**(( محاوره حاميه دارت البارح بيني وبين شاعر عنزي))**

السلام عليكم ورحمه الله وبركاته



حيا الله ربعي الهذلان عصابه راسي
هذي محاوره جرت البارح ليله الاربعاء الموافق 11/5/1430

اتمنى ان تحوز على رضاكم واستحسانكم ولانستغني عن ارائكم وتوجيهاتكم



[poem=font="arabic transparent,4,#000000,bold,normal" bkcolor="" bkimage="backgrounds/35.gif" border="double,4,#ff1493" type=0 line=0 align=center use=ex num="0,"]
الزيداني=

لليله الليله نبي نلعب على الطرق الطويل=الي درى ياهل الشمال يقول للي مـادرى
والي يطب الملعبه يبعد عن القول الهزيل=ترى الهزيله تبور ماتلقى الهزيله مشترى


محمد العنزي=


يا ذيب يا ذيب الفجايا ليه غـادي لـك عويـل=عوايدك لا صك ناب و ناب مـا ترجـع ورى
دامك تعـرف أن الشمالـي لا يعيـل ولا يميـل=سج القدم و أرقى على المشراف سرى ليلك سرى


الزيداني=

انا احمد الله يامحمد بعد شفتك لـي قبيـل=لكن كيف الجرح الاول ياعسى جرحك برى
الليله ماني راحمك لو جيت في وجهي دخيل=لكن علم عزوتك لوصار لك شـي وجـرى


محمد العنزي=

مابين حلم و علم مدري بين صبح و بين ليل=تطري طواري الشاعر اللي لا طريتـه مـا طـرى
لا صار مالك خـف يالهذلـي ولا خرطـوم فيـل=راجـع نتيجـة منتخبكـم مـع فريـق أم الـقـرى


الزيداني=

ان كان جتك ام الركب ازهم على الطرقي بديل=وارجع تذكر ماحصل ولزم مكانك في السـرى
وليا انهمر نوي عليكم لا تعاين في المخيـل=البرق لايعمـي عيونـك رد شوفـك لثـرى


محمدالعنزي=

الله و أكبر يا زمان المجد و السيف الصقيل=ما كن لك هيبه عشان تصيد طيـر الحمّّـرى
نويـت أهـز المهزلـه بالمرجلـه والله كفيـل=لو ضربة أمريكا تهـز سويسـرا و إنجلتـرا


الزيداني=


المجد راح ولابقى لك غير زهمول نحيـل=واقبل عليك القوم والجـو المنقـا غبـرا
انا سلاحي كلاش واما انته قنيت ام الفتيل=وام الفتيل اليا كثـر بارودهـا يتفجـرى


محمد العنزي=

اللحيـه اللـي مـا ربـت بالوجـه يالشيـخ الجليـل=لعـل ماهـي خيـر لا تزعـل علـى حكـي الــورى
دربكت خيـل ولا وعيـت ألا علـى دربـاك خيـل=سبحان من صورك يا بهلول وش بك ما ترى



الزيداني=


العد لامنه نشف ماينفعك شرب الصميـل=يالي تمشي بين رعيان البدو وتبختـرى
بعض الشوارب لستوت للموس ولا للمزيل=وبعد الحلاقه لشفايف عندنا روج احمـرا


محمد العنزي=

الله يبـارك فالرجـال اللـي علـى الـوزن الثقيـل=كـب الكـرى ماعـادت عيونـك تحمّـل للكـرى
لو كل من يطلب خذا ما شفت بالدنيا بخيل=ولا قرى المرسول ما وسط الرساله لـو قـرى



الزيداني=


انت تسوق علوم لاكن مامعك قوه دليل=ورجال ترمي بالتهم لابد ماتلقى الزرى
ونا كلامي مثبته لوجاك جيل بعد جيل=والفوز دايم للحقيقه والظليمه تقبـرى


محمد العنزي=


يا زارعين الخـوخ و الرمـان بـأرض الزنجبيـل=ليه العنب و التين و الزيتون في أرض الغرى
لو يوسـف الحجـاج يـدري بالنتيجـه و الحصيـل=كـان أستخـار وسلهـم عيونـه علـى رد البـرى

