مرثية الشاعر الامير خالد الفيصل في والده الملك فيصل رحمه الله

[align=center]في هذه المشاركة بالذات لن أعرّف بالشاعر

لانه أكبر من أن أعرف به يكفي فقط أن أقول إنه دايم السيف الشاعر الأمير خالد الفيصل

نظم هذه القصيده كما تُنظم الدرر لتخرج لنا كـعقداً فريد يسر السامعين

هي مرثيته في والده المغفور له بإذن الله الملك فيصل بن عبدالعزيز ال سعود رحمة الله وسكنه فسيح جناته.[/align]


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاهنت ياراس الرجاجيل لاهنت = لاهان راس في ثرى العود مدفون
والله ماحطك بالقبر لكن امنت = بللي جعل دفن المسلمين مسنون
منزلك ياعز الشرف لو تمكنت = فوق النجوم اللي تعلت عن الكون
سكنت دار المجد ياشيخ واسكنت = شعبك معك في منزل العز ممنون
صنت العهد ياوافي العهد ماخنت = علمتهم وشلون الاشراف يوفون
كم ظالم عاداك وعفيت واحسنت = واخلفت ظن جموع ناس يضنون
شلت الأمانه حافظ ماتهاونت = شفنا بك رجال على النفس يقوون
يللي طلبه الملك بالحب زينت = عرشك بتاج قلوب شعب يحبون
لونت تاج الملك ماقد تلونت = ماغرتك دنياك ماصرت مفتون
بالزهد والمعروف والصبر كونت = منهاج فيصل منهج اللي يعدلون
تلفتت روس المخاليق وين انت = وين العظيم وعود الشوف مطعون
كم خافق وقف عقب ماتكفنت = وكم ناظرن ذوب سواداه محزون
لو شفت حال الناس عقبك تبينت = مقدار حب الناس للي يحبون
مما بقلبي قلت يابوي لاهنت = وإلا انت فوق القول مهما يقولون[/poem]

ببيض الله وجهك يارايد على هذه القصيده الأكثر من رائعة

وصح الله لسان أمير الشعر دايم السيف وسناء الحقيقة

ورحم الله الفيصل رحمة واسعة00

[align=center]مشكووووور اخوي رائد

ولا مير خالد الفيصل شاعر كبير ومعروف

وتسلم يا الغلا[/align]

[align=center]وجهك ابيض يابو عبدالله

يسعدني مرورك العطر

ويعطيك العافيه[/align]

[align=center]مشكوره أختي العزيزه شروق نجد

على مرورك وعلى تفاعلك الرائع

اتمنى لك التوفيق والاستمرار[/align]