مجالسية نادرة لأسطورة المحاورة عبدالله المسعودي يرحمه الله - ::{ مجالس قبيلة هذيل }:: موقع يهتم بتراث القبيلة ومفاخرها

05-14-2009, 02:57 PM

حياكم الله ياأخوان ومساءكم الله بالخير ويسرني أن أنقل لكم هذه المجالسيه النادره لشاعر هذيل عبدالله المسعودي رحمه الله والحقيقه بحثت عنها في ديوان الشاعر ولم أجدها وأقول الحمد لله علي العقلان والله يجزاه خير اللي حفظها ودونها أمل أن تحوز علي أعجابكم

يالله ياللـي للخطايـا سمـوحـي ** في يدك يالمعبـود تدبيـر روحـي
ياغافـر الـزلات حقـق طموحـي ** في الطيب والا الشين مالي نظر فيه
ياباسط البيـدا ومرسـي الجبالـي ** يالله يـاربـي علـيـك اتكـالـي
الملـك ملكـك ياعزيـز الجلالـي ** سبحانه اللي كل مخلـوق يرجيـه
ودي بطرقه مار صعبـه ظروفـي ** وايامنـا مابيـن امـان وخوفـي
جاهدت فيها ليـن كلـت سيوفـي ** واحد تقبـل لـه وواحـد تجافيـه
هاجوسي قلبي منكسر في ضميري ** واصبحت فالدنيا سوات الاسيـري
ارد على الما مير حبلـي قصيـري ** أقيس حبلي ثـم يقصـر واطويـه
ميزت في الاعلام بالعرض والطول ** ولين في الاعلام طلعـات ونـزول
الرجل محتـاره والبـاب مقفـول ** والفكر متشتت وضاعـت معانيـه
من مغرب اليا الصبح مركاي كوعي ** والقلب يرجف تحت عوج الضلوعي
والعين منهـا ذارفـات الدموعـي ** من شي في قلبي عن الناس كانيه
واشكي على اللي كون الكون كلـه ** الياعقـد حبـل المعانـي يحـلـه
يعلـم بسـر العبـد دقـه وجلـه ** عبـده بتدبيـره يميتـه ويحييـه
لي صاحب لياضاق صدري نصيته ** جاني على درب الشهامـه وجيتـه
..................................** ......................................
البيض تنشر لـه فـي كـل ديـره ** بين الرجال اهل العقـول الكبيـره
راي وفـا ماهـو بميـت ضميـره ** والطيب له مظهر على وجه راعيه
هذا على راعـي الوفـاو الجميلـه ** وانا اشهد انه من خيـار القبيلـه
اللي عن اصحابه يشيـل الثقيلـه ** ماينثني من دون جـاره وعانيـه
راعي الوفا يعطـي وفـا مايذمـيه ** ذا كلام الصـدق مانـي بمخفيـه
.................................. ** .......................................
واللي في قلبـي عـذره يالسانـي** لاهل الوجيه البيض قاصي ودانـي
اهـل اللـزوم امثبتيـن العوانـي ** تاريخهم مشهـور كـلٍ قـرا فيـه
والمعذره لا صـار منـي قصـاره ** ياهل العقول الراجحـه والشطـاره
المدح في اهل الطيب ماهو خساره ** ماني مبالغ علم مثبـوت واحميـه
عداد ماهـل المطـر مـن خيالـه ** بحكمـة الخالـق وعـزة جلالـه
صلوا على امحمد معـد الرسالـه ** عداد مطلاع الثمـر فـي نواميـه

05-14-2009, 03:17 PM

الله يرحمك ياعبدالله
كلام من ذهب

ألف شكر يامطرفي الدلم بارك الله فيك

05-14-2009, 03:51 PM

بيض الله وجهك

وإلى الأمام حتى نجمع كل شيء عنه
بارك الله فيك وأشكرك يامطرفي الدلم

ورحم الله شاعر هذيل
وجعله في جناته

05-14-2009, 04:01 PM

رحمك الله يابن مستور

شكرا مطرفي الدلم على الموضوع المميز

تقبل مروري.......مطرفي الجوف

05-14-2009, 04:03 PM

[align=center]السلام عليكم ورحمة الله وبركاته

مساك الله بالنور والسرور
وبيض الله وجهك يامطرفي الدلم
كلام مثمن
رحم الله المسعودي وأسكنه فسيح جناته
تفبل مروري وسجل إعجابي يالنشمي

تحياتي وتقديري

.[/align]

05-14-2009, 04:18 PM

بيض الله وجهك

والله يرحمك يا عبدالله

وتقبل مروري

05-14-2009, 08:13 PM

السلام عليكم ورحمة الله وبركاته

شكرا ياعبد العزيز ،، وبيض الله وجهك

موضوع مميز

تحية طيبة

05-14-2009, 09:31 PM

بيض الله وجهك ياعبدالعزيز


	لي صاحب لياضاق صدري نصيته جاني على درب الشهامـه وجيتـه .................................. ...................................... البيض تنشر لـه فـي كـل ديـره بين الرجال اهل العقـول الكبيـره راي وفـا ماهـو بميـت ضميـره والطيب له مظهر على وجه راعيه هذا على راعـي الوفـاو الجميلـه وانا اشهد انه من خيـار القبيلـه اللي عن اصحابه يشيـل الثقيلـه ماينثني من دون جـاره وعانيـه راعي الوفا يعطـي وفـا مايذمـيه ذا كلام الصـدق مانـي بمخفيـه .................................. .......................................

ليتها كامله عشان نعرف منهو اللي مدحه عبدالله ؟؟؟

رحمك الله ياامبراطور الشعر

05-14-2009, 10:04 PM

[poem=font="arial,4,#0000ff,bold,normal" bkcolor="#deb887" bkimage="" border="none,2," type=1 line=0 align=center use=ex num="0,"]
ارد على الما مير حبلـي قصيـري = أقيس حبلي ثـم يقصـر واطويـه [/poem]

الله على هالبيت

والله مسكبي خط

شكراااا ولاتكفيك يامطرفي الدلم

الله يرحم المسعودي

تحياتي