عبدالله المسعودي ورداد المسعودي رحمهمها الله ..

تبارك الله الصوت صافي واعجبني المقطع وجودة الصوت واحببت نقل المقطع مع ايراد ابيات المحاوره كامله



http://www.youtube.com/watch?v=FQdJD...feature=relmfu





المسعودي :
مرحبا من هجوسن همها ماقتلها
يوم بعض القلوب تموت من غير هم
المعاني يجون أصحابها عند اهلها
احد يعرف واحد مايعرف العشر كم
رداد :
البقا يالمغني والمثايل فتلها
من بكى ما ضحك والدمع منصوف دم
الجمايل تطوي حبلها في جملها
وان طحنتوا طحنا حب لو كان صم

المسعودي :
رجل ابو زيد غاطس ساقها في وحلها
وانت لا قالوا ابو زيد قلت ونعم
بطن جيعان لو تعطيه يمناك اكلها
اي شي يرد الجوع لو كان سم
رداد :
نفسك اللي تضايق شانها من عملها
لو تمنى تجي لي عم ماصرت عم
كل جابه يبا ياتيك من بدلها
حيث تمشي مشينا والقضا والقدم

المسعودي :
الذبيحه تمهلص شحمها مع عبلها
وانت تاكل ولا تطعم لزادك طعم
ليت راع المطيه قبل تسري عقلها
قبل ينطف عبسها عند باب الحرم

رداد :
كيف هذي الديار تحوزها عن جبلها
لو تزلزل عليه من السما ما انهزم
الذبيحه تقاد لسيدن ما قبلها
وانت وشبك تخم الدرب بالمشي خم

المسعودي :
شيل يدك الكريمه يااصبح الوجه شلها
وش هذي البخبخه والفخفخه والكرم
انت نازل على الديره وغيرك نزلها
كل ماصار في خشمك عرام انعرم

رداد :
قد زرعنا ونجنا تمرها من نخلها
لو تبا دين لا حلف لك بربي قسم
انزوى حدها واصحابها في فللها
طيع شوري ليا سولفت لك قول تم

المسعودي :
لو بارودة الحارس يولع فتلها
ماتحوم السوارف عند قدر اللحم
مابصلي ورا شيخ يمينه شملها
امترغ فالمراغه وابتهل واحتزم

رداد :
صبح بكره يبين ريالها من هللها
ماش عين تشوف الدرب وآذان صم
كم نفسن مريضه زادها ما قتلها
والشياطين ماتقرب رجال القلم

لرفع

محاورة ناريه من العيار الثقيل
رحم الله الشاعر عبد الله المسعودي والشاعر رداد
جزاله بكل ماتحمله الكلمه من معنى
سلمت يابن عادي على الإيراد

.. الله يرحمهم ان شاء الله.
.. ويعطيك العافيه يا بن عادي.

محاور ممتازة والكسيت ذا شريته من مكه عام 1410هــ

الله يرحمهم شعار ماجاء مثلهم والمحاورة بينهم لها طابع خاص


سلمت ولا ندمت يابن عادي

الله الله يابن عادي مشكور

الاخوه الكرام مرحبا بكم


وشرفني مروركم العطر