سباق المزاين

[poem=font="Simplified Arabic,4,black,bold,normal" bkcolor="red" bkimage="backgrounds/24.gif" border="ridge,4,orangered" type=0 line=0 align=center use=ex num="0,black"]


يااللي تعذرب في سبـاق المزايـن=وتقول من زود الجهـل والبـداوه
ترى كلامـك حـادرٍ لـه بطايـن=مابـه علـى ماعظـم الله جـراوه
مافيـه داعـي للزعـل والفتايـن=خـل التفاهـم بينـنـا بالـهـداوه
البل لها مـن عنـد ربـي بوايـن=ذكرت من اعظم ماخلق في التلاوه
مخزون قوت وفي الصحاري سفاين=ويدفي وبرها فـي ليـال القسـاوه
ولافيه من يحمـل عليهـا ضغايـن=ياكود من هو فـوق قلبـه غشـاوه
البـدو واللـي يزرعـون الجنايـن=كلٍ درى عـن قدرهـا والحفـاوه
نعطيـك عنهـا نـبـذةٍ بالقـرايـن=تاريخها سـاس الفخـر والسمـاوه
جراتهـا مثـل المـزون الرزايـن=وشعارها رمز الكـرم والسطـاوه
العرب والخيـل الاصايـل طبايـن=لاهـل الفعـول الكايـدة والنقـاوه
اقيامـهـا ماتنلـقـي بالهـوايـن=ولاحـدٍ قناهـا بالشهـد والحـلاوه
ماتوخـذ الا بالسيـوف السنـايـن=ولاتدفع الا فـي المهـر والاتـاوه
تنقـل حمـولٍ يفجـرن المكـايـن=وتصبر على كثر التعب والشقـاوه
هي عزوة اللي يحتمون الضعايـن=اللي لهـم عنـد المتلّـي ضـراوه
جيش الرسل واصحابهم في الكواين=واجل مـال وملكهـا لـه طـراوه
اللـي عليهـا طوعـوا للمـدايـن=في طاعـة الله ماغـزوا للعـداوه
ماقصدهم نهب الذهـب والخزايـن=مقصودهم رفع الفكـر والصحـاوه
ارسوا علومٍ للحضارة ضمـا يـن=منبع حضـارات البشـر والقـداوه [/poem]

صح لسان قائل البيوت

وننتظر مشاركاتك

قصيدة جميلة والله يعطيك العافية

الأخ/سلطان الندوي
مشكور على المرور والقصيدة انا الذي قلتها صح لساني انا

الأخ/ابوحمدان
مشكور على مرورك الكريم

وصح الله لسانك

مشكور اخوي على القصيدة والله يعطيك العافيه