تغطية زفاف الشاعر أ.فيصل بن عباد السالمي الهذلي

بسم الله الرحمن الرحيم


في ليلة تاريخية وعظيمة وبحضور ومشاركة جمع غفير من كبار الشخصيات من المشايخ والضباط ورجال الأعمال والمفكرين والأدباء والمثقفين والشعراء
احتفل الشيخ عباد بن عيضة السالمي بزفاف ابنه الأستاذ الشاعر الأديب فيصل بن عباد السالمي ( عز الرفيق )
وكان لي شرف الحضور وتغطية الحفل البهيج تغطية مبسطة
أرجو أن تنال استحسانكم



















الـحــدايــا



حداية مجموعة ( قروب ) نخبة هذيل وثمنها
للشاعر رايد الحتيرشي
بمشاركة الشاعرين

فارس الصحراء ومحمد المسعودي






سلام جينا في قرى من زاد فاالانفس وقاره
فيصل عباد الي على وضح النقا تشتب ناره
عز الرفيق ومسعدٍ ربعه وحافظ حق جاره
واسمه مع الشعار في عرش الشعر شاعر جزل

الوقت متغير وبيت الشعر جاء فيه انكساره
واحنا هذيل الي نعزه عز ونعلي جداره
واهل الصنادق لو تبا تتعب على بني العماره
مانبني بيتٍ بلا سيسان بنيانه هزل

مورثنا غالي وتبطي عظم عشاق الحضاره
والي يشوه صورة المورث يبشر باالخساره
نقصر يدين (قصير)الهقوات ونخليه شاره
نعطيه لين انه يعاف الشعر ولى يعتزل



الرد :
يا مرحبا ترحيب في اللي مثلكم ماهو خسارة
يا ربعنا اللي في مواقفكم على رهن الاشارة
والفاهم اللي لا مشى يعرف يمينه من يساره
ما يختلف لا سار في الطرقة طلع والا نزل
.
واللي على حلقه يفصل ثوب ويضيق زراره
ما همنا يا ربعنا والنار تولع من شرارة
لو كان فاهم كان اخذ عبرة من ابراج التجارة
ابراجها بدبرة الخالق ترى راحت غزل

.
تغير الايام واللي في الصدارة في الصدارة
والبدو ورعاة المواشي كل واحد في دياره
اما اربطوا الجربا عن الباقي ونطلاها بجاره
والا اعزلوا الجربا قبل لا تنشر العدوا عزل











حداية ذوي زراق من عتيبة وثمنها








سلام تسليم الخيال اللي على الديرة ضفا
يسوقه الخالق و برقه في مزونه ما طفا
ممشاه من ديرة هل الواجب خوال المصطفى
عتيبة الهيلا مقابيس الوغى زبن الدخيل
.
جينا على حسب السواير ياهذيل أهل الوفا
ياللي لكم تاريخ من مكة ليا ضلع الشفا
قصيركم من سابق الايام ما يشكي جفا
أنتم رياجيل الحقوق المستديمة يا هذيل



الرد :

يا مرحبا ترحيبة في الوجه ماهي في القفا
بعتيبة اللي ذكرهم بين القبايل ما خفا
قدر ومكانة ثابتة والعلم نوره ما طفا
ودك تجيب المستحيلة منت جايب مستحيل
.
الله يحييكم على التكميل في بيت الضفا
تاريخنا واضح على ظهر البسيطة ما هفا
من الخليج اليا المحيط وروس قادة و اخلفا
ابنا الصحابة عسكر البارود مقباس الفتيل

