صوت وصدى بين الشاعر عواض بن عدهان والشاعر محمد سالم المسعودي ..👍🏻

صباح المطر والجو غائم وفيه امطار
صباحٍ بريح الغيث صافي وهتاني
يوصل لابن سالم سلامٍ قوى وحار
ويستاهل الترحيب من اول وثاني
وذا وصله الترحيب اعرفه رجل بيطار
ويعرف بني غامد ماهم مثل زهراني
ويعرف ثياب الرجل قطعه من الامتار
وكلٍ يفصل ملبسه طول الازماني
احد يستره ثوبه واحد يلفت الانظار
وحد ما يعرف الثوب سوري ولبناني
ترا الناس يا محمد تقيس كما الإثمار
ويفرق ما بين التين خوخٍ ورماني
واحد يشتهي هذا وحد يكثر الأشوار
والآخر يزيد الهرج متعمد وعاني
وترا راحو اهل الفعل مع كثرت الأذكار
بعد كثرت الاموال والمدح مجاني
ويعيش الكريم اللي يعز الخوى والجار
سلائل هل الأفعال من رمح وسناني
هذا الموجز اللى بان وانته تجيب اخبار
وعندك علوم الطيب والحق سلطاني

للشاعر عواض بن عدهان


الرد :

صباح الوفاء والخير من واقع المقدار
صباح المعزه ياصلك بابن عدهاني
صباح النقاء لاهل النقاء ماعلاه غبار
عدد مايلوح البرق في غر الامزاني
اصبح على رجلن مايجهل حقوق الجار
يعرف الوجوب ويكرم الضيف والعاني
واشوفك تنشد ياعميل الوفا وش صار
عسى ماعلاك اخلاف ياذيب سرحاني
تهرج على وضح النقاء والكبار اصغار
ولن جيتني في درب الاسناع تلقاني
انا من بني مسعود يالفارس المغوار
عيوني مراتي مااجرح الناس بلساني
ولاني وكيل ادم على ورثه الانصار
ولاني مكلف بالمخاليق من داني
ولااحط بمناه على فم غار ونار
اساير زماني لونوبات يعصاني
اجاهده بالماجوب والصبر والاصرار
هذاه الصحيح اللي مثبت ببرهاني
مادامك على ظهر البسيطه تراك بخار
تونس وسج الرجل في كل الاوطاني
وبرقن تعدا لاتخيله هذاه الشار
اقوله وانا عارفك ياذرب الايماني
وانا اقول ياستار واقول ياغفار
انا عبدك المذنب وانا عبدك الجاني
ذنوبي كثيره وانته الواحد القهار
تغفر الذنوب وطالبك يالله غفراني

للشاعر محمد سالم المسعودي ابو نواف