عبدالله المسعودي والسواط الغشيم ما يدري ان النخل له سلال صوتيه + كتابيه - ::{ مجالس قبيلة هذيل }:: موقع يهتم بتراث القبيلة ومفاخرها

03-16-2013, 06:37 PM

http://www.youtube.com/watch?v=_OaI9mKuFaM

السواط
ياسلامي عليكم يا كرام السبال
قبل ما ابدا اللحون وصفكم لايغيب
المثايل تدرج والمعاني ثقال
في بحرها يعوم الأجنبي والقريب

المسعودي
مرحبا يا مدورة الجمل والجمال
اجهدوا واعرف ان لكل مجهد نصيب
يا رسيلي على الأصحاب روح وتعال
والحصيني حصيني صح والذيب ذيب

السواط
بعد ضاقت بك السكه صدمت الجبال
والدكاتر تداوي كل جرحً عطيب
ما مضى وانقضى ضليت لك راس مال
والعشيه بنوكك فاضيه يا غريب

المسعودي
من قطع من يمينه ما شبع بالشمال
لو يمرق على اللي له ثنعشر عصيب
المفلس مفلس ما فجيبه ريال
لو حمل جوخة الباشة وقدر الحليب

السواط
المنيحه يكفي ديسها أم العيال
و إن رمانا هدفنا يالهذيلي يصيب

المسعودي
الله أعلم بما يمضي لبنت الحلال
عينها تطلب اللي طالبه ما يخيب
حلت القافله وانشل منه الطحال
و أصبحت فوق معكاز الشيوب الكئيب

السواط
بنتنا مستكنه تحت ضاف الظلال
كل ليله نضحكها بعلم عجيب
أنت زعلان لك يومين و اربع ليال
شاب راسك يابن مستور قبل المشيب

المسعودي
يا ضياق الصدور ويا وساع الحثال
الغضب عرق فيكم لجل أبوكم غضيب
سال سيل الشتا واشتال جده وشال
واحد يطلب الله نو خير يصيب

السواط
ابك حنا وساع صدور في كل حال
ما كشفنا سدودك يا محمد نجيب
انته اصبر ويذّن فالمناره بلال
ما دريت ان في سكتك حطوا رقيب

المسعودي
من يبا يشرب الما من سراب الرمال
قاحله ماحله مابه عجب يا عجيب
واجبي مع بليس اقطع طوال الحبال
والشياطين ما يدنون قولة يهيب

السواط
نارد الما ونشرب من قراح زلال
والمريض المنوم ما لقاله طبيب
آه من دلوك اللي صافقت كل جال
ما رضينا عليك خلاف يا هالصحيب

المسعودي :
الغشيم ما يدري ان النخل له سلال
يحسب انه جريد اخضر وتمر رطيب
هاضني مرقبي في عاليات الجبال
شفت ما عفت ياربي فرجك القريب

السواط :
الغشامه لأهلها كل شي له مجال
كيف اناديك يا شيخ النقا ما تجيب
شفت لي داب اعمى من سنين طوال
ديرته ضاع فيها من شعيب لشعيب

المسعودي :
ما نبا الكيله اللي ناقصه في الكيال
جوع بطني عن السوق الردي ما يعيب
يا هذاري كثيره بين عمٍ وخال
خير ضحكة عدو ولا نصيحة حبيب

السواط :
حط معدال للمطران مثل الرجال
يا مشبب يبا يرباك عمك شبيب

دمتم بود

03-16-2013, 07:37 PM

المسعودي :
ما نبا الكيله اللي ناقصه في الكيال
جوع بطني عن السوق الردي ما يعيب
يا هذاري كثيره بين عمٍ وخال
خير ضحكة عدو ولا نصيحة حبيب

الله الله

بيت حكمه ومحاوره قمه رحم الله الشاعر الاسطوره عبدالله المسعودي

والله يعافي جارالله السواط بيض الله وجهك يالامبراطور على المحاوره النادره وننتظر المزيد من محاورات المسعودي تحياتي وتقديري ،،

03-16-2013, 08:05 PM

نشكرك على الاهتمام بمحاورات عبدالله المسعودي الشاعر العلم

نرجو من الادارة عمل من مثل هذه المواضيع ديوان خاص

03-16-2013, 09:52 PM

سلمت يالامبراطور وبيض الله وجهك
ورحم الله شاعر هذيل

ألف ألف شكر وأعلى تقييم لك وللمحاورة

03-17-2013, 02:40 AM


	المشاركة الأصلية كتبت بواسطة أبو رديد


	سلمت يالامبراطور وبيض الله وجهك ورحم الله شاعر هذيل ألف ألف شكر وأعلى تقييم لك وللمحاورة

لاخلا ولاعدم كل الشكر لمرورك وتقييمك


	المشاركة الأصلية كتبت بواسطة مساعد السويهري


	نشكرك على الاهتمام بمحاورات عبدالله المسعودي الشاعر العلم نرجو من الادارة عمل من مثل هذه المواضيع ديوان خاص

هذا اقل مانقدمه لهذا الرمز وكل الشكر لمرورك


	المشاركة الأصلية كتبت بواسطة خالد الهذلي


	المسعودي : ما نبا الكيله اللي ناقصه في الكيال جوع بطني عن السوق الردي ما يعيب يا هذاري كثيره بين عمٍ وخال خير ضحكة عدو ولا نصيحة حبيب الله الله بيت حكمه ومحاوره قمه رحم الله الشاعر الاسطوره عبدالله المسعودي والله يعافي جارالله السواط بيض الله وجهك يالامبراطور على المحاوره النادره وننتظر المزيد من محاورات المسعودي تحياتي وتقديري ،،

الشاعر الحكيم هذا ماكان يقوله الجبرتي عن عبدالله رحمهم الله
كل الشكر لمرورك
تحياتي لك

03-17-2013, 03:23 AM

الله يرحمه ويغفر له

توثيق جميل يعطيك العافيه

تحياتي لك

03-18-2013, 03:02 AM

رحم الله الشاعر عبدالله المسعودي
سلٍم لنآ هذآ الإبدآع
لك أرق التحآيآ وأعذبهآ
كٌل الود

[BIMG]http://dc02.arabsh.com/i/00619/n8sty6ie78yr.gif[/BIMG]

03-20-2013, 12:05 AM


	المشاركة الأصلية كتبت بواسطة نادر النادر


	الله يرحمه ويغفر له توثيق جميل يعطيك العافيه تحياتي لك

يعافيك ربي كل الشكر لمرورك

03-20-2013, 12:06 AM


	المشاركة الأصلية كتبت بواسطة انصاف قلم


	رحم الله الشاعر عبدالله المسعودي سلٍم لنآ هذآ الإبدآع لك أرق التحآيآ وأعذبهآ كٌل الود [bimg]http://dc02.arabsh.com/i/00619/n8sty6ie78yr.gif[/bimg]

الله يسلمك وكل الشكر لمرورك العطر
تحياتي لك