محاورة /حامد القارحي و مستور السفياني - ::{ مجالس قبيلة هذيل }:: موقع يهتم بتراث القبيلة ومفاخرها

07-17-2007, 08:08 PM

في حفلة حضرها 6 شعار / عبيدالله القارحي و عبدالله بن عتقان وو سعيد بن رحمة و الأعمى
عام 1424ه

حامد القارحي
يا مرحبا و اللي بوسط القلب يبديه اللسان
هذي التحية للضيوف الحاضرين أبدا بها
الليل يا مستور نبغاها حرابة من زمان
واشعل فتيلتها و قول النار من شبابها
مستور السفياني
دام البقا ياأهل الوفا و الضرب في روس السنان
لا تحضر الدلة ولا تزهم على صبابها
إحنا حضرنا و السوالف دايرة في هذا المكان
ما تقطع السكين دامت ف جرابها

حامد القارحي
قالوا لنا مستور هذا اللي سرق سرج الحصان
قصة غريبة وإن نشدته ما يعرف أسبابها
وانا على حدي ولا بنشد فلان ولا فلان
ماني مكلف بالذي ودا العلوم و جابها
مستور السفياني
احسب حسابك لا تذوق الموس براس اللسان
رد المدونية بعد جاكم لها طلابها
يا كبر يدك مير ما مدت على طيب الدهان
و الجثة اللي ميتة وش فايدة ف ثيابها

حامد القارحي
أنا طبيب الجرح وانا أعرف علاجك يالجنان
مير العلوم المخطية ما حد فتحلك بابها
ياليت خصمي يا جماعة خير عبدالله سنان
أما أنت يا مستور دقنك ما تظل أشنابها
مستور السفياني
ترى السمينة يا ولد قارح تقدم للسمان
لا تنبش الحفرة ولا يعلق عليك إترابها
سلّم رسنها بيد غيرك ثم خليها بأمان
إليا ركبنا ظهرها يالقارحي .........

حامد القارحي
حنا لنا وجهة نظر يا ذيب و الطيب يبان
و الجملة الزينة نعرف إحروفها و إعرابها
أنتم بقايا من ثمود و عشركم صارت ثمان
و الخيل ف الميدان ما يعجز بها ركابها
مستور السفياني
تبغي تترجم للعرب لكن يبغي لك ترجمان
إرضى بها يالقارحي ولا غصب ترضى بها
إنت السبب ف المشكلة جايب لنا جنكيزخان
أخذ عليكم من غنايم في يده وأقفى بها

حامد القارحي
مادمت ضيف الحفل يا سرحان فابشر بالأمان
أعطيك كلمة طيبة و تقول وش نبغابها
حنا كسبنا معركتنا وانت تنظر بالعيان
ما هي غريبة لا كسبناها و حنا أصحابها
مستور السفياني
ظلمت نفسك ما كسبتم شي و علمي بالبيان
أقفت مطاياكم و عان الضرب جوف إرقابها
إن كان جابوا لك بعد ما جوك خوخ و برتكان
تكتب جميلة فيك و النجمة على مرقابها

أخوكم / اللحياني الهذلي

07-17-2007, 10:21 PM

ماقصرت على هالمحاوره الرائعه
ويفرحنا أن فيها شاعر من هذيل

أخوك مطرفي الدلم

07-17-2007, 10:29 PM

محاورة قوية

أعجبتني كثيرا

مشكور أخوي اللحياني الهذلي

ولا تحرمنا مثل هذه المحاورات

07-17-2007, 10:45 PM

السلام عليكم ورحمة الله وبركاته.
حياك الله أخوي اللحياني.
وبيض الله وجهك..
والصدق حامد القارحي قادم بقوة من خلال ماقرأت له ..

بورك فيك.

07-18-2007, 07:08 AM

اخو ي اللحياني الهذلي شكرأ على هذا النقل الجميل

والله يعطيك الصحه والعافيه وبيض الله وجهك

تحياتي لك من
اخوك
عاشق هذيل القارحي

07-18-2007, 05:33 PM

السلام عليكم ورحمة الله وبركاته
مطرفي الدلم / شكرا على مرورك و أنا ما أجيب إلا اللي يخصنا نحن الهذليين
هشام الهذلي/ إبشر بعزك ما أنت طالب صعايب و فيه محاورة قادمة في الأدراج
مشعل الهذلي/ الله يبقيك و وجهك أبيض
عاشق هذيل القارحي/ العفو ولاتشكرني هذا واجبنا و بعدها الله يعافيك

تحياتي للجميع كلن باسمه

07-19-2007, 01:58 AM

[align=right]
حامد القارحي

قالوا لنا مستور هذا اللي سرق سرج الحصان

قصة غريبة وإن نشدته ما يعرف أسبابها

مستور السفياني

احسب حسابك لا تذوق الموس براس اللسان

رد المدونية بعد جاكم لها طلابها

محاورة قوية

أعجبتني كثيرا

مشكور أخوي اللحياني الهذلي

ولا تحرمنا مثل هذه المحاورات [/align]

07-19-2007, 12:24 PM

العفو يا سامي الهذلي
وابشر باللي تطلبه

07-19-2007, 05:05 PM

تسلم على المحاورة

اعتقد ان الشاعر حامد القارحي سيكون له شان كبير في المحاورة

مثلما هو شاعر كبير في الرجز

07-20-2007, 09:57 PM

الله يسلمك يا سلطان
و حامد شاعر من ضمن شعراء هذيل الكبار

07-25-2007, 02:21 AM

بارك الله فيكم جميعاً

07-26-2007, 03:03 PM

قويه قويه مافيها كلام

والقارحي كسبها بدون جدال

مستور شاعر ولكنه يميل للموال اكثر بسبب صوته

اما المعاني معروف راعيها

لا هنت ياللحياني وبيض الله وجهك

07-28-2007, 05:28 PM

من زمان و أنا منتظر مرورك و تعليقك يا هذلي و الفخر لي و لا يهونون كل الشباب
و وجهك أبيض