قصيده رثائيه فالشيخ عبيد بن عادي العميري الهذلي ...

هذه قصيده لشاعر صالح بن رويجح المطرفي الله يطول بعمره يرثي بها والدي الشيخ عبيد بن عادي العميري عليه رحمة الله وتعتبر القصيده قديمه ومكرره لكنها لم تأخذ حقها لسوء التنسيق مني والشاعر صالح مهما نقول فيه لن نوفيه حقه :



[poem=font="arial,4,#000000,bold,normal" bkcolor="#87ceeb" bkimage="backgrounds/8.gif" border="double,4,#00008b" type=2 line=0 align=center use=ex num="0,"]
من عقب اذان العشاء والفرض صليته= ودعتلي صاحب ماهان توديعه

انا وربعه ومن يمشي على صيته= كل بعد فرقته هلت مداميعه

لوهو مسافر امريكا قلت ياليته= ياخذ مسافه وتفرحنا مراجيعه

لكن سفرت فنا حلت مواقيته =حطوه في منزل دنو مرابيعه

مرحوم ياللي ثمان اسنين خاويته = ماشفت غير الرجوله في مشاريعه

يارب تغفر ذنوبه حيث واتيته=دعوة صحيب مولع فيه توليعه

من يوم فارق عبيد اظهر تناهيته= حاشا وكلا عبيد اشريه مابيعه

ويامحسن اللي لمحته فيك واريته= حرق على القلب وازدادن اواجيعه

يابو سعدمن بكاك الدمع هليته= خالك ولا الوم دمع فاض من ريعه

انااشهد انه يشوق اليا تناخيته = يسد لازمك وتحصل منافيعه

قاسي وراسي وتلقى الطيب في بيته= مدهال لهل الكرم مشبع مجاويعه

ظل لربعه ويفزعلك ليا جيته= ويرد راع المطامع عن مطاميعه

مهما كتبته وقلته عنه ما وفيته =والله من طيبه اللي صعب تجميعه

ياعبيد بيت الوفاء والطيب عليته =رفعت مبناه ومنور مشاميعه

عابد يانعم الموصى يوم وصيته= وفرج وشامان عد عذب انابيعه

الجد عادي وعادي يوم سميته =عساه يمشي طريق الشيخ ويطيعه

وعادل وصالح و صادق يوم ناديته = كل على ماسمع يفتح مساميعه

وحارث وسلطان واللي ماتناسيته = وحمزه ومن لاعرفت اسمه ولاذيعه

الراى لموه لانسمع بتشتيته = سيرو على منهجه واخذو تطابيعه

ومرحوم ياللي على الثالث تقافيته= فواز بعده حصل دفنه وتشييعه

عيال عم تقافو مفجع الميته = والحمد لله على حكمه وتشريعه

يارب تجبر ذوي عادي وماعطيته =ماعنه مجناب لو توجع مقاطيعه

وصلاة ربي عدد ماقلت وامليته= على محمد عدد كتبه وتطبيعه[/poem]

رحم الله والدك رحمة واسعه وأطال في عمر دكتور الحداء صالح بن رويجح المطرفي الهذلي

رحم الله أباك ، وبيض الله وجه ابن رويجح ، وبارك الله فيكم.

رحم الله أبوك يا بن عادي رحمة واسعة وأسكنه فسيح جناته

وصح لسان ين رويجح وانتم نحرزون المدح بدون شك

	المشاركة الأصلية كتبت بواسطة مطرفي الدلم

	رحم الله والدك رحمة واسعه وأطال في عمر دكتور الحداء صالح بن رويجح المطرفي الهذلي

اللهم امين

شرفني مرورك اخي

مطرفي الدلم

	المشاركة الأصلية كتبت بواسطة الفارس حزين الطلعة

	رحم الله أباك ، وبيض الله وجه ابن رويجح ، وبارك الله فيكم.

اللهم امين


اخي الفارس

مرورك اكبر فخر

رحم الله والدك رحمه واسعة وأسكنه فسيح جناته

وصح الله لسان الشاعر المبدع صالح بن رويجح العلم الذي أبدع في كل
مجالات الشعر

ومشكور يابن عادي على هذا النقل

	المشاركة الأصلية كتبت بواسطة أبو المثلّم

	رحم الله أبوك يا بن عادي رحمة واسعة وأسكنه فسيح جناته وصح لسان ين رويجح وانتم نحرزون المدح بدون شك

اللهم امين


شرفني مرورك ياذوق

السلام عليكم ورحمة الله وبركاته


رحمة الله على والدك يابن عادي ، وعلى جميع موتى المسلمين

وصح لسان الشاعر صالح


وشكرا على النقل ،،والتواصل المميز

تحية طيبة

	المشاركة الأصلية كتبت بواسطة أبو حمدان

	رحم الله والدك رحمه واسعة وأسكنه فسيح جناته وصح الله لسان الشاعر المبدع صالح بن رويجح العلم الذي أبدع في كل مجالات الشعر ومشكور يابن عادي على هذا النقل

اللهم امين

العفو يابو حمدان

شرفني مرورك ياذوق

بيض الله وجهك يل بن عادي

ودكتور الحداء ما يحتاج

رحمه الله واسكنه فسيح جناته

	المشاركة الأصلية كتبت بواسطة عماد الهذلي

	السلام عليكم ورحمة الله وبركاته رحمة الله على والدك يابن عادي ، وعلى جميع موتى المسلمين وصح لسان الشاعر صالح وشكرا على النقل ،،والتواصل المميز تحية طيبة

وعليكم السلام ورحمة الله وبركاته

اللهم ارحم موتانا موتا المسلمين اجمعين

المميز مرورك الرائع دائما يابو معتوق

تقبل جل احترامي

	المشاركة الأصلية كتبت بواسطة مازن البقيلي

	بيض الله وجهك يل بن عادي ودكتور الحداء ما يحتاج

وجهك ابيض اخي مازن


شرفني مرورك

الله يرحم الوالد يابو عاادي ويسكنه فسيح جناته وجميع موتى المسلمين ,,


رثائية جميلة لدكتور الحدى


واسمح لي فقد قمت بتنسيق القصيدة ,


تحياتي