جولة بين الحضور الكريم

الشيلات



شيلة من كلمات الشاعر/ رده الطلحي الهذلي
أداء المنشد/ محمد الهوشان


http://www.lamaarstudios.com/Studio/...tal7ee_Mix.mp3

يا سلام الله سلاماً موجه للعموم
ردةً عالي سماها وغالي سومها

ما تليق الا لفيصل وللربع القروم
ماننصيها ضعاف العرب ورخومها

هات يالفكر الشوارد ولا يلحقك لوم
من هواجيساً وفاها يعدي لومها

عند عكفان الشوارب وعطبين السهوم
عزوةً من سال عنها تجيه علومها

تفرش الترحيب للضيف من قبل القدوم
في حلال الاد سالم صدر مرسومها

من هجوس الشاعر اللي تجي وقت اللزوم
ما تخلا عن ربوعه بوقت لزومها

القوافي جات تعزم وانا جيت امعزوم
جيت امثل عزوةً ما تلين اعزومها

عادتي مامدح هلامه ولاجيب معدوم
مامدح الا راعي المرجله زيزومها

حر واصوك راس دايم على العليا يحوم
من حراراً للمهمات تكسر حومها

ذاك فيصل يكرم الضيف ويضد الخصوم
العدا وقت المنازل يدق خشومها

كلمته بين العرب صك ممضي ومختوم
والبحور يفكك اسرارها ويعومها

شاعراً يبني الفرايد ويرسمها رسوم
لوحةً يجتاح الالباب زين رسومها

لا حضِر شامخ شموخه ولا قمة يسوم
يرتقي للمجد والطايلات يرومها

ناسب طوال الشوارب قويين العزوم
لابةً تفخر بتاريخها وسلومها

من ذوي زراق منسب مقدر ومحشوم
مزبن اللي من قهرها تشق هدومها

يا سلام الله سلاماً موجه للعموم
ردةً عالي سماها وغالي سومها




شيلة من كلمات الشاعر/ خالد الدعدي الهذلي
أداء صوت هذيل/ صلاح الدعدي

http://c.top4top.net/m_214npcu1.mp3

اطنخ ياصوت هذيل باجزال النشيد
واختار من عذب اللحون و شلها

من هاجساً يرقى وفي الماقف يزيد
ماهمه ادقاق الحمول وجلها

في حضرة اهل الشعر واركان القصيد
تقلط جزيلات القصيد بحلها

نمدح رجال العز والمجد التليد
ونعمي عيون اهل الردى ونخلها

حشمة رجال الطيب والساس الجويد
اهل البيوت. اللي يظلل ظلها

قومن لها الامجاد تبقى ماتبيد
مناصب العليا لها تحتلها

حماية القاله واهل راين سديد
حتى صعاب المعضلات تحلها

كسابه الامداح في اليوم الشديد
ترهب قلوب اخصامها وتذلها

الاد سالم هم هل الفخر المجيد
ماغيرت سود الليالي دلها

حضرت للمحفل وهقواتي بعيد
أواصل اصحاب الوفاء واصلها

مبروك يافيصل عسى عمرك مديد
يامحرز اسباب المدايح كلها

غالي يافيصل والله الوالي شهيد
خوتك نرفع شانها ونجلها

ترقا معالي العز يالحر الفريد
جزل الفرايد فيك يزهى حلها

والصف واحد لانميل ولانحيد
ماهمنا كثر الخصوم وقلها

هذيل قوم العز والعلم الاكيد
ذروه سنام المجد قد سجل لها




شيلة من كلمات الشاعر/ هشام المعطاني
أداء صوت نجد المنشد/ سعد ال عيد

http://c.top4top.net/m_213ql861.mp3


الشعر حاله من الأدراك واللا شعور

تفرض على معشر الشعار حالاتها

أعلى مراتب بلوغه حشرجه في الصدور

تظهر على الشاعر المبدع علاماتها

في مهمهة عصفه الذهني تقول مخمور

ما عاد يعنيه في العالم ونظراتها

خاضت بي أفكاري البارح بحور وبحور

وقامت طواريقي اتلاعب عباراتها

والموتر اللي نهجته في خطوط المرور

شارف على ساحة الحفلة وصالاتها

داهمني الوقت وأنا بين طورٍ وطور

قريحتي بين أخذ هذي وذي هاتها

أوسم البكر واللي في فلكها تدور

والناس تطرد ورا حنا وأخواتها

أنا دخيل الله من الكبر ومن الغرور

إذا تفرست في الساحه وشيلاتها

يا منظم الحفله أحجز لي ولا هنت دور

في الليله اللي شواعير العرب جاتها

أما نحرت الجمل ولا نحرت الجزور

عندي وكاله على الحيران وأماتها

ومعزب الحفل يترقب وصول الحضور

والأرض وده لهم تقصر مسافاتها

يلد يمي وهو يخفي ورا العين أمور

وأنا أعرف اللي ورا عينه و اشاراتها

