محاوره بين الشاعرين ( سامي الهذلي و السامي )0

[align=center]


"السامي"
ياهذيل الليل طوّل ولابان الهـلال
والعرب تنظر وتدعي بلطف الحاليه

كم هم اللي لابسين العمايم والعقال
كل منهم لدّ عينـه لقمـة عاليـه

"سامي الهذلي"
السماء بادي هلاله على طول الليال
لابس اثيابه جديده ولا هي باليـــه

لو نلد العين يم العلا يبن الحلال
العلا لهل العلا مر والا حاليـــه

"السامي"
ياوسيع العرف ركّز وجاوب للسوال
كل هرج بدون برهان مااشغل باليه

لد عينك ياهذلي لليمين وللشمـال
واطلب الله يبعث عظام كانت باليه


"سامي الهذلي"
الجواب اللي وصل في مكانه لامحال
والعلوم مثبته يافتى باقواليه

طمعت الرجال يم العلا مابه جدال
وان غدى خيال ياذيب به خياليه

"السامي"
الجواب اللي كتبته دخل فيه اختلال
العرب تفعل وقالت هذيك افعاليـه

ودي اصدّقك لكن مافيهـا مجـال
سفنكم وسط البحر والمواني خاليه

"سامي الهذلي"
علمنا صافي كما صفوة العد الزلال
كان مايرضيك رورح انشد العقاليه

كلمت اهل الصدق دايم على عز وعدال
والبواخر في البحر والبحر جواليه

"السامي"
الثقة ياصاحبي للرجل هي راس مال
كان في علمك خلل واثق من حاليه

كان ضايعة ولا تعرف الدرب العدال
دللوها والعوض لن غدت فالتاليـه

" سامي الهذلي :
راعي المكيال ماهو منقص فالكيال
حط معدالك وانا احط لك معداليه

ماغدا لي شي ماشي على درب الرجال
والذرى لهل الذرى والنفوس الغاليه[/align]

تسلم يالغالي سامي السويهري

وصح لسانك ولسان السامي

ولا تنسى موعدنا بعد الاختبارات في محاورة على منتدى هذيل

بينك وبين ابوحمدان

وتقبل تحياتي

	علمنا صافي كما صفوة العد الزلال كان مايرضيك رورح انشد العقاليه

صح لسانك ياسامي محاورة رائعة

وأرجو أنك توحد أسمك في المحاورة فعلى حسب متابعتي لك ان لقبك الغامض , فإذا صح ظني أرجو منك أن توحد اسمك في المحاورة حتى لايظن القارئ أن الغامض يختلف عن سامي السويهري

صح لسانك شاعرناااا


وكما قالك هذلي نجد وحد إسمك لأن الناس تغيب وترجع وتتغير عليها الأمور وتختلف المسميات


بيض الله وجهك هذلي نجد


تحيتي

محاورة تحمل معنى كبير يشغل قبيلة هذيل كافة ولكنك أبدعت ياسامي وكلامك إن شاء الله في مكانه وصحيح ولا ثم لا للتشائم والإستسلام صح الله لسانك ولسان زميلك السامي والله يقويكم ويعطيكم العافية .

[align=center]
اشكر جميع الا عضاء
على مرورهم الرائع واعتبره وسام على صدري

وهذا تشجيع بالنسبه لي واقول لجميع الاعضاء
وكما قال اخوي نجد هذلي على توحيد الاسم سوف اطلب من
ادارة المنتدى بتغير( الغامض) الى ( سامي الهذلي )

واتمنى تواصلكم الكريم ( ولا تنسون الصفوف بعد الاختبارات )
محاوره بين ( ابو حمدان و سامي الهذلي )[/align]

تم التغيير كما طلبت بس انتبه

بعد ( س) مسافه ممدوده

سـ

صح لسانك سامي الهذلي

ولسان السامي

محاوره قويه وأنت كفيت ووفيت

الله يوفقك أخوي سامي الهذلي

صح لسان شاعرنا سامي الهذلي
و الشاعر السامي

محاور قوية جداً

بيض الله وجهك ياسميي

والنعم وستين نعم