تقدير كميات المطر عند الباديه ( شاركو يا بدو)

تعرفون مِن اول ماكان عندهم مثل اليوم من تـِقْدّمْ لاشنهم جيدين و(ذهينين) يخيلون الأمطار ويعرفون مواقعها وتسميتها ومقاديرها وابا أقولتشم عن بعض الألفاظ الّي يستخدمونها في تقدير كميت المطر وهذا له مناسبه وهيه الخيرات الّي ساقها ربي الكريم الجواد الرحيم سبحانه وابا اترك البعض الآخر منها للي يبا يشراك
الأوله ( الّي يغسل الشيره) وهذا للمطر القليل
الثانيه(رشاش) وهذا دون الّي قبله
الثالثه(الّي يدفن الجره) وهذا أكثر منهما
الرابعه( المصرد)وهذا أكثر شوي
الخامسه( الّي يقض الجبل) وهذا أكثر شوي
هيا كملوا الباقي ؛ لكن هذي الأسماء قدتختلف عند بعض القبائل

أنت شكلك تبي تجيب العيد قبل يومه ،ترى يا دوب نقول يا ستار،وأسماء المطر هذه غريبة في هذا المنتدى إلا إذا كنت ستبدأ باللي يصرد ثم اللي يقض على قولك.
أكفانا الله شرّك .
لكنها طريفة إذا كانت على حقيقتها :
دانٍ فويق الأرض هيدبه يكاد يرفعه من قام بالراح

اقول مِن يامنك مُتدحرج شكلك تبى تجيبه قبلي ،
عطني اللي تعرفه يا ( المتدحرج) ورتبها الترتيب الصحيح ، الله يعطيك العافيه .

وين البدو أهل العلوم الغانمه ، الله يستر عليهم ويردهم سالمين وغانمين ( وسلمتْ براجمهم منْ الأوخازي )

وهاكم الّي بعدها ؛ لأني أحس بان هذي الديره مخلوطةٍ بالحيل ولا يعرفون هاذي العلوم

( ألّي يلم الغنم) وهذا يخضّر بالأرض ولا يسيل.
( ألّي يبين وجه الأرض) وهذا ينقّع ولايسيل.
( ألّي ياسَمْ ) وهذا يمشي الماء معه.

وكملو والإ تراني ما أعلمكم بالباقي ، وانتبهو هذا في ديارنا الّي فيها جبال أما أهل الخبت عندهم أسما ثانية بعدين أعلمكم بها ؛ لكن ألا حظ أن العداد حق المشاهدات في هذا الموضوع وموضوعات ثانيه ليه خربان فاأدري هل لأن المنتدى فيه خراب وفيه فيروسات وإلا ويش العلم يا هذيل الأصايل لا الدخايل .