قصيدة بعنوان ( أنت الهدف قدام عين الرامي ) كلمات الشاعر /محمد مورق المسعودي
اركدي يالزمرة اللي منتي إسلامية
زمرة أهل الكفر ماهي دولة الاسلامي
لا تحسب أنك حكمت الكورة الأرضية
وانت ما جالك وجود إلا زمان العامي
تحسب أنك جبت حسنة وأنت جايب سية
صرت مثل اللي يشوف الماء ويصدر ضامي
الدول جات تحشد قواتها الحربية
وأنت تحشد في صغار السن والأيتام
لا تغرر باليتامى يا خبيث النية
صدقوك يحسبونك فارس مقدامي
الخليفة منت لا حوله ولانته زيه
أنت ضايع في ظلام الجهل والأوهامي
دهورتك وضيعتك أحلامك الوردية
قلت أنا اللي ماخلق بعدي ولا قدامي
أنت عندك نقص عقل ونقص فالشخصية
لين صرت أنته الهدف قدام عين الرامي
|