رثاء ابن راجس للشيخ فلاح بن حشر

رثاء ابن راجس للشيخ فلاح بن حشر

--------------------------------------------------------------------------------

هذي قصيدة عبدالهادي ابن راجس في الأمير فلاح بن فيصل بن حشر
شيخ ال عاصم وأمير الهياثم

وابن راجس شاعر غني عن التعريف





جض الفؤاد وزجت العين ماها من يوم جاني علم وافي الخصايل

أجاذب العبره والأخرى وراها وأصد عن عينٍ العيني تخايل

علمٍ حصل مابين الأرض وسماها في واحدٍ هيلت عليه النثايل

لاخير بالدنيا ولا من بغاها ياما خذت من كاسبين النفايل

كم سببت لعيون ناس عماها من عقب ماكانو رجال الصمايل

مرحوم ياشيخ تلقا عناها وأشفى نفوس في طلبها غلايل

فلاح ماضاعت عليه ولقاها حكيم رأي وللمهمات شايل

يمناه تعطي ماتمن بعطاها مابين محتاجٍ ومابين سايل

بنى الهياثم لين ثبّت بناها ولوالدينه حط فيها سبايل

آمين يلقا في مصيره جزاها في جنة الفردوس بين الظلايل

عقبه رجالٍ عاليٍ مستواها جمال التخوت اللي تشيل الثقايل

خشوم الجبال اللي يذري ذراها لا جا نهارٍ فيه قاصر وطايل

ندّر حرارٍ رابحٍ من جناها ما جمعت من واطيات الخمايل

يمشون مثله في دروبٍ مشاها ويعدّ لون الميل لو كان مايل

عسى الدلي تظهر من الماء ملاها ولاخير في دلوٍ يجي به حثايل

وتروي الكبود اللي فلقها ظماها وتقضب طريق الشايبين الأوايل

حتى يقال أهل الهياثم حماها من كل شيطانٍ يروم الفشايل

وخلو خدوش الناس تقصر خطاها من خوف يرجع فعل ماضي الفعايل

ياعزاز أعزيكم بطيب عزاها ودعي لكم بالعز بين القبايل





الشاعر عبدالهادي بن راجس

[align=center]مشكور أخوي فارس الدهما

ويعطيك العافيه على هالقصيد الرائع

تقبل تحياتي[/align]