هذه المحاوره بين الشاعرين فيصل سعود السويهري و سامي سعد السويهري

هذه المحاوره بين الشاعرين
فيصل سعود السويهري و
سامي سعد السويهري في قرية سبوحه يوم الإربعاء الموافق ٩/٢/٠٠٠١٤٢٨
/ سامي /
سلام رديتة تنصاك يابن سعود
واللي حضر من رجال العرف يوحونها٠
انته منول سوات الذيب دايم تزود
يقولون سد الهقاوي وانت من دونها٠
/ فيصل /
يامرحبا مرحبا عداد نو آ يقود
وعداد من درج الخطوه على
هونها٠
عز الله اني ورى الهقوه وربعي شهود
وانته بعينك وكل الناس بعيونها٠
/ سامي /
خابرك عاقل تعرف الصادره والورود
واليوم دنياك فوقك رافعه شونها٠
ياليت ونك سوات الشيخ شيخ الفنود
واقول نعمين والعربان يقولونها٠
/ فيصل /
الزود لله واذهن ياعريب الجدود
والطيبه طيبه مايختلف
لونها٠
من يوم ربي خلق آدم وصمد وصمود
والناس فيهم ترى صاحي ومجنونها٠
/ سامي /
الزود للي يريده لو سد الحدود
والغاليه كل خلق الله يشرونها٠
كل الليالي بها ياذيب بيض وسود
لاكن بيض الليالي وين تلقونها٠
/ فيصل /
النحل فيه العسل يشفي مراض الكبود
والناس حذرى تغرك ضحكت إسنونها٠
الناس فيهم بخيل وبعضهم فيه جود
ياليت بعض العرب ما باح مكنونها٠
/ سامي /
عينت راع الشداد اللي غدى بالقعود
قصتك ياصاحبي معروف مضمونها٠
قد ايش اعلم وافهم فيك قلبك رقود
احسب حساب الليالي قبل تسرونها٠
/ فيصل /
دنياك هاذي موقفها على راس عود
قطفت من وردها واضميت ليمونها٠
اعطيتك العلم كله وانت قلبك حسود
مير الامانه تعود عند مامونها٠
&& && && && && &&

صح الله لسانك يا سامي ولا يهون الذيب


وقد تشرفت بحضور هذه المحاورة وكانت ليلة جميلة



شكرا لك

محاورة رائعة بلا شك لشاعرين كبيرين اتحفونا بهذه المحاورة الجميلة ونشكرهم عليها
والشكر موصول كذلك لاخونا الغامض على هذا النقل الجيد وبارك الله فيه

صح لسانك وبارك الله فيك

[align=center]اشكر الاخ ابو خالد الهذلي

على مروره الرائع

واتمنى تواصلك

علىطووووول

الغامض[/align]

[align=center]صح بدنك يافارس الدهما[/align]

صح لسانك يا أبي وماااااااااخبت

محاوره جيده وصحت الألسن وبيض الله وجيهكم ياشعار السواهرة.