زيارتنا لمخيم الشيخ / خالد بن سعد اللحياني الهذلي في ام رقيبه اثناء تصوير قناة الصحراء للمنقيه

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
مسا الخير يا وجيه الخير
[line]-[/line]

في مساء جميل يوم الخميس وفي ختام السنه الهجريه من عام 1430 هـ

حظينا بزيارة مخيم الشيخ

خالد بن سعد اللحياني الهذلي




وتمت الزياره اثناء تصوير قناة الصحراء مما جعل الامو تسهل بالنسبة لي في التصوير بحيث ان كل شيء كان بمكانه بمنظر ( ماشاء الله ) يجعلك تطير في عالم النومسه

طبعااا هذا الموضوع ليس كل شي وانما بعض الصور البسيطه وفديو حسب امكانياتي المتواضعه

واستأذنت الشيخ / مهنا اللحياني الهذلي ...


وعطاني الضوء الاخضر لبداية التصوير .. الا ان الشمس اشرفت على الغروب وكنت افتقد للإضاءه لعدم وجود فلاش احترافي لدي وكشاف لتصوير الفديو

طبعااا ماشاء الله جلسة التصوير كان يوجد بها الى جانب الشيخ خالد بن سعد اللحياني الشيخ / احمد بن ضيف الله المسعودي الهذلي ...وفارس الصحراء صالح بن دخيل الله المطرفي الهذلي والشاعر / خالد بن مغبش الطلحي الهذلي وعدد من الشعراء وابناء قبيلة لحيان ومحسوبكم ابو تميم وكذلك بن قاسي وابو رديد وعز الرفيق . وابو فهد الخالدي الهذلي .

والحمد لله اللي اثلج صدورنا بما رأيناه وأقر عيوننا بمقابلة عزوتنا هذيل في محفل من محافل التشريف والفخر

نبدأ بالصور وبسم الله

لان تصوير البانوراما يجعلك ترى بزاويه عريضه حبيت انقلكم للحدث بكل ما املك من تقنيه
وهذي الصوره حوت على كل مظاهر جلسة التصوير






قد تكون هذه الصوره مقربه اكثر من اللي قبلها




البل عطايا الله وسيعات النحور --- اللي لها مع دورات الأيام دور

بسم الله ماشاء الله فالك الاول يبو سعد ياطلق المحيا




الشيخ : خالد بن سعد مع الشيخ : احمد بن ضيف الله المسعودي في جلسة التصوير والمايك عند ابو سعد



الان المايك مع ابو ضيف الله ورايته بيضا



لاني جيت متاخر ما لحقت على مشاركه شاعرنا وفارس الصحراء صالح بن دخيل الله المطرفي الهذلي



المخيم من جهه اخرى





لما جيت اصور المزاين اصر علي البعض التقاط صور لهم مع الابل برفقة من يحبون من بناخيهم













اذكرو الله وقولوا ماشاء الله













انا فدى الانامل اللي مسكت الكاميرا
طبعااا عطيت الكاميرا رجل عمره تقريبا 13 سنه من مسكته للكاميرا حسيت انه راح يلتقط لي صوره مجنونه

وفعلا الصوره ما عليها كلام والرجل ابدوي وقرم ومستقبل زاخر له بمشيئة الله


طيب الفال مع مزيونه ( ماشاء الله )





طبعااا ليس هذا كل شي

لاني صورت الفديو واخذ معي وقت في الرفع بسبب حجمه

وهذا الفديو على اليوتوب

طبعا انا رفعته بجوده عاليه بس ما ادري ليش طلع بعد الرفع بهذي الجوده ..!!؟؟؟؟

http://www.youtube.com/watch?v=ICb8GgDrm2k


لا تنسونا من صالح دعائكم
وسترون المزيد بمشيئة الله

أخوكم

طيب الفال

وعليكم السلام رحمة الله وبركاته

شكرا شكرا شكرا

اخي العزيز طيب الفال موضوع أكبر من الكلمات

واكتفي بالتقييم للموضوع ولسموك الكريم

	المشاركة الأصلية كتبت بواسطة خالد الياسي

	وعليكم السلام رحمة الله وبركاته شكرا شكرا شكرا اخي العزيز طيب الفال موضوع أكبر من الكلمات واكتفي بالتقييم للموضوع ولسموك الكريم

مرور في المركز الاول ياذيب

وتقييم افتخر فيه وبيض الله وجهك وتسلم يالغالي

دمت ذخرا لنا جميعا

وعليكم السلام ورحمة الله وبركاته

وماشاء الله تبارك الله

تقرير روعه

وبيض الله وجهك ياطيب الفال

وبالتوفيق لممثل هذيل في مزاين ام رقيبه

الشيخ خالد الهذلي

وبارك الله في جهودك المبذوله

اعلى تقييم وتستاهل ياذيبان

والله يكثر من امثالك

مرحباً بمراسلنا المبدع : إبراهيم الخالدي

والله يا إبراهيم إنك ما قصرت وبيض الله وجهك يالغالي

نقلتنا إلى المخيــــــــم الله يعطيك الف عافيــــــــــــــه


تصوير بديع ورائع ومتمكن


لن نوفيك حقك أيها الهذلي الشهم الأصيل

ماشاء الله وتبارك الله

فالك طيب ياطيب الفال وبيض الله وجهك على هالتصوير والمتابعه وهذا ماتعودناه حقيقة منك

ونطمع في المزيد من شخصكم الكريم .

