احرق فوادي * للشاعر عبدالله المسعودي يرحمه الله

احرق فؤادي وانكوت كبدي و أنا مسلم واعرف ديني
واشتبت النيران فقلبي وفي كبدي وحتى فكفوف ايديني
وان قلتله قال انت ماترضى علي بيدك تعميني وتعمي عيني
اصبر وزيد الصبر صبر ان كان لك فينا نصيب*
وقلتله يازين انا جوعي ضمى وادنات ماجزاني
كلمه وسلمه كافيه من نصك الفوقاني
واليا طلبتك حاجة من بعدها كانت بقطع الساني
جرب وشوف ان كان ماصدقت قولي ياحبيب*
قال الكلام اللي تقوله فالسعه بعدين فالزحمه يضيع حسابه
واليا ضحكنا لك اخاف يزيد حالك كيف تمنع نفسك المنصابه
اللي يهوجسله فقاف وجاز له ياهل الهواء غنابه
لكن من يامنك راعي في الغنم تسرح بها ياذيب*
قلت العفو والذيب ماخان الامانه من عصوره ضاري
غير انت ياظبي الخلا عن كل سبعن ساري
انا معك بين الرجا والياس ماني داري
وان خاب ظني فيك ظني في المحبه مايخيب*
قال المحبه في القلوب وكفها واقصر كلامك عني
والله لو ينبت نخل في وسق راسك ماتبا تفرح بحاجه مني
حتى ليامنك رقدت وقمت من حلو المنام اتغني
اظهر من الحب الطبيعي وادخل الحب الغريب*
قلت الغريب اللي رماني في البحر لين البحر يغرقني
وان جيت ابسبح جات من فوقي قنابل محرقه تحرقني
اقسمت لك وان كنت مؤمن ياذعاذيع الهواء صدقني
امسك يدي واكشف علي واعتبر نفسك طبيب*
قال اه ياويلاه يوم الله بلاني بك في هذي الساعه
ان جيت اقلك روح ضعت وفيك ماهانت علي الضاعه
لكن لاتوقف على الشارع وخش ادخل معي في القاعه
اسمع كلامي من قريب واسمع كلامك من قريب*

بيض الله وجهك يابن عادي