يقول رحب تراك اليوم ما أنت معذور

الحفل حفلك وهات اللي تبي هاتها

يا مرحبا باسم من لا يقبلون القصور

بضيوفنا سادة الأرض وبهاواتها

الهيل خالط وريح الزعفران البخور

حفاوة ٍ بالضيوف نقدم إثباتها

في دبرة الشايب اللي في المواقف جسور

أسامي المدح تزهى فيه وصفاتها

عباد عطر النبا مرهق بطون القدور

من زود نطل الذبايح في مغباتها

صافي ووافي وله مبدى وشهم ووقور

من عليت هذيل أكابرها وهامتها

حضوركم نور واللي زود الحفل نور

اللي تروجع له الشعار بأبياتها

فيصل وفيصل عليه له حقوق ونذور

تشهد عليها الأراضين وسمواتها

مناص الأمداح من باقي عيال الظهور

وأنا أعرف أنزل الناس في مقاماتها

له مع سلاطين شعر النظم وقفه ودور

كم شارده سجل اسمه في سجلاتها

حضرت له والكلام اللي ما بين السطور

أبلغ من الغاية اللي في عباراتها

البرنامج الخطابي



مقدم البرنامج ومعده الأستاذ عبدالله ناشي الندوي




البداية بكلمة ترحيبية باسم صاحب الحفل الشيخ عباد بن عيضة السالمي حفظه الله
ألقاها ابنه المهندس عبدالرحمن


وقصيدة ترحيبية للشاعر عبيد بن عيضة السالمي
ألقاها نيابة عنه الأستاذ نواف بن عمر السالمي




مرحبا والضيف له قدر ومقامي
مرحبا في دار اهل عز ومهابه
مرحبا قدر وغلا عند الحشامي
مرحبا ليلة فرح ما انصك بابه
فيصل اسمه غير عن كل الاسامي
راعي الطالات من مطلع شبابه
الله أعطاه الصفات اللي عظامي
راعي القالات موفي كل جابه
و ابو فيصل بيرق الصف الأمامي
الكرم والطيب وإصلاح القرابه
يازحول الأرض ياثقل السوامي
ياعيال اللي رحم ربي ترابه
ياعيال اللي لعله للرحامي
فخرنا من فخر أبونا لا غرابه
الحقيقة نور جلاّي الظلامي
كل رجالٍ تعرفه من جوابه
اسمنا معروف من بين الأسامي
آل عليان في سلم وحرابه
جدنا فعله رقى شرقاً وشامي
سجل التاريخ لِحضرة جنابه
برجال احرار مثل السيل طامي
كاسبين الزود في وقت الحرابه
اهل بندق ماهو لبيع وسوامي
لزّمن لا صار ميله وإنقلابه
كم عدوٍ عندهم روح عدامي
كان في وقت الشدايد يعتزابه
كل يوم وكل شهر وكل عامي
الفخر لعيونكم جدد ثيابه
وإسمنا معروف من بين الأسامي
آل عليان في سِلم وحرابه

مشاركة الشيخ الشاعر عطاوي الندوي

http://a.top4top.net/p_223m26q3.jpg

مبروك الأفراح يافيصل عباد
قدمك خالقك يافيصل لخير
والله يجملك بالرأي السداد
والله يعطيك بالرزق الوفير
والله يرزقك االابناء والحفاد
يعطيك من فضله الوالي القدير
ياولد قوما ليا سار العناد
واستفحل العلم بالوضع الخطير
والا يشم القبس راس الزناد
وارتجت البيشنه مع دق زير
ترسي كما ترسي اجبال البلاد
ترسي لها لو يسير اللي يسير
وان سار للسالفه موعد وماد
تأتي على الوعد ماتحزى الوذير
حمايه المضطهد قمع الفساد
أهل الشجاعه صغيرا مع كبير
عزوه بني سالم أصحاب العتاد
لأن قامت الحايه واشتب الذخير
اللي يخاويها يامن بالوكاد
والي يعاديها يشرب زمهرير
مضمون عينه يفارقها الرقاد
من خوف تشتب من فوقه سعير
في ايام راحت بها جهد وجهاد
والناس تدعى جميعا للنفير
واليوم عيشا رغد والأمن زاد
والعلم نوره على البيدا منير
من فضل والي البشر رب العباد
الله عن الخلق ميزنا كثير
بالدين والعلم والإسلام ساد
العلم يدري به اصحاب الضمير
والشكر للي عليه الاعتماد
الحمد لك يامجير المستجير
يالله تحقق لنا كل المراد
يالله نصرك على أصحاب الغدير
واهل الكنائس دعاة الاضطهاد
وأصحاب الأوثان والدين الحقير
حطم لهم ياولي كل العماد
وادر عليهم رحاك المستدير
وادلنا ياولي درب الرشاد
واميرنا اجعله خير الامير
وختام قولي صلاة الله عداد
ماطاف بالبيت من جمعا غفير
على شفيع البشر يوم التناد
صلوا على منذر الامه البشير

