*+* محمد المسعودي مع صقر سليم ،،الله يعجّل بالمزون اللي تهل أمطارها *+* - ::{ مجالس قبيلة هذيل }:: موقع يهتم بتراث القبيلة ومفاخرها

04-10-2008, 09:42 PM

السلام عليكم ورحمة الله وبركاته
هذه المحاورة جمعت الشاعرين في حفل زواج ابن الشاعر عبدالله الجبرتي والذي أقيم في 27 /2 /1429 هـ
وإليكم المحاورة
..
صقر سليم
يامرحبا والدار امان ومعرفتنا ماتزول
واهل المعزه والوفا مايختلف مقدارها
ماغاضنا غير الكلاب اللي تسب الرسول
أنجس حثالة دار لا ابوها على ابو دارها

محمد المسعودي
دام البقا والله ميزنا بحكمة فالعقول
نبني بيوت العز والآخرى نهد جدارها
الله عصم خير البشر من كيدهم عرض وطول
واللي تولع نار بكره تطيح بنارها

صقر سليم
يا أصحابنا الهذلان دار الوقت حول بعد حول
وأهل المعرفه في مواقفكم تلد أنظارها
أنا أدري في هذا الموضوع ماعندك حلول
واللي تبي المعذار دايم طارفٍ معذارها

محمد المسعودي
أصحابك الهذلان من حولك وتسمع وش تقول
وأنته تخيّر واخذ من زين العلوم خيارها
ياصقر قدّر موقفك والعلم ماهو بالسهول
الله يعجّل بالمزون اللي تهل أمطارها

صقر سليم
والله وسبع أنعام مافيكم حرون ولاجفول
لكن لا تسري بموتر طافيات انوارها
والله ماينكر معاريف العرب غير مهبول
يااللي تفوّح دلتك ليتك حكرت بهارها

محمد المسعودي
عندي عليك ملاحظات من الطلوع اليا النزول
أنا عطيت القوم يمنا ماعطيت يسارها
إن كان عندك علم جيب العلم ياراع الذلول
قومٍ نقدرها وقوم يسدها مقدارها

صقر سليم
يااللي تلاحظ وانت فالواقع مثنّى ومعقول
مدّتك حسّب شرها قدام تحسب خارها
أنا حسبتك يامحمد نظرتك يم الزحول
وأثرك مثل الحية اللي تطّحن في غارها

محمد المسعودي
أنا يديني مطلقه وأسمعك ياراع الطبول
تبا الحقيقه ما حلاويها سوات امرارها
بغيت افك الباب لكنك قفلته بالقفول
اخذت باشوارك وبعض الناس عمس شارها

صقر سليم
انا مثبت خطوتي وانتم ليا جيتوا عجول
تمشي ورى اصحاب الطبول اللي تدق بطارها

04-27-2008, 11:14 PM

أنا يديني مطلقه وأسمعك ياراع الطبول
تبا الحقيقه ما حلاويها سوات امرارها
بغيت افك الباب لكنك قفلته بالقفول
اخذت باشوارك وبعض الناس عمس شارها

صح لسان الشاعرين..

ومشكووور على النقل..

04-29-2008, 06:36 PM

وعليكم السلام ورحمة الله وبركاته

ياسلام أخوي مطرفي الدلم لاهنت ..
محاورة جدا رائعة :

محمد المسعودي
أصحابك الهذلان من حولك وتسمع وش تقول
وأنته تخيّر واخذ من زين العلوم خيارها
ياصقر قدّر موقفك والعلم ماهو بالسهول
الله يعجّل بالمزون اللي تهل أمطارها

محمد المسعودي شاعر نفتقده ولا نعلم أسباب غيابه عن ساحات المحاورة فهو شاعر لا يجارى .

والشاعر صقر سليم شاعر جزل ومعروف ماعليه قصور ..

حفظك الله أخي مطرفي الدلم .

04-29-2008, 06:38 PM

صح لسان الشاعرين

والله يعطيك العافيه اخوي على مانقلت

05-01-2008, 10:24 PM

الله يعافيك شاكر لكم على مروركم ومحمد موجود على ساحات المحاوره لكن ليس بالصوره المطلوبه

08-02-2008, 05:50 AM

اخي مطرفي الدلم

عساك فالوجود يالنشمي

محمد المسعودي شاعر كبير يستحق الاهتمام

شكرا لك

08-02-2008, 10:34 PM

مشكور على مرورك الذي أسعدني .

تحياتي .

08-04-2008, 02:00 PM

صح لسان الشاعرين
ومحمد المسعودي مازال شاعر المحاورة الاول في المملكة