محاوره بين الشاعرين عطالله بن ناحي المسعودي يرحمه الله تعالى و محمد ابن طمحي الذيابي

محاوره بين الشاعرين
عطالله بن ناحي المسعودي
يرحمه الله تعالى
و محمد ابن طمحي الذيابي
تاريخ ٢٣/٢/١٤٢٢
[عطالله]
هلا يامرحبابك يابن طمحي غاية المقصود
تراحيب الوفا اللي مايعرف الغش راعيها
ارحبك واهليبك واشب النار في البارود
وانا ليه دعيه سابقه ما بناسيها
[ابن طمحي]
يدوملك البقا يالشاعر اللي من بني مسعود
رجالآ في المواقف تاخذ الجزله وتعطيها
ليا شبيت بارودك ترى عد الروى مارود
ولن جبت الدعاوي عدها واختار قاضيها
[عطالله]
اقول انك حديدي والحدود احدها بشهود
وانا حديت سكيني ولا ادري وين اوديها
لكن ان كان ولينك تباها سايرآ ممدود
نمدلها الرسن والسابقه تطلعها اياديها
[ابن طمحي]
حديديك والذيابه طبعها تسري الليال السود
لكن العلم في السكين يكفى الله بلاويها
الا يافكرتي يانكرتي ترى السبب هالعود
اشكك فيه حتى في الصلاه اللي يصليها
[عطالله]
ليارديتها يمي تراها وقفت بسنود
تفيض وتمتلي والفاضيه في كيس راعيها
ابا درب المذاهب والمذاهب عودها منقود
وجزار الذبيحه ماعجز في قطع اذانيها
[ابن طمحي]
انا رديتها يمك واقولك النقا مجرود
تحسبنا ماندري بالسواه اللي تسويها
مذاهبنا ومذهبك على علم الكرم والجود
رياجيلآ على الواجب طويلاتآ يمانيها
[عطالله]
دخيلك يابن طمحي لاتلقينا جبل حدحود
وانا خابرك ياخالي تعقلها وتثنيها
انا لديت للديره واضن اوحيت دن ارعود
ديار امربعه وديار ماتشرب ضواميها
[ابن طمحي]
انا ادور رضاكم يابنخين الولد والعود
لكن انته تولع نار مدري وش يطفيها
ختمناها عسى الافراح ياروس الرجال اتعود
وعطر المسك يالعراف باولها وتاليها
&& && && &&
انتهت المحاوره