مشاركة فارس الصحراء الشاعر والمؤرخ والأديب صالح بن دخيل الله المطرفي




سلام في حفل الرجال أهل الوفاء وأهل المهابه
العزوه اللي فزعة المضيوم في يوم الحرابه
ذوي عليان الحرار الصاطيه يوم المجابه
في قمة العليا بنوا بيت ٍ على الساس الوثيق

وفيصل عباد نقدره ونجيه ونحسب حسابه
الشاعر اللي للعلا والطايله مفتوح بابه
شعره يزلزل بالحضور وبالسطور وبالكتابه
واسمه على وضح النقا بين العرب عز الرفيق

مشاركة الشاعر محمد بن سالم المسعودي






حضر بالامر العسكري حضرهنا حسب النظام
ياهاجسي حد استعد الليل في راسي خبر

خلك على عهدي لياجات المهمه والهمام
احذر تنقدنا مع الهذلان نقاد الشعر

هذيل عرافن يفكون اللحام من اللحام
اهل الفصاحه واللغه والشعر من علياء مضر

هذيل تعرفها تبرق فالجزيل من الكلام
نبا البيوت امركزه سوات نفشن في حجر

ياهاجسي هات البيوت اللي تجمل فالمقام
الشعر ديوان العرب والعين يقداها النظر

اليا نخيتك فز فزت صقر شايف له حمام
يهوي علاه من علو الضلع ما هاب الخطر

كله لعين اللي لك الله يستحق الاحترام
فيصل عباد وربعه الغالين عنوان الفخر

وفالليله اللي تجمع الاصحاب من شرقن وشام
سلام تسليم الوفاء عداد همال المطر

سلام تسليمن على مد النظر ينصا الكرام
الحاضرين الغانمين اللي لها وجه وقدر

سلام ياهل الحله اللي مايجيها الا الحشام
حلت مطانيخ الرجال اهل الفعايل والسطر

اهل الوجوب امكملين النوب عالين المقام
عزوة بني سالم دروع الجنب واحزام الظفر

سوالمه مذهب وجيره وان حصل يوم الزحام
افعالها نوماس للهذلان في كل الدير

سوالمه ياطيبهم طيباه لاصار الزعام
تثبت مثل كبكب وكبكب ضلع شامخ يابشر

من عزوة الهذلان ربعي مروية حد الحسام
يوم المطاحن فالجزيره عزوتي خطن حمر

درع الحجاز وعسكر البارود للعايل اكعام
اهل الثلاث البيض يوم الناس لاحقها دهر

والليله الحفله تمام وكل مافيها تمام
تكميل ياربعي وهاذي ليله افراح وشعر

ليله مقام الشاعر اللي يسخر اجزال الكلام
امروض الكلمه على معناه والهاجس بحر

شاعر وناقد في سماء الابداع والامجاد حام
مسرج قناديل المعرفه بالكلام المختصر

الياهرج بين العرب محدن يلحقه الملام
هذاه فيصل بن عباد الوافي الشهم الاغر

جينا نبارلك على سلم العرب والاحترام
تستاهله واللي سواتك من بعيدين النظر

واختم كلامي عد ماغرد على الورقا حمام
صلو على محمد شفيع الناس في يوم الحشر

مشاركة الشاعر عماد بن معتوق العبيدي





سرا الليل واسراب القوافي عن المنقود
تسابق تحت جنح الظلام ورجا الاصوات
تحت ضيقها فرحة ملاقى خلا ونفود
يسولف بها الحيين ..عن ذمة الاموات
على الحد وإلا مالها في البلاد حدود
غدت تتبع انفاس الصباح البهي وجات
وطنها القلوبٍ البيض والا القلوب السود
تلخص عن ارهاصات الاعمال بالنيات
وانا حاجتي وكلتها الواحد المعبود
تحت لا إله إلا أنت يا قاضي الحاجات
خذتني هواجيس السهر والعباد رقود
موأقيتها عن بيت رب الهجوس جهات
اوجّه مفاهيم الصداقه سنود سنود
امر الوسايل واتشرره على الغايات
يا فيصل لاكان الجود مايقنع الموجود
تراك انت فال االمقبلات وعزا ما فات
يا فيصل على مرأى القصايد صدور ورود
ابزرع بساتين السواير عبر وآيات
حضرنا يدللنا الطريق وبخور العود
وسلم القصايد .. ما تغير هنا بالذااات
نزف الغلا منا ومنك الوفا معهود
على ساير العادات ما نخلف العادات
يا فيصل ليا عز الوفا منهو المقصود
من اللي قبل تنخاه تشهد له الفزعات
تنصى محاريب السطر والفخر معقود
ياريف الحروف ومبلغ الشعر والابيات
أنا سالمي لا شق بطن الهدف عبرود
تحت رايةٍ من بعدها تحمل الرايات
وأنا سالمي لاجات فزعه وطيب وجود
تحزم بهم وابشر بهم فاصعب الشدات
هلا مرحبا .. في حلةٍ طيبها مشهود
تقض المشاعر لجلها الصمت والانصات
رجالٍ ماتخلف هقوة الجار والمضهود
اهل حلة..ٍ وبهار علم .. وكرم مدات
وجيهٍ ينومس فعلها والبرا مردود
وجيه الرجال اللي تفاخر بها القالات
هنا الطيب وادي والمبادي ظلال حيود
ماسادو رقاب ضعوف سادو على السادات
ماتحسب عليهم والنعم نقص والازود
هنا "والنعم" اقل واحقرر ..من الطالات
تسامى فضايلهم غمام ومطر ورعود
بذور ابرك الاعمال غرس ابرك الحزات
أنا سالمي النخوة وأنا سالمي الجود
وأنا فيصل الترحب والطيب والردات
من هذيل شجعان العرب عسكر البارود
سنان السطر والعز والفخر والوقفات
لنا من بياض افعالنا وردنا المارود
ولنا من رباط المجد مايلجم الشمات