الزيداني=


تقولها ياصاحبي وانته على بعد الـف ميـل=من خلف شاشه يامحمد وانت في وسط الذرى
لكن لصتكت سيوف الحرب والخيل الاصيـل=ماضن عبله في نهار الموت تعشـق عنتـرا


محمد العنزي =


ماني صحيبك ليه أنا أصاحبك من حدر الشليل=أنا صحيبي لو فرى جيبي أعدّه مـا فـرى
يا صفوة القيفان لدي الطرف بالطـرف الكحيـل=لو أني أدري ماوراها إلا المهايط و الهرى


الزيداني=



لولا حلاتك يالرطب ماهمنـا زع النخيـل=ولاتعبنا في السقـا ولا بيدينـا وبـرى
لكن ياراعي العنب ماجاك في حقك قليـل=والشوك ماينبت زهر والكير ماهو عنبرى

















































[/poem]

وعليكم السلام ورحمة الله وبركاته

صح لسانك يالزيداني

محاوره رائعه

وفتل ونقض جميل

شكرا ياولد العم وخلنا نشوفك في المحاورات المباشره مع شعراء المجالس

صح لسانك يالزيداني وبيض الله وجهك
ولا تحرمنا من جديدك

لولا حلاتك يالرطب ماهمنا زرع النخيل



صح لسانك يالزيداني وصح لسان الشاعر العنزي شعراء مبدعين بمعنى الكلمة



تقبل مروري وفائق تحياتي ،،

اخوك
العقيد

صح لسانك يابن العم

وصح لسان خويك





تحية طيبة

الله يعطيكم العافية

محاوره جميلة جداً

أتمنى لكم التوفيق

الله الله صح لسانك يالزيداني ولايهون الشاعر العنزي قاف ناري من اوله الي اخره

جزاله وقوه في الابيات نقض وفتل مميز ,,,,,,,

محاوره رائعه اشكرك عليها وسجل اعجابي وشكرا

	المشاركة الأصلية كتبت بواسطة هذلي والفخر لي

	وعليكم السلام ورحمة الله وبركاته صح لسانك يالزيداني محاوره رائعه وفتل ونقض جميل شكرا ياولد العم وخلنا نشوفك في المحاورات المباشره مع شعراء المجالس

صح بدنك والله لايهينك
اشكر مرورك الكريم

	المشاركة الأصلية كتبت بواسطة صمت الرحيل

	صح لسانك يالزيداني وبيض الله وجهك ولا تحرمنا من جديدك

حياك الله ياصمت الرحيل
اشكرك جزيل الشكر وابشر بكل جديد

	المشاركة الأصلية كتبت بواسطة العقيد

	لولا حلاتك يالرطب ماهمنا زرع النخيل صح لسانك يالزيداني وصح لسان الشاعر العنزي شعراء مبدعين بمعنى الكلمة تقبل مروري وفائق تحياتي ،، اخوك العقيد

هلا بك اخوي العقيد
يشرفني مرورك الكريم ثناؤك العطر

	المشاركة الأصلية كتبت بواسطة عماد الهذلي

	صح لسانك يابن العم وصح لسان خويك تحية طيبة

صح بنك اخوي عماد
لاهنت على المرور الكريم

	المشاركة الأصلية كتبت بواسطة أبو الوليد

	الله يعطيكم العافية محاوره جميلة جداً أتمنى لكم التوفيق

الله يعافيك ابو الوليد

	المشاركة الأصلية كتبت بواسطة ابن مغبش

	الله الله صح لسانك يالزيداني ولايهون الشاعر العنزي قاف ناري من اوله الي اخره جزاله وقوه في الابيات نقض وفتل مميز ,,,,,,, محاوره رائعه اشكرك عليها وسجل اعجابي وشكرا

صح بدنك اخي ابن مغبش
اعجاب رجل مثلك محل فخرنا

صح لسانك يا ولد العم
محاورة نارية

	المشاركة الأصلية كتبت بواسطة هذلي قديم

	صح لسانك يا ولد العم محاورة نارية

صح بدنك
ياهذلي قديم
نتشرف بمرورك الكريم