محاوره بين الشاعرين عطاالله القارحي::وعبدالله بن عتقان
[size=2]عطالله القارحي [/size]
يامرحبا عد من صلـى صلاتـه وطـول فـي السجـود
و إلا عدد ما تلـوح ابـروق الامـزان جـوف امزانهـا
يا شاعر سليـم نسمـع يمكـم فـي ذرا الحـره حشـود
و اسمـع دوي المدافـع ميـر مـا ينبـصـر دخانـهـا
[size=2]عبدالله عتقـان [/size]
دام البقـا يالمرحـب ياسـلايـل عريبـيـن الـجـدود
والله يديـم الرجـال اللـي تواجـدنـا عـلـى شأنـهـا
ياسامـع أخبـار وأنتـه ماتعـرف الديـار ولا الحـدود
تكثـر حشـود الجيـوش وتقعـد الـحـره لسلمانـهـا
[size=2]عطالله القارحي [/size]
يـا زيـن مبـداك و الليلـه نبيهـا تزلـل بالـرعـود
وليـا استشـدت نقعدهـا وتزحـف عـلـى كيعانـهـا
الصبر يا راعيـا الحاجـات فـي وقتنـا دوم امحمـود
و الله يبـارك بمـن وسمـه مثبـت عـلـى بيبانـهـا
[size=2]
عبدالله عتقـان [/size]
تسعى وانا اسعـى وكـلٍ ياعـطالله يبـا يبـذل جهـود
أحسب حسـاب الذيـاب اللـي خطرهـا علـى نيبانهـا
الله يرحم عظام أصحابك اللـي قضـوا تحـت اللحـود
اليوم ماعنـدك اللـي الشجـره اللـي يبـوس أغصانهـا
[size=2]عطالله القارحي [/size]
اللي انفلت مـن قطيرتكـم , و ابـت لا تقيـده القيـود
انصحك لا تشتري مـن جملـة القـود غيـر احسانهـا
لقيت حمدان و احمد ( و ابن عتقان ) ينشد عـن حمـود
الأرض تنبت ليـا جـاك المطـر مـن علـى ضلعانهـا
[size=2]عبدالله عتقـان [/size]
اللـي نريـده تمكنـاه والعـود فـي عـيـن الحـسـود
وإن قلت ويـن الحقايـق قلـت لـك يالهذيلـي عانهـا
يوم إتفقنا علـى الخطـه عـطالله هـرب مالـه وجـود
واللـي تـرك صفنـا شكـره علـى الحبـه ونيشانهـا
[size=2]عطالله القارحي [/size]
الله يجازيك يا عود العُشـر " لا سـلاح " ولا وقـووود
"ما ضيع الناس غيـر البنـدق اللـي انكسـر مشحانهـا
انـت المُخطـط و انـا مانـي ضحيـه لبيـاع الجلـود
عقلي في راسي و اعرْف الناس " و اعرف لمس ابطانها "
[size=2]عبدالله عتقـان [/size]
الله يجازيـك ياللـي زي مانتـه ماتنقـص مـا تـزود
حتـى الحضـارم تشاركهـا جبـاري وسـط دكانـهـا
إحسب حسابك وخفض عندك الصوت لا تصحى الرقـود
هـل تعلـم إن الحييـا مـن قهرهـا تمـد اللسانهـا؟؟؟
تحياتي للجميع
عاشق هذيل القارحي
|