حداي منقوله

حياكم الله يأخوان ويسرني أن أدون لكم حداية الروقه عند المطارفه والرد عليها وهذه الحدايه كانت بتاريخ 15/3/1421 هـ والله الموفق

أولا/ حداية الروقه

[poem=font="arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]
(1)
سلام تسليم مركد من ضمير ماتنكد يوم جاء العلم الموكد من رجاجيل المعزه
واجب عوانينا مقدم والسواير ماتعدم في حصون ماتهدم بنيها مافيه هزه
حسب العوايد والمذاهب والوفاء ورث ومواهب نار وزنود تلاهب طبعنا في كل حزه

جينا لصاحبنا نبارك ونتشرف بالمشارك في الفرح بعد المعارك والزمان الشين ولا

(2)
حنا ليا جات اللوازم راينا جازم وحازم وقت المعاند والمكازم وفعلنا مافيه دزه
اليا أختلف راي الملقف من يعاندنا يوقف ون درس معنا تثقف وفي حجا الطيب يتنزه
حنا عتابه في الشدايد كاسبين احسن شهايد خصمنا ماله شرايد يوم أن لرايات رزه

ترتيبنا بين القبايل لن حصل عد الفعايل طالعين من الاوايل لا نهاب ولا نذلا

(3)
اللي عن الدعوه مكفل لا يفتح الباب المقفل مايفتحه غير المغفل اللي طريقه مايدله
الناس يدرون المشاكل والسيف أبو حدين يأكل وليا حصل لعب وتتاكل يمكن يضيع العلم كله
قال المثل شي مجرب اللي عن الحق يتهرب يصبح من الشكه مقرب والبوف في المأمون خله

مافيه لتضليل داعي مادام قلب الرجل واعي مابه حلال بدون راعي لاثم لاحشا وكلا

(4)
الرابعه قبل أنتفرق بعد الخبر غرب وشرق نبأ للالغاز نتطرق من يعرف المعني يحله
وش بنت فيها الدم ناشف أربع وجيه وراس كاشف مالحفوها بالشراشف ولها كراسي
مستقله
كلن بمجهوده يساهم والحل قابل للتفاهم من خوف بعض الناس يأهم ويمر حوله مافطله

البنت خلقتها وراثه وسنونها أكثر من ثلاثه ما علموها بالعباثه من شافها رحب وهلا
0000000000000000000000000000000000000000000000
الرد علي الحدايه من قبل المطارفه
(1)
يامرحبا والحرف بكد للقلوب اللي تحكد والماء ليا غثرب يركد ويجيه مزاز يمزه
راع الجزيله ماتندم وين العريف عن المقدم لو تشتبه في اللحم والدم والحر ماواحد يلزه
مالي ذهيب راح ذاهب ولا نؤمن بكاهن وراهب خلك علي ممشاك زاهب مكه بها جرول وغزه

قدمك جبل مرسي وبارك ماهمنا شرك وخارك والحرب ماني عنه فارك هاتسمعون العلم ولا

(2)
شعيل فيه الحبل خازم مافيه داعي للترازم روقه زراريق وعوازم والصقر مرقابه منزه
مانقبل العلم المشقف والقصر يبني ويتسقف والشلف من ضاري معقف ماخذتو عن الناس نزه
حنا هذيل أهل العوايد تاريخنا واكد وزايد تشهد لنا كل البدايد حريبنا دايم نجزه

تاريخنا وافي وطايل ما قط شلنا الحمل مايل يوم بعض الناس شايل وراياتنا دايم تعلا

(3)
لاتقرب الناس وتجفل تبا من الدنيا تحفل دوب المطر خيل وطفل والعلم أصبح بلا أدله
العلم له بطن وشواكل ومهيكله بأحسن هياكل ولو مالجمال اللي تواكل الحبل ماكلن يتله
بعض العرب شرق وغرب مير السوالف لا تسرب ياعسكري خلك مدرب لاتنشر العلم المجله

حنا محققة المساعي صاحين عن قرص الافاعي وحقوقنا ماهي ضياعي ولي يبا لعب
يتسلا

(4)
والرابعه وشبك تحرق للضيف حشمه يوم مرق واللغز واضح ماتدرق واللي يبا حله نقله
المبخره نار وحراشف مامسحوها بالمناشف واليوم يابادعها شف والشكر يالعراف لله
اللغز ماهو بالدراهم والناس مدري وش بلاهم بكره نجيهم في سراهم كلن نجيله في محله

البنت يدراها حثاثه طيب وموده من تراثه معروف مافيها خباثه ولا فيه لغز (ن) مايحلا[/poem]

السلام عليكم ورحمة الله وبركاته


لاهنت يامعيااد على الحدايااا


جميلة ،، شكرا على النقل


تحية طيبة