مشاركة الشاعر والأديب ردة الطلحي




يا سلام الله سلاماً موجه للعموم
ردةً عالي سماها وغالي سومها

ما تليق الا لفيصل وللربع القروم
ماننصيها ضعاف العرب ورخومها

هات يالفكر الشوارد ولا يلحقك لوم
من هواجيساً وفاها يعدي لومها

عند عكفان الشوارب وعطبين السهوم
عزوةً من سال عنها تجيه علومها

تفرش الترحيب للضيف من قبل القدوم
في حلال الاد سالم صدر مرسومها

من هجوس الشاعر اللي تجي وقت اللزوم
ما تخلا عن ربوعه بوقت لزومها

القوافي جات تعزم وانا جيت امعزوم
جيت امثل عزوةً ما تلين اعزومها

عادتي مامدح هلامه ولاجيب معدوم
مامدح الا راعي المرجله زيزومها

حر واصوك راس دايم على العليا يحوم
من حراراً للمهمات تكسر حومها

ذاك فيصل يكرم الضيف ويضد الخصوم
العدا وقت المنازل يدق خشومها

كلمته بين العرب صك ممضي ومختوم
والبحور يفكك اسرارها ويعومها

شاعراً يبني الفرايد ويرسمها رسوم
لوحةً يجتاح الالباب زين رسومها

لا حضِر شامخ شموخه ولا قمة يسوم
يرتقي للمجد والطايلات يرومها

ناسب طوال الشوارب قويين العزوم
لابةً تفخر بتاريخها وسلومها

من ذوي زراق منسب مقدر ومحشوم
مزبن اللي من قهرها تشق هدومها

يا سلام الله سلاماً موجه للعموم
ردةً عالي سماها وغالي سومها

مشاركة شاعر الحجاز رايد الحتيرشي





دعيت والدعوه لها قيمتها
وهجوس شعري تغتلي قهوتها

سويتها للعاقل المتذوق
من هيض صدري ضابطٍ طبختها

ترا القصايد فاالمحافل واجد
وفيصل عباد يركز لبدعتها

شاعر وعنده نظرةً شعريه
لو العرب ماتختلف نظرتها

وانا مشاغب لا اعتليت المنبر
والنفس محداها تجي جرئتها

وفيصل عباد اشاغبه واحبه
واهل القصايد هكذا ردتها

كلاً على الثاني يسوق الجزله
ونفوسنا ماتختلف هقوتها

والشاعر اللي مايوجه حرفه
ضمن البيوت ورسمٍ وجهتها

لايتعب هجوسه ولا يتعبنا
ويزاحم الشعار في وقفتها

البارحه هوجسة ياهوجاسي
فالديره الي سالمه وحشتها

وجات الفرايد تستبق وتدرج
الجو ممطر والسما فيتها

من فوقها مركز على مركازي
ومن طيب حظي صايدٍ نقوتها

كرامة القناص من مقناصه
للخوه الي محتمي خوتها

صيدٍ سمين ودلةً قندها
وابهارها يغلي على شبتها

وارجز وحدا من حدود الباحه
ويسابق الساعه على دقتها

حتى وصل مكه وجاء للمحفل
فاالساعه الي من عصر وقتها

لجل الخوي الي يعز الخوه
والابه الي حافظه حكمتها

الاد سالم عزوتي وحزامي
كعم العدا يوم القاء لطمتها

اهل الفعول مرجحين الكفه
من ما مضى ماميلت كفتها

وانا حضوري تعرفون حضوري
بين الرجال الصامله وافتها

اقلط على وضح النقا متمكن
واهدافها تشعى على حبتها

واخير مختم في قصيد الليله
على رسول الامه وخيرتها

صلو على محمد ياال محمد
