رد على قصيدة الطير

رد الشاعر ضاوي بن فالح الهذلي المطيري على قصيدة الشاعر صالح بن رويجح الهذلي



[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أبدا بذكر الولي والرسل واسمي=والراس مرفوع والناتج من افكاره
من يرفع الصوت ويرد الصدى يمي=نرخص له الغالي اللي زادت اسعاره
يابن رويجح لو ان الوصل ما تمي=تاريخنا ما يروح ونعرف شعاره
لي الفخر لا اعتزيت بخالي وعمي=ماني كما اللي تغرب ثم طفت ناره
رحنا على العز نشرب صافي الجمي=مع مقدم مطير ننطح صفوة الغاره
صعران من جاء لهم ما يلحقه همي=يرقد بامان الكريم بدون سبّاره
حنا هل الفعل يوم الوقت منسمي=على الامور الصعيبه قوم جباره
يوم الليالي تغربل قاصر الكمي=ننقى حلال الشيوخ وناخذ خياره
واليوم في حكم من خيره لنا عمي=رمز العداله يمين الشعب ويساره
حكام شبه الجزيره برٍ ويمي=اخوان نوره حماة الدين وانصاره
يا صالح عتابنا ما هو لكم ذمي=يا شاعرٍ بالمنابر شعت انواره
اشرت لي بالاخير وجيتك اهمي=وانا مقدم ومثلي تؤخذ اشواره
لا قلت لي بيت تسمع مني الصمي=انحت بها بالجبل واكسر احجاره
ماني من اللي يخمي يبوتها خمي=الشعر فطره وعندي خافي اسراره
اسلم وسلم على اللابه يابن عمي=نحبكم من ضمير وفكر وعباره
[/poem]

رد رائع جدا

صح لسان قائلها

ونعم بربعنا هذيل مطير

واشكرك يابو عبدالله على النقل الجميل

اعطر التحايا

بيض الله وجهك يابو عبدالله على نقل القصيده

والشاعر ضاوي فالح الهذلي من الشعراء المخضرمين.

اسلم وسلم على اللابه يابن عمي******** نحبكم من ضميـر وفكـر وعبـاره .

بيت جميل يدل على التمسك الازلي بقبيلة النسب.

صح لسان الشاعر وبيض الله وجهه

صح لسان الشاعر ,

ومشكور على النقل

صح لسان الشاعر وبيض الله وجيههم

وقد رد على قصيدة أبن رويجح ابن العم الشاعر محمد بن سعد العجلان المطرفي الهذلي ويسرني أن أضعها بين أيديكم

حيا الله اللي يغرف القاف من يمِ
الشاعر اللي قرينا درة أشعاره

ما دمت بالطير وأهله حيل مهتمي
فأنا باشاطرك هم البعد وأسراره

الطير ياابن رويجح هو سبب همي
دخلته فجيرتي يالعنبو داره

والله ماهو رخيصٍ دم ابن عمي
لكن نفس الفتى بالسو أماره

عساك للنار ياطيرٍ سفك دمي
لا عادك الله يايوم ٍ طلب ثاره

هذا وأنا يوم أجير الطير مانذمي
عند المواجيب نفسي دوم جسّاره

ما برت أنا في أبوي ولا عصيت أمي
ولا هيب نفسي على الشدات قتاره

يفوح عطر المراجل حيل من كمي
ماني من اللي يتصدد خوف خطاره

ما يستوي من بريح المسك ينشمي
مع نافخ ٍ من فمه دخان برباره

أنا من هذيل وبالعجلان متسمي
ربعي هل الجود والنخوه لهم شاره

عجلان مع عيد في " رغبه " لهم سلمِ
وف " البره " اللي جنوبيها ورا القاره

لو خضت صعب القوافي ما نشف يمي
سحايبي في بخيل الوقت مدراره

الله يحييك تنقل خطوتك يمي
لا عاش منهو يطفي دونكم ناره


وسلامتكم