طاروقين بين خليفة عبدالله بن حامد المطرفي الشاعر مسعد الهذلي مع مفرح المطيري وعبدالمحسن العتيبي

طاروق ناااري بين خليفة عبدالله بن حامد المطرفي الشاعر الشاب مسعد الهذلي والشاعر مفرح المطيري وللأمانه الشاعر مسعد الهذلي عملة نادره شاعر قوي جداً ومن أجزل الشعار الشباب في دفن المعنى وتركيب البيت ...
مسعد الهذلي

يانايف البندر على الموعد نبا نجاوب نـداك *** وانا حضرت وعلم اللي ماحضر واللي حضر

ابى اتولى راية الشعار وابى اكسب رضـاك *** واللي حضر يحضر هنا والمعتذر يلقى عذر

مفرح السعدوني :

يا نايف البندر حضرنا يا عسى ماك بسماك *** واللي يبا يسبح بحر واللي يبا سطح القمـر

سبحان من سواك يا مسعد واحدد مستـواك *** وانت اهذليٍ شاعرٍ مخبور من فوق وحـدر

مسعد الهذلي :

اليا زعلنا يامفرح مانشدنـا عـن رضـاك *** اسهومنا تكسر صليب العظم وتشق النحـر

حنا ليا جينا نبى نضحك معك نضحك علاك *** ونقول ليل العيد يالمطران يعرف من عصر

مفرح السعدوني :

اليا زعلت اشرب بحر واقلع سنونك من جماك *** واسهومكم بظهوركم بأوّل شهر واخـر شهـر

بندقك عصملي وثارت فيك مدري في خبـاك *** حنا رجال المعجزات اهل الشجاعه والظفـر

مسعد الهذلي :

ياحيلة الفقران ياللي من هناك ليا هناك *** بعد سبوعين وشهر جبتي مفرح للخطر

الوقت لوطول لسانك ماهو مطول يـداك *** والظاهر انك لو ماتهرج تموت من القهر

مفرح السعدوني :

ياللي تحرّى وش تحرّى في حرا ولا حراك *** وانته من هذيل البطن ولا من هذيل الظهر

عليك مردود البرا في فمك ولا فـي قفـاك *** مالك عن المقسوم يا مسعد مطير ولا مفـر

مسعد الهذلي :

انا ليا طالعت في عينك عرفت اللي وراك *** وليا عرفت اللي وراك اقول ألي وجهة نطر

حنا اعتلينا واغتنينا وانت خلك فـي رداك *** وجهك ثلاثه اشبار ماهو لا ذراع ولا شبر

مفرح السعدوني :

وانا ليا طالعت في عينك عرفت امك واباك *** واللي من امه نعرفه واباه ابو طرفٍ حـور

حلّك زمانك وانت من غابه وجاك اللي كفاك *** وان ما كفاه العلم الاول نكتفيه ادها وامـر

مسعد الهذلي :

انته مع المطران يامفرح تبى ترمي عصاك *** لو كان مالك مع هل الردات بيت ولا مقـر

ياكبر ذنب اللي على التجار باعك واشتراك *** لوانه يصلي طوال اليوم ويصـوم الدهـر

الطاروق الثاني بين شاعرنا القادم مسعد الهذلي والشاعر عبدالمحسن العتيبي

عبدالمحسن العتيبي

سلام الله سلام اسلام وينك يا قوي الحيـل *** تولم واحتزم للعب والرايـه مـع البـادي

اعرف مطير حمران النواظر واعتّرف بهذيل *** ولكَن العتيبـي لازهمتـه جـاك متحـادي

مسعد الهذلي

هلا يامرحبا ترحيبة ماهي بقـال وقيـل *** تراحيبا لها فالمعرفـه بـارق ورعـادي

ترى الهذلان والمطران لاطول عليك الليل *** تقضك يالعتيبي من علو الضلـع للـوادي

عبدالمحسن العتيبي

يدوم الك البقا ياالي ترحب ونتبه للسيـل *** ترا دونك شيعبً سال بس الضلع من غادي

ليا منك بغيت الكيل ابشر لك نزيد الكيـل *** تبي تاخذ علومنٍ ما تبث بموجة الـرادي

مسعد الهذلي

ابى اكثر من التكبير واكثر من التهليـل *** وانا رجال دون الحق بايع روح ومفادي

تزيد الهيل ولا يالعتيبي ماتزيـد الهيـل *** ترى ضيفت ضيوفك ماهي بدله وبرادي

عبدالمحسن العتيبي

ما دام انك تشهد صار وضعك بين عدل وميل *** واظنك فالخطر ممسي وتاخذها من ازنـادي

ابا اعشيك واغديك لكن في ضهـور الخيـل *** انا ماا عشي الضيفان لا جوني من النـادي

مسعد الهذلي


قليل العرف مايدري عن التفسير والتأويل *** ليا منه قرا سوره يروح يصيح وينـادي

عيونك واعيه لكن كفك يالعميـل بخيـل *** ويمكني لو ازعلك خنت الملح والـزادي

عبدالمحسن العتيبي


ليا زدنا الحموله فوق طاقتها يحن شعيـل *** يبي يبرك على زاره من الحملـه وينقـادي

اعرف الي يطالع للسماء وده يشوف سهيل *** يحاول يدعي بالعرف قدم الناس لو غـادي

مسعد الهذلي

عجزت تحل حبل المشكله من يدك ياحلحيـل *** وجودك مايسمى جود في قانـون الاجـوادي

ابى اعلمك وادرسك وابى احط وانتـه شيـل *** على شان الشيوخ اللي ورى البصره وبغدادي

عبدالمحسن العتيبي

انا بعلّمك ون كنت ضايع مع هل التطبيل *** ترا ون طبلو لك في نظرهم شاعرٍ عادي

تبي تكحل عيونك صر عينك ونتبه للميل *** ونا االذمه بريه منك لو جا عنك نشاادي

بيض الله وجهك
محاوره قويه

محاورتين جميلتين لا شك

ولكن ماهي المناسبه التي تمت فيها؟؟

أم انها محاورات انترنت؟؟

عموما شكرا عبدالعزيز وبالتوفيق لمسعد

	المشاركة الأصلية كتبت بواسطة االخالدي

	بيض الله وجهك محاوره قويه

وجهك أبيض يالخالدي شاكر لك على مرورك .

