ع/ محاوره بين الشاعر عبدالله مستورالمسعودي يرحمه الله و جارالله السواط

ع/ محاوره بين الشاعر عبدالله مستورالمسعودي يرحمه الله و جارالله السواط
١ ( السواط )
سلام الله على الاشراف واللي حاضرامن الناس
نبى صفين والا عذرونا ياهل الحله
عزمتونا وجيناكم على سبل الوفا لاباس
والا يهل البجيدي لايجي في صدركم خله
٢ ( المسعودي )
هلا يامرحبا ترحيب وافي من صليب الراس
يصير اللعب والا مايصير الهيل بالدله
زمانك يالسواط يجبلك المكسب بغير اقياس
ليا كان الدوى موجود مايبقى ولا عله
٣ ( السواط )
يدوم الك البقا ماينعمر بيتآ بليا ساس
نبى العمله ذهب ماهي سوات القرش والهله
علامك ياجملنا ماتداني لمست اللماس
ليا مني لمستك تصدم الجدران والفله
٤ ( المسعودي )
يقولون ان هارون الرشيد وصاحبه بنواس
يجيبون العذر للمستحيل اقبح من الزله
عسى يغسلك همال المطر يامسجد العباس
إميت مجنون يطلع منه واميتين تدخله
٥ ( السواط )
سلوك الكهربا لاتنجرح ويثور فيك الماس
عذر هارون وافي ياعسى الاصاحب تقبله
مواقيف القبيله واجبي يالشاعر الحساس
ولن جات الخصم في ماقفي والحق ابى فطله
٦ ( المسعودي )
انابينت علمي وانت واعي ماضرب انعاس
واذاني راسك اوسع من محاقين السمن كله
لاكن بنت المطوع بعد لبسها عقود الماس
يزوجها على الكفار لا دينآ ولا مله
٧ ( السواط )
انا اعرف نيتة الصادق وانا اعرف نية الاطلاس
تقدى بالإمام وصلي فرضك ياجنبي صله
وبنت امطوع البلده ملبسها باعز الباس
على وضح النقا بسمله الرحمن بسمله
٨ (المسعودي)
قلوب الخايفين اتروح مثل البن في المحماس
ولو بو زيد الهلالي عين ماترمش من الذله
يامنجم من الذهب مغبون لويصبح ذهبك انحاس
كما راع الجفير اللي خلي بطنه من السله
٩ (السواط )
كشفنا سركم ياكاتبين الحبر في القرطاس
وابن شداد عنتر في المعارك سيفه إيسله
يقولون العرب مخبلك ياحيآ طبخت الفاس
تبى يشرب مرق مير المرق ماهو بحاصله
١٠ ( المسعودي )
يقولون العرب يامكسي الدنيا
مصايبها تجي من كل حدب وصوب تنثله
يقولون السواط مصليآ مايعرف الوسواس
وانا اقول الله انه يكرمه والا يسهله
١١ (السواط)
بعدطاحت سنونك يالهذيلي طاحت الاظراس
وعينه ماتشوف الدرب مدري كيف نعمله
انا اصلي صلاة الله ولاابشك بشكة الانجاس
ومن ينزل خطوطه في خطوطي لازم انزله
( المسعودي )
ولاياسوق يالي فيك من كل الديار اجناس
تعب دل لالها وابضاعته خرده
ومبتله
مالومك يالحوقي لو شردة بصيدة القناص
هذاه الوقت حتى بايع الفلفل
بنى فله
(السواط)
ليا مني نزلت السوق ابدمس واسمي الدماس
خبركم ياخزاعه ماتوضح للعرب كله


(المسعودي)
ولا ياهل القدور اقدوركم ماتشبع اللحاس
يجي وقت يتغير مابقي شيآ على حله
ترى في البحر افاعي تاكل الغرقان والغطاس
ومن يزحف على بطنه ومن يمشي تعنقله
(السواط)
قدوري تشبع الحجاج حالت دونك الامراس
وبعض الناس يمشي فالطريق ويفجعه ضله
حبال مشلله وحبال حايل دونهن الياس
دفنا لك دفينه في البحر زل الخطر زله
(المسعودي)
بغيت ادسها لاكن بانت مالها مدساس
ولبو طير الغراب مات يحفرله ويدفله
&& && && &&
انتهت المحاوره


سامي السويهري

يعطيك العافيه ياسامي دائماً رائع اسمحلي بهذا التعديل [ يجيبون العذر للمستحين اقبح من الزله ]

الله يرحم المسعودي ويبيحه
بس وش المعنى اللي كان يقصده ,؟