لو القصيده باقيه سجتها

مشاركة الشاعر الأستاذ عبدالله بن مسيفر النجيبي





الليلة الميقاف ياهل الشعر غير
تحزموا نبغى نشد الانتباه

الحفل حفلي ماني والله مستشير
ياهل الحفل مضمون مانبغى وصاه

ميقافنا واحد من الوقت العسير
ماهي بوقفة صورة تنقلها القناه

إلا على صوت العزاوي والنذير
نفزع ولا نحسب ملذات الحياه

يامرحبا والله يمسيكم بخير
الضيف له تقدير مانرخص غلاه

ياضيفنا من بعد حثيت المسير
اقلط على التكميل يا مال الغناه

ولا حسبنا لا قليل ولا كثير
فالمحفل اللي مانقلل مستواه

وكرر الترحيب من صافي الضمير
باسم الرجال اللي لهم وجهاً وجاه

اهل الثلاث البيض والسيف الشطير
واهل الفعل يوم الزمن معلن بلاه

الاد سالم ياحماة المستجير
لادارت الايام دورات الرحاه

تطحن خشوم اخصامها طحن الشعير
هيهات مابه لا مفر ولا نجاه

والمحتفى به شاعر القوم الكبير
ماكنه إلا سهيل في عالي سماه

عز الرفيق وصاحب الاسم الشهير
شاعر ليا جات المواقف ماعلاه

فالصف الاول ماهو فالصف الاخير
ياكم وقف ميقاف لازم واحتماه

فالشعر ماله لا شبيه ولا نظير
اشعار ابو هذال تنقلها الرواه

هذه الحقيقة لو زعل منا جرير
انشهد ن البيت عزه من بناه

ياهيبة الاخصام يالبحر الغزير
يالطمة العدوان يا منهي العصاه

يامهندس الابيات بالفكر الخبير
يامتعب النقاد واعقول الدهاه

واختامها صلوا على طه البشير
اعداد من حافظ على افروض الصلاه

مشاركة الشاعر حميد الطلحي





سلام يا اهل الوفاء والطيب واهل المقام
العزوه الي تعنينا علي شانها

تسليم يضفي على الحضار زود احترام
في حلة الجود والترحيب عنوانها

آلاد سالم هل الافعال يوم الزعام
المجد كسابته من عهد جدانها

وقفاتها مع جميع الناس ذروة سنام
الكل يشهد لها من ماضي ازمانها

يوم الشدايد كرام وللمنايا حسام
الخيل تعرف سلايلها وفرسانها

قوماًلعدوانها نيران تضرم ضرام
هذي علوم الصحيح الصدق يبرا لها

المدح فيهم يشرفني علي الحرام
والكلمه الوافيه ترجح ب ميزانها

عاداتنا نحفظ عهود الوفاء للحشام
كلمه من العود وفاها ولاخانها

مبروك يافيصل ابن عباد نلت المرام
اجمل ليالي السعد هذا الفرح زانها

ماني بشاعر ولكن جاء في بالي كلام
واصبح قصيده بمعناها وب اوزانها

واجمل تحيه لكم مني ومسك الختام
المعذره يا هل الحفله وضيفانها

صلواعلى المصطفى المبعوث خيرالانام
اعداد ماهلت القطره من امزانها

مشاركة الأستاذ الشاعر هشام بن سعود المعطاني




مساء الخير يا جمر القصايد وريح العود

وهيل الدلال اللي يعانق كلماتي

مساء الخير ما أدري يا مساء النار والبارود

أنا جوف صدري صرصرٍ ريحها عاتي

بعدي غيبتي طالت عن المنبر المشهود

