محاورة بيني وبين جني

جرت هذي المحاورة في إحدى الليالي العصيبة ولا اذكر هذي الليلة بتحديد
ولكن لتسمعوا هذه المحاورة .
الجني :
ياحسين قوم ولا تخاف ولا تنام
حنا نهجد الناس جوف إحلالها
إن كنت شاعر قوم ثمن في الكلام
كيلو بيوت الشعر بمكيالها
حسين :
وين السلام الدرب مع باب السلام
يا متجه لحمل(تن)تشتالها
الشحم في ظهر المطية والسنام
اخذ البيوت اللي وثيقة احبالها
الجني :
اهذيل ربعك وينها كب الوهام
والشر لا فالك ولا هو فالها
الشعرفوق الأرض سوا له زحام
وأكثرهوات الشعر راح أموالها
حسين:
اهذيل ربعي لا تخاف ولا تظام
والليلة ظلمى مايبين اهلالها
والناقة أم الديس عيت لا ترام
من بخلها عيت ترام اعيالها
إنتهت المحاورة .

اهذيل ربعي لا تخاف ولا تظام
والليلة ظلمى مايبين اهلالها
والناقة أم الديس عيت لا ترام
من بخلها عيت ترام اعيالها


صح لسانك

عز الله الجني بعيد اعن الملام # من يوم شاف الناس هذا حالها
اثر ذلول البدو مافيها سنام # يامكبر الشرهة على جمالها