اللي عنده قرش محيره .. يتزوج سعودية وهي تطيره

[align=center]السلام عليكم ورحمة الله وبركاته

طبعا ممكن تستغربون أن فتاة سعودية تكتب مثل هالموضوع لأنه مو في صالحها لكن والله ماكتبته إلا عن تجربة مريرة عاشوها ولا يزالون يعيشونها أخواني

راح أتكلم عن التكاليف الباهضة للزواج أدري أن الموضوع مو جديد لكن هالمرة راح أتكلم عن تفاصيل يمكن أغلبكم مايدري عنها وياليتها تكون سبب يخلي الأباء والأمهات يتقون الله في زوج بنتهم ( في الفترة اللي قبل الزواج ) ويخلي الزوجة تتقي الله في زوجها ( بعد الزواج ) .

طبعا في هالزمان أغلب البنات السعوديات مهورهم 40 ألف أقل شي يسلمها الشاب السعودي المسكين لا وبعد بعض القبايل تطلب صندوق ذهب ورضوة للأم ( مدري رضوة على وشو حنا زعلناها عشان نرضيها ؟ ! ! ) وووووووو ... الخ


طبعا المهر من حق البنت صح ؟ في هالزمن صار من حق أبوها ياخذ مهرها ولا يعطيها قرش منه يا أنه يشتري به سيارة يا أنه يحط كل أبو المهر في الأسهم طيب سؤال :


كيف تشتري البنت أغراضها عشان تستعد للزواج ؟ الجواب : هي ماتشتري إلا أشياء بسييييييطة والباقي على الزوج المسكين تـفر فيه بهالأسواق في الأسابيع الأولى من زواجهم وتشتري باقي الأغراض اللي ناقصتها على حسابه طبعا كل ماجات مناسبة ، قالت له وديني السوق أبي أشتري فستان <<<<<< طيب وين وديتي ال 40 أو ال 50 أو الـــ 60 ألف ؟ ؟ ! ! لو كنت في مكان الزوج كان قلت كذا بس للأسف كثير منهم طيبين ولا يقولونها

قبل مانبدأ نتكلم عن الحال بعد الزواج خلونا نرجع شوي لليلة الزواج معروف أن غالبا الزواج يكون على العريس المسكين يدفع المهر ويأثث البيت والزواج عليه مع أني أشوف أن المفروض الزواج يكون على أهل العروسة لأن العروسة هي المستفيدة من الزواج هي اللي بتنزف والناس يشوفون مكياجها وتسريحتها وفستانها العريس وش يهمه ؟

والله لو الود وده أخذ العروس من ثاني يوم بعد الملكة أهل العروس مايكفيهم أن الزواج على العريس لا بعد يتشرطون يبون في القاعة الفلانية عشان فيها شرفة تطل منها العروس وعشان فيها مدري وشو لا وبعد يبون عدد هائل من الكروت عشان يعزمون قبيلتهم كلها

صار الزواج والحمد لله ومرت الشهور والسنين عليه بعدها يكتشف الزوج الحقيقة المره وهي أن زوجته ما تستاهل كل هذي الفلوس اللي صرفها عليها ليه ؟

لعدة أسباب راح أحاول أختصرها :

1- مهملة في نفسها ما تتصلح إلا إذا كانت خارجة من البيت

2- مهملة في بيتها لولا الله ثم الشغالة كان أكلهم الدود

3- مهملة في عيالها بس نايمة ماتدري عنهم الشغالة هي تأكلهم وهي تلبسهم 4- تطلب
الطلاق لأتـفه الأسباب

فرق بين بنات زماننا وحريم أول ( إلا من رحم ربي وأنا ماأعمم لكن أقول الأغلبية من بنات هالجيل ) زمان كانت المهور رخيصة والحريم يسوون وزنهم ذهب عاد مايحتاج أوصف أمهاتنا وجداتنا الله يخليهم لنا لا وبعد كان أبو العروس يجهز بنته و يزيد على المهر عشان يأثث بيت الزوجية <<<<<<< أمها قالت لها

في الختااااام أي سعودي يقول أبي أتزوج من أجنبية صراحة ماألومه لا تعصبون يابنات أدري أن فيه منكم زينات إلا رائعاااااات لكن للأسف قليل

كتبته : إنسانة واقعية

منقوووووووول[/align]

[align=center]طبعا المهر من حق البنت صح ؟ في هالزمن صار من حق أبوها ياخذ مهرها ولا يعطيها قرش منه يا أنه يشتري به سيارة يا أنه يحط كل أبو المهر في الأسهم ..