تحياتي .

	المشاركة الأصلية كتبت بواسطة هذلي والفخر لي

	محاورتين جميلتين لا شك ولكن ماهي المناسبه التي تمت فيها؟؟ أم انها محاورات انترنت؟؟ عموما شكرا عبدالعزيز وبالتوفيق لمسعد

الشكر لك على مرورك يابو بسام

هي محاورات انترنت ومسعد يلعب في الميدان لكن مقل جداً .

تحياتي .

طيب نتمنى دعوته لموقع قبيلته اخي عبدالعزيز

ونتشرف بتواجده بيننا لا شك

مشكور يا مطرفي الدلم على نقل المحاوره واتمنى ان نرى شاعرنا قريبا في ساحة الشعر والشعراء

	المشاركة الأصلية كتبت بواسطة مساعد الهذلي

	مشكور يا مطرفي الدلم على نقل المحاوره واتمنى ان نرى شاعرنا قريبا في ساحة الشعر والشعراء

الشكر لك على مرورك وإن شاء الله نشوفه قريب من العمالقه اللي لايستهان بهم .

تحياتي .

	المشاركة الأصلية كتبت بواسطة هذلي والفخر لي

	طيب نتمنى دعوته لموقع قبيلته اخي عبدالعزيز ونتشرف بتواجده بيننا لا شك

هذا الكلام ياعبدالعزيز للمره الثانيه تسمعه


ورأيي قلته لك من قبل مسعد شاعر قادم ,,,,وبما انه يتواجد بالنت فمنتدى قبيلته اولى


فشعراء المنتديات الاخرى مايزيدون على شعارنا ,,,بالعكس ترى الشعر هذلي وانا اخوك

	المشاركة الأصلية كتبت بواسطة بن قاسي الهذلي

	هذا الكلام ياعبدالعزيز للمره الثانيه تسمعه ورأيي قلته لك من قبل مسعد شاعر قادم ,,,,وبما انه يتواجد بالنت فمنتدى قبيلته اولى فشعراء المنتديات الاخرى مايزيدون على شعارنا ,,,بالعكس ترى الشعر هذلي وانا اخوك

أبشر أبشر الرجل بيتواجد في الأيام هذي بإذن الله .

تحياتي .

الاخ المشرف مطر في الدلم شكرا علي المحاورة ونتمني ان نشاهد الشاعر مسعد الهذلي في المنتدي مع ابنا عمومتة وياليت يحضر منا سبات ابنا هذيل مكة

	المشاركة الأصلية كتبت بواسطة مخطط الشرائع

	الاخ المشرف مطر في الدلم شكرا علي المحاورة ونتمني ان نشاهد الشاعر مسعد الهذلي في المنتدي مع ابنا عمومتة وياليت يحضر منا سبات ابنا هذيل مكة

الشكر لك على مرورك ومسعد الهذلي شاعر قادم بقوة وبتشوفونه عما قريب مع صفوف العمالقه .

تحياتي .

انا ليا طالعت في عينك عرفت اللي وراك *** وليا عرفت اللي وراك اقول ألي وجهة نطر

حنا اعتلينا واغتنينا وانت خلك فـي رداك *** وجهك ثلاثه اشبار ماهو لا ذراع ولا شبر



شاعر وبيوت جزله


وفعلا معاني مدفونه


شكرا على النقل اخي مطرفي الدلم


واتمنى مشاركة جميع شعار هذيل في منتدى ربعهم

	المشاركة الأصلية كتبت بواسطة بن عادي

	انا ليا طالعت في عينك عرفت اللي وراك *** وليا عرفت اللي وراك اقول ألي وجهة نطر حنا اعتلينا واغتنينا وانت خلك فـي رداك *** وجهك ثلاثه اشبار ماهو لا ذراع ولا شبر شاعر وبيوت جزله وفعلا معاني مدفونه شكرا على النقل اخي مطرفي الدلم واتمنى مشاركة جميع شعار هذيل في منتدى ربعهم

شاكر لك على مرورك يابن عادي وأبشروا باللي يرضيكم .

تحياتي .

بيض الله وجهك يامطرفي الدلم على المحاورات الجميلة لشاعرنا شاعر المطارفة وشاعر هذيل بأذن الله مسعد بن مساعد المطرفي وفعلا كما قلت هو خليفة عبد الله بن حامد المطرفي فالشاعرمسعد كثيرا يذكرني بقوووة بيوت عبد الله المطرفي .

مسعد المطرفي شاعر يمتلك القوة والعمق فالمعاني ودفن المعنى وهو ايضا شاعر نظم وحدايا من الطراز الاول

لمن لايعرف مسعد المطرفي الايام ستظهر تلك القامة الشعرية الفذة اقول هذا الكلام لامجاملة ولا سمعة فمسعد علم على راسه نار
واعتقد انه له محاروات في ساحات المحاورة اتمنى ان نزود بها
مع تحيات / اخوكم فتى الحجاز