الشاعر المبدع: إبراهيم الشيخي والشاعر العملاق د.حمد العصيمي (الداهيه) ولقاء الإبداع
ابراهيم الشيخي
سلام الله سلامٍ فيه من زين العلوم اشكال
..................على مشراف واللي فيه تسليمة برديـة
حمد عدى عليه العام ماطلّع زكاة المـال
..................ولن حسّبتهـا ماهـي كثيـر 2فى الميـة
د. حمد العصيمي
هلا يا مرحبا يا شاعر الساحه بدون جدال
...................بعد حصلتها بيـن القنـاوات الفضائيـه
غلاق العام يا الشيخي (13) شهر شوال
...............تبى تنقص شهر منها واثرك من الحراميه
ابراهيم الشيخي
يدوم لك البقا والله يديم البث والارسـال
................بعد صوتي وصلكم عبر الاقمار الصناعية
انا اعد الليال البيض يوم الود والميصال
................سعدنا من سعدها والليال السود منسيـة
د.حمد العصيمي
انا وش قلت لك ( ومحطم الارقام ) لك وش قال
.....................موصينـك علـى تحطيـم الارقـام القياسيـه
ما دام ان الجمل يا صاحبي في دبـرة الجمـال
.....................متى ما الله كتب ساقه على الـدار السعوديـه
ابراهيم الشيخي
انا اضم الوصاة اللي تجيني من ثقاة رجال
...................وصاتك مع وصاة محطم الارقام مرضيـة
حسبنا حسبة التجرة وتاجرها مع الـدلال
................واظنك ياحمد جـددت تاريـخ الصلاحيـة
د. حمد العصيمي
علامك يا الشبابي يوم زانت خنقت الرجال
..............طلع في قلبك القاسي على الرجال ماويه!!!
تذكرني وانا ما ني بناسي والليال طـوال
................وابا اذكرك ورشتك القديمه فا الصناعيـه
ابراهيم الشيخي
تبي تكفيه كلمة زيد الاول شـارب الفنجـال
...................انا حيلي على العراف ماستقوي على العيـة
تراهم مدرجين اسمك معي في جدول الاعمال
...................لكن اقرب وورشتنا القديمـة مثـل ماهيـة
د. حمد العصيمي
اشوف ام الخلاخل كل عام تجيب عشر عيال
......................بعد ما فكــــــــها راع البهيته واليمانيه
اظن الربع تدري بك وتعرف رقمك الجوال
......................ونمسي نلعب الموال في سجن النعيريه
ابراهيم الشيخي
زمان العام جاها شرها وتحرك الخلخال
...................وهذا العام لبست فالصو وثياب عاريـة
مضيعة الدلايل مالها فرقابنـا مثقـال
....................ترانا ياحمد في سبعة وعشرين هجرية
د. حمد العصيمي
سبايب صاحبك فرعون ابو بشتٍ حمر وعقال
........................تركـها لين كلٍ حـط له غتره وطاقيه
ترى لك سابقه في (سوق) اخذ عشره وهات ريال
...................عسى ما الله يحرمنا من الحسنات با السيه
إبراهيم الشيخي
لك الله ماتركها من قناعـة وانشراحـة بـال
.....................لكن اصبـح مصـور للبرامـج فالخليجيـة
انا ما رحت اهومي فالدير من شان جني المال
....................تجيني لين بـاب البيـت مربوعـة ومثنيـة
د.حمد العصيمي
ليا طاح الرشا وش قيمة الدراج والمحال
.................عساها تنهدم ما تنبني عشرين حوليه
قبل لا يطلع الدجال الاعور كم طلع دجال
..................وانا وانته هنا سلام يا رجال وتحيه
|