من اعذب محاورات عبدالله المسعودي رحمه الله - ::{ مجالس قبيلة هذيل }:: موقع يهتم بتراث القبيلة ومفاخرها

05-18-2009, 10:32 PM

هذه محاوره نادره جدا بين الشاعرين

عبدالله المسعودي رحمه الله والشاعر رداد المسعودي

بصراحه الشاعر رداد المسعودي كان ندا قويا لأسطورة المحاورات عبدالله المسعودي

عبدالله المسعودي :
مرحبا من هجوسن همها ماقتلها
يوم بعض القلوب تموت من غير هم
المعاني يجون أصحابها عند اهلها
احد يعرف واحد مايعرف العشر كم

رداد المسعودي :
البقا يالمغني والمثايل فتلها
من بكى ما ضحك والدمع منصوف دم
الجمايل تطوي حبلها في جملها
وان طحنتوا طحنا حب لو كان صم

عبدالله المسعودي :
رجل ابو زيد غاطس ساقها في وحلها
وانت لا قالوا ابو زيد قلت ونعم
بطن جيعان لو تعطيه يمناك اكلها
اي شي يرد الجوع لو كان سم

رداد المسعودي :
نفسك اللي تضايق شانها من عملها
لو تمنى تجي لي عم ماصرت عم
كل جابه يبا ياتيك مني بدلها
حيث تمشي مشينا والقضا والقدم

عبدالله المسعودي :
الذبيحه تمهلص شحمها مع عبلها
وانت تاكل ولا تطعم لزادك طعم
ليت راع المطيه قبل تسري عقلها
قبل ينطف عبسها عند باب الحرم

رداد المسعودي :
كيف هذي الديار تحوزها عن جبلها
لو تزلزل عليه من السما ما انهزم
الذبيحه تقاد لسيدن ما قبلها
وانت وشبك تخم الدرب بالمشي خم

عبدالله المسعودي :
شيل يدك الكريمه يااصبح الوجه شلها
وش هذي البخبخه والفخفخه والكرم
انت نازل على الديره وغيرك نزلها
كل ماصار في خشمك عرام انعرم

رداد المسعودي :
قد زرعنا ونجنا تمرها من نخلها
لو تبا دين لا حلف لك بربي قسم
انزوى حدها واصحابها في فللها
طيع شوري ليا سولفت لك قول تم

عبدالله المسعودي :
لو بارودة الحارس يولع فتلها
ماتحوم السوارف عند قدر اللحم
مابصلي ورا شيخ يمينه شملها
امترغ فالمراغه وابتهل واحتزم

رداد المسعودي :
صبح بكره يبين ريالها من هللها
ماش عين تشوف الدرب وآذان صم
كم نفسن مريضه زادها ما قتلها
والشياطين ماتقرب رجال القلم

وهذا تصميمي لان اي شي يعجبني اقوم بعمل تصميم له

05-18-2009, 10:42 PM

الله يرحم اسطورة المحاورة ويشفي رداد المسعودي ورداد من كبار الشعراء في وقته وند قوي لهم لكن للإعلام دور في تحجيم بعض الشعراء العاديين وإخفاء شعراء متميزين وأقوياء .

لاهنت وبيض الله وجهك .

05-18-2009, 11:14 PM

رداد المسعودي

اسطورة محاوره بنفسه

و لو يعود رداد للمحاوره لأعاد لها ثقتها بنفسها

رحم الله عبد الله المسعودي

و اطال الله عمر رداد المسعودي

و كل الشكر يا عازف هذيل

نقل مميز

05-18-2009, 11:25 PM


	المشاركة الأصلية كتبت بواسطة عز الرفيق


	رداد المسعودي اسطورة محاوره بنفسه و لو يعود رداد للمحاوره لأعاد لها ثقتها بنفسها رحم الله عبد الله المسعودي و اطال الله عمر رداد المسعودي و كل الشكر يا عازف هذيل نقل مميز

صدقت والله

05-19-2009, 01:58 AM

رحم الله الشاعر عبدالله المسعودي

يعطيك العافية ياعازف هذيل

تحياتي لك

05-19-2009, 11:50 AM

رحم الله الشاعر عبدالله المسعودي

05-19-2009, 08:41 PM

رحم الله عبدالله المسعودي رحمة واسعة
واطال الله عمر شاعرنا رداد المسعودي
معرفتي برداد المسعودي قديمة جداً وكان زميل عمل
قبل أن يتقاعد
شافاه الله وعافاه فهو يعاني من عدة مراض

05-30-2009, 07:03 PM

يثبت الموضوع مع الشكر لعازف هذيل

07-02-2009, 04:41 PM

ألف شكر ياعازف هذيل

مجهودك واضح ورائع

الله يقويك ويمتعك بالصحة والعافية

رحمة الله على عبدالله
وشفا الله رداد ومتعه بالصحة والعافية

07-03-2009, 08:42 PM

رحم الله الشاعر الهرم/عبدالله المسعودي وألبس الشاعرالهرم/ رداد المسعودي ثوب الصحة والعافية

08-09-2009, 11:42 PM

شكراً ..
محاورة قوية

04-09-2010, 11:16 AM

[align=center]

للمحاوره بين شاعرين من نفس القبيله طابع خاص

فعلا المحاوره هذه روعه وجميله في كل ابيااتها وقداطلعت عليها قبل كذا

بكتاب/ شاعر هذيل
تأليف /ابوتاكي المسعودي

رحم الله عبدالله رحمة واسعه واطال في عمر رداد

عازف هذيل عسفت الابداع حتى سار طوعا لك تتنقل به في صفحات المنتدى كيف تشااء

شكرا لك

[/align]

سي يو

10-16-2010, 07:34 AM

بطن جيعان لو تعطيه يمناك اكلها
اي شي يرد الجوع لو كان سم

الله يرحمك يا عبدالله المسعودي

وكل الشكراً على هذه المحاوره الرائعه

03-03-2012, 10:16 AM


	المشاركة الأصلية كتبت بواسطة خوي المطاليق


	بطن جيعان لو تعطيه يمناك اكلها اي شي يرد الجوع لو كان سم الله يرحمك يا عبدالله المسعودي وكل الشكراً على هذه المحاوره الرائعه

100%100