حروف القوافي - ::{ مجالس قبيلة هذيل }:: موقع يهتم بتراث القبيلة ومفاخرها

12-14-2005, 12:02 AM

[poem=font="Simplified Arabic,5,orangered,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
عبري عن شعوري ياحروف القوافي *** ياعسى لك رديات المعاني فدى
كان مالك من احساسي بحور ومرافي *** سجنك الصمت واحلامك بلوغ المدى
ذوبي الشوق ذوب من المعاليق صافي *** اقطفي الورد لويبكي عليه الندى
لامسي كل جرح بداخل الجوف خافي *** وان لقيتي المواجع بالهدى بالهدى
لا تهابين ليل وطول درب وفيافي *** دام وضح النقا نهج وطريق ورِدا
ودامني لك على طول المشاوير وافي *** وانتي صمتي وصوتي وانتي رجع الصدى
بك ولو ضاق صدري مايضيق اعترافي *** لك ينابيع فكري والمشاعر حدا
ماذخرتك لمدح اللي عن المجد هافي *** انتي ثوب الرجال أهل السخا والندى
ولا لمدح العيون الناعسات الغوافي *** ولا لعشق انتهى والا لعشق ابتدا
انتي احساس يسري داخل الصدر دافي *** ان غويتي غوى وان اهتديتي اهتدى
كل بيت(ن) ردي تسفي عليه السوافي *** لو اعتلى للسقوط ولوانبنى للردى
وكل شعر(ن) بلا برهان لو شب طافي *** جهد راعيه مهما كان يذهب سدى
يثبت الاسم فعل ولاتهون القوافي *** للفعايل صفات وللخبر مبتدا
ودامني لك على طول المشاوير وافي *** فانتي صمتي وصوتي وانتي رجع الصدى[/poem]

12-14-2005, 04:05 PM

احسنت يا عبد الله ... نشكر لك هذه التحفة النادرة

وياليت تزودنا من هذا الابداع

12-14-2005, 06:45 PM

[align=center]الله أكبر إبداع منقطع النظير

الله يوفقك يولد العم

سجلني معجب ومتابع[/align]

12-25-2005, 11:13 AM

تحفه رائعه وقصيده جمله جداااااااااااااا ارجو المزيد شكر وتقدير للاخ عبد الله ولمنتدا هذيل علي هذا التواصل المتميز شكرا للجميع