ودارت مقاديري على غيري مشهاتي

تعذرت يوم أن المواقف سهود مهود

ولا فيه ما يدعيني أفتل شنباتي

مساري غداري لاش صايد ولا مصيود

ولا ذيبها ذيبي ولا شاتها شاتي

وحانت علي الفرصه اللي ما هي بتعود

وغنيت يا صهوة قصيدي وراياتي

يا شعار عذراً عودوا دربكم مقعود

أنا جيت أغير باختياري قناعاتي

أجدد مع الجمهور شعر وثقه وعهود

على المنبر اللي فيه كانت بداياتي

وأحرك على روس الأصابع هبوب النود

وأوجه ركاب الريح حسب اتجاهاتي

وعلى منظرٍ يضفي عليه الفخر ويسود

أحط اعتباري في مضافة عباراتي

يا فيصل يا فيصل غاية الود والمقصود

معك وش يجملني ليا جيت سكاتي

أنا أخاف بكره يزعل الجود والماجود

ليا جيت في بيته ولا جاته أبياتي

ولنّك حفيد اللي لهم فوق عرش الجود

كراسي الملوك اللي لها أزكى تحياتي

بني سالم اطرب يا شعر واردعي يا رعود

وغيضي وفيضي يا سحاب السمواتي

من هذيل ربعي محزمي عسكر البارود

ليا شمرت عن رجلها سمر الأوقاتي

على صفحة التاريخ يوم البرا مردود

سطرنا دواوين الفخر والبطولاتي

ولا قام يتبجح ويتفاخر عديم الفود

بشيٍ من التاريخ ما فوقه إثباتي

لطماه بابو ذويب ولا بابن مسعود

أسود الجهاد ومحكمين التلاواتي

عموماً يا فيصل لا تضايق وأنا موجود

وأنا والله إن رضاك من صلب غاياتي

ما دام الموده بيننا حبلها ممدود

علي الطلاق أني لا أصخر لها ذاتي

يا أبو مرحبا في بيض الأيام ولا السود

والأول ليا عديت في أصحابي الآتي

سنافي ودمث أخلاق سمح وعريب جدود

هذا اللي عليه أبني يا فيصل علاقاتي

يا شاعر تطيعك مفرداتك بدون قيود

تفردت بإبداعك حسب معتقداتي

بساتين شعرك بين باسق نخل وورود

هذا غاية منايه وهذي طموحاتي

فدا راسك اللي لا مشاعر ولا منقود

تخبط شراعه في عروض المحيطاتي

عليه المعاني كايده والحروف تكود

قصير المدى عنه النوادر منيعاتي

يجي بيت شعره كن ما يرفعه عامود

وأنا والله إن الشعر كل اهتماماتي

بعد طب سوقه كل راعي دخل محدود

وقام يتبجح باسم الاحياء والامواتي

شكى حاله الميئوس منها وهي في زود

وأنا أدري معاناته تشابه معاناتي

يقول أخرجوا من ساحتي كل لين عود

بعد غثربوا نيلي ودجلاي وفراتي

جانب من التكريم والهدايا





http://a.top4top.net/p_223p0849.jpg


















ختاماً نبارك لأخينا زواجه وجمع الله بينه وبين زوجه بخير ورزقهم الذرية الصالحة
ونتمنى لهم حياة سعيدة

وأعتذر من أخي فيصل على الاختصار والتقصير في المونتاج والإخراج
وأعتذر لمن لم يحالفه الحظ في التصوير وذلك لكثرة فعاليات الحفل والأنشطة والمشاركات
دمتم بخير

ملاحظة
( الموضوع تحت التحديث المستمر )

بالتوفيق انشاء الله