرجت كم قضية

صح إلسانك وبيض الله وجهك حتى ترضى

الف شكر على هذه الكلمات النابعة من القلب

والكلام الطيب لا ياتي به إلا شرواك طيب


أجمل التحايا

صـ لسانك ـح

مبدع يابو هذال مبدع

جزله ولايستغرب الشعر الجزل من اهله

صح فكرك

اطيب التحايااا

صح لســــــــــــــــانك ياعز الرفيق


والله يفك كربة ابو سعود


تحياتى لك وتقديري وكل عام وانتم بخير

صح لساانك يابو هذال حتى ترضي وبيض الله وجهك

والله يفرج عن الشيخ عبدالرحمن

عز الله انه يستاهل اكثر من قصيده

اعلى تقييم

صح لسانك يا راعي الجزالة

الله يحفظك