محاورة رايعه

هاذي محاورة دارت بين شاعرين
الشاعر\عبد الله الروقي والشاعر\سلطان الشيباني وعجبتني المحاورة ونشالله تعجبكم


يقول عبد الله الروقي

تعال ياسلطان إلك عندي علوم
ماغير أنا وياك في هالمنتـدا
نبا نسيرها على حسب السلوم
ماتختلف حتى ولو طال المدا

...............................................
سلطان الشيباني

من شيمت اهل المعرفه في كل يوم
تحيّـة الاسـلام عنـد المبـتـدا
ماعـاد نبغالـك علـوم ولاتقـوم
مادام مالك فالبحـر مـن يسنـدا
...................................
عبدالله الروقي

ياصاحبي سلطان مكرم ومحشوم
وأن كانها زله ماهي زلـت ردا
لاشمت عنا ياولد عنكم نشـوم
ولو تزهم أعلا الصوت قلنالك بدا
...............................................
سلطان الشيباني

من شان خاطر روق من شان القروم
ولا الردي من خلقتـه مالـه جـدا
مير البلا في بيـت ميـزان معـدوم
من شـاف ردك ياعميلـي يشهـدا
..........................................
عبد الله الروقي

أدرج رحى المعنى على روس الرجوم
ولاتقصر الهقوات مـن دون الهـدا
ويش البلا يالـي تسـدون اللـزوم
أصحاب يا الصاحـب ولاحنـا عـدا
.............................................
سلطان الشيباني

منته بويّا نجم مابين النجـوم
بينك وبين النجم مزن ٍ يرعدا
عنها تريّح لاتزيد ابك الهموم
لاتسري الليل الطويل السرمدا
..........................................
عبد الله الروقي

كلن على قده يفصل لـه هـدوم
والي مشى وشلون يلحق من عدا
يانجم أشوفه حال من دونك غيوم
لكن طيـع الشـور بالله وأركـدا
...........................................
سلطان الشيباني

إحوار مايركب وناقه ماتـروم
على العنا وش حدّكم ياعابدا؟؟
وأنا مريّح في محلّي ومخـدوم
يضيع صوتك قِدم صوتي فالصدا
...........................................
عبد الله الروقي

بعض البيوت من المعاني كالسهوم
وبعض البيوت الله وكيلك جرهـدا
في الناس معطى ياولد وبه محروم
والي موكد له عشـا مأكـد غـدا
.............................................
سلطان الشيباني

في خدّك الايمن وسمْتك بالختـوم
وفي خدك الايسر وسوم وشاهدا
وش ينفخ سليمان والبرطم شروم
لكن روّح والتعـب معكـم سـدا
...............................................

جميله فعلا وبينهم شيء

[align=center]مشكوووور اخووووي عبدالله

والله يعطيك العافية

وعساك على القوة

تحياتي لك

رهيف الاحساس[/align]