لاهنت ياولد العم ورايتك بيضا

وبالتوفيق لأبو سعد ممثلنا ومشرفنا في مزاين أم رقيبه

تقييم للموضوع ولصاحب الموضوع .

	المشاركة الأصلية كتبت بواسطة بن عادي

	وعليكم السلام ورحمة الله وبركاته وماشاء الله تبارك الله تقرير روعه وبيض الله وجهك ياطيب الفال وبالتوفيق لممثل هذيل في مزاين ام رقيبه الشيخ خالد الهذلي وبارك الله في جهودك المبذوله اعلى تقييم وتستاهل ياذيبان والله يكثر من امثالك

يا مرحبا يبن عادي وحياك الله

ماسوينا شي طال عمرك الا هذا اقل واجب نقدمه لهذيل في اي محفل

وكذلك نحب ان تكونوا في قلب الحدث وشكراااا للتكنولجيا الحديثه

شكرااا على حضورك المشرف ومرورك الجميل

لا خلا ولا عدم

موضوع يستحق التثبيت بكل جداره

وعليكم السلام ورحمة الله وبركاته
بيض الله وجهك اخوي طيب الفال
وتقرير اكثر من رائع وننتظر القادم.

وموضوع يستحق التقييم.

	المشاركة الأصلية كتبت بواسطة أمير بكلمتي

	مرحباً بمراسلنا المبدع : إبراهيم الخالدي والله يا إبراهيم إنك ما قصرت وبيض الله وجهك يالغالي نقلتنا إلى المخيــــــــم الله يعطيك الف عافيــــــــــــــه تصوير بديع ورائع ومتمكن لن نوفيك حقك أيها الهذلي الشهم الأصيل

يا هلافيك

وفعلا كلماتك تدل على سموك شخصك الكريم

وما عليك زود يالغالي ولا بد ان نقدم لقبيلتنا كل ما يجعنا نفخر بها

وبالتوفيق لابو سعد لانه اعطانا الفرصه ( نزجر )

شكرااا لتعطير صفحتي بكلماتك الفواحه بعبير هذيل


اخوك

طيب الفال

	المشاركة الأصلية كتبت بواسطة فـتى هذيل

	ماشاء الله وتبارك الله فالك طيب ياطيب الفال وبيض الله وجهك على هالتصوير والمتابعه وهذا ماتعودناه حقيقة منك ونطمع في المزيد من شخصكم الكريم . لاهنت ياولد العم ورايتك بيضا وبالتوفيق لأبو سعد ممثلنا ومشرفنا في مزاين أم رقيبه تقييم للموضوع ولصاحب الموضوع .

ارررررررررحب يا صقر الفال الطيب بوجودك وما عليك زود

وابشرك بتشوف اللي يسرك بإذن الله

ولا تهون ياذيب وتشرفت بمرورك ودك النوماس

اخوك

ابو تميم

	المشاركة الأصلية كتبت بواسطة بن عادي

	موضوع يستحق التثبيت بكل جداره

الف مليون شكر يبن عادي وما قصرت

	المشاركة الأصلية كتبت بواسطة هذلي وراسي عالي

	وعليكم السلام ورحمة الله وبركاته بيض الله وجهك اخوي طيب الفال وتقرير اكثر من رائع وننتظر القادم. وموضوع يستحق التقييم.

الف شكر يا سنايدي على الحضور والكلمات الرائعه

لا هنت وبيض الله وجهك


اخوك

ابو تميم

الأخ الغالي/ طيب الفال ................. وفقه الله في دينه ودنياه

أنت مفخرة لقبيلة هذيل عامة , أعجبني فيك تواضعك , وحسن أخلاقك , وحميتك ونخوتك الأصيلة , ثم أدبك الجمّ , ما قمت به من جهد وتصوير تُشكر عليه , فقد وضعتنا ونقلت إلينا الحفل كما هو , وكأنّ القراء والمشاهين لهذه الصور والمقطع حضروا في أم رقيبة , وهذا هو الفن والإبداع , فما شاء الله عليك تبارك الله .
كما لايفوتني أن أشكر كل من حضر التصوير من بني خالد هذيل مع شيخهم كافة , ورجال بن خالد , ونشكرهم على ما قدموه من فزعة (قهوة) للشيخ خالد اللحياني الهذلي .
ونشكر شباب هذيل الذين قدموا من حفر الباطن خالد بن مغبش , ومن حضر من هذيل مطير , وأخونا ابو رديد المسعودي من الشرقية وحضوره مع زملاءه وبني عمه طيب الفال وبن قاسي وغيرهم فالشكر كل الشكر لهم ولمن لم تسعفني الذاكرة بكتابة إسمه .
,,,
يستحق التقييم العالي للموضوع ولصاحبه .

بيض الله وجيهكم ياهذيل ياهل العز

فاله الفوز والمركز الاول

أنا أشهد ان الشيخ خالد بن سعد يستاهل

تنويه

كلمات الشيله للشاعر الكبير (شاعر الملاحم )
حماد المطرفي الهذلي

بيض الله وجهه

تقبلوا مروري