والله يأخوي يارهيف كل اولياء الأمووور ياخذ المهر ويتصرف فيه لمصلحتة فقط...

بالعكس بعضهم اذا مازاده مانقصه..ويتحمل كل المصااريف اذا المهر ماكفا البنت..

الحين الزمن غير زمن امهاتنا وجدتنا ..تغير..والبنت من حقها تفرح في يوم عرسهاااا..
تبي تشوف كل شيئ جديد في حياتها ,,رغم انه ماينقصها شيئ عند اهلهااااا...
لكن المهر من حق الفتاااه مهما كااان ذلك المبلغ..

ولله الحمد في بعض القبائل حددوا المهوووور ولا احد يستطيع ان يتجاوزها لو بريال واحد,,
وبكذا يسروو على الشبااب تكاليف الزووواج...


امهاتنا وجدتنا ماكان زمانهم مثل هالوقت..يكفيها القليل..لأنها ماكنت تطلع ولا تروح ولاتجي الا لأقاربها..بالأضافه الا ان كان في زمانهم كل شيئ رخيص

تروي لي جدتي تقول كنا بالعشره ريااااال نشتري طعام يكفي شهرر..!!

فما بالكم الحين ...تنزل ومعاك 500 ريال وترجع ماشريت شيئ,,!!!


40000---او اكثر من كذا
اتوقع ماهي كثيره بأم عيالك ..وراعية بيتك..

وانت ماتعلم الغيب تكون صالحه اولا...!!!!!

والأخت انسانه

تكلمت على المرأه وتقول انها ماتستاهل كل اللي صرف عليهااا
صح ما عممت الموضووع ولكن,,,

ولكن في بعض الرجال مايستهلون الحريم للي عندهم...!!!!!

الأن اصبحت المراأه السعوديه خير من بعض الرجااال..! قلت بعض...

تهتم في دراستها وتعليمها مقاابل من ترك التعليم وسلك طريق السهر والسفر,,!!
وموظفه وتصرف على عائله ويمكن هو من ضمنهم....!!!!!

مهتمه بشؤون بيتها وأطفالها وزوجها لا يدري عنهم شيئ,,احياناً في ازواج لما تسألهم عن اولادهم بأي مرحله دراسيه..يقول لأعرف...!!!!


سبحان الله ,,,الأن اصبحت المرأه السعوديه,,لا تساوي شيئ..!!!

لا وإنكِ لا تلومين الشباب اذا تزوج من اجنبيه,,,,,!!!!

قد تكون رخيصة الثمن,,,ولكن اين هي من عادتنا ..تقاليدنا,,,تربيتنا الأسلاميه,,!!!!

كثيراً منهم تزوجوا وندمووا...!!!!!

لا وتقول

لا تعصبون يابنات أدري أن فيه منكم زينات إلا رائعاااااات لكن للأسف قليل ..!!
لماذا لا يكون القليل من قمتِ بوصفها,,,,!!!!

انظر حولك ,,شوف اختك,,زوجة اخيك,,بنت عمك..بنت خالك..من الأغلب اخي الشااب,,!!!


شباب

بنتنا فيهن الخير والبركه

والله اضفر سعوديه يسااوي اجنبيات العالم كله,,,!!!!!!


دمتم بألف خيرررررر

وأسفه على الأطاله

اختكم قمر الرياض[/align]

[align=center]للاسف ما اصدق سخافة بعض العقول والله مثل هذي ماتهين الانفسها فقط
ولاتمثل الانفسها البنت السعودية نجمة ساطعة على الجميع احنا ماجابنا ورى الاالتحطيم وقلة الثقة والاعتداد بالنفس الكل يغار من السعودية والله يقلل من امثال هؤلاء المرضى نفسيا وعقليا

مشكووور اخوي رهيف الاحساس على النقل

شمس الشموسة[/align]

مشكور اخوي على الموضوع يلم بكل شي بالحال الحاصل دحين من غلى المهور ومن تقصير كلا الجنسين بحقوقهم ان كان للاظفال او لبعضهم بس مو عامه الناس البعض منهم وربي يهدي الجميع ...


أختك الحنان الدافئ .

يارهيف اذا الموضوع على القروش هين

لكن الموضوع يصل الى الزوج نفسه

يمكن تطيره براسه واذانيه

خخخخخخخخخخخخخخخخخخخ