رجز بيني وبين أبو حمدان

أبو حمدان أخ عزيز وغالي ، وماحدث ماهو الا سوء فهم وأنتهى ولله الحمد

تخلله بعض الرجز الذي يعبر عما في النفس .


[poem=font="Tahoma,5,#0000ff,bold,normal" bkcolor="" bkimage="" border="none,1," type=3 line=0 align=center use=ex num="0,"]
البدع من أبو حمدان :.

سلام ياعادل وخذها كاش

تراني مادنا لعبة البكاش

وإذا قطعت اللعبة أبتنكاش

وإلا تسجل ضدكم تسجيله

=========

والله ماأنته في المواقف لاش

واللي شناكم في الملا لاعاش

وقت اللوازم صلب ماتنحاش

جاك العتب مني وحملك شيله [/poem]


[poem=font="Tahoma,5,#008000,bold,normal" bkcolor="" bkimage="" border="none,1," type=3 line=0 align=center use=ex num="0,"]
فـــــتــى هـــذيل

يامرحبا خذها وجاتك

احرص ولاترفع خفاتك

ماني امتصيد للخطايا

ولاني مميز في صفاتك

=========

يوم العرب تقسم وصاتك

سريت في مشوار فاتك

الله يغفر لي خطايا

وربك يبارك في حياتك [/poem]


[poem=font="Tahoma,5,#0000ff,bold,normal" bkcolor="" bkimage="" border="none,1," type=3 line=0 align=center use=ex num="0,"]
أبــــو حــمــدان

دام البقا هاك استلمها

ماشي غنيمه نغتنمها

والعذر يمحي كل سيه

يالعاقل اللي قد فهمها

========

الدار يوم الله رحمها

أرسل لها من هو حكمها

وأنته لك زمام المطيه

اللي لك الوالد وسمها [/poem]



[poem=font="Tahoma,5,#008000,bold,normal" bkcolor="" bkimage="" border="none,1," type=3 line=0 align=center use=ex num="0,"]
فــتـــى هـــذيل

يامرحبا بيني وبينك

مافيه عذر ولاخطيه

فيه العلوم اللي نقيه

وأنا على حطت يدينك

=======

ياصاحبي حذرا تدينك

لاتضحك الحاسد عليه

وأنا بيه عز وحميه

عساها تسلم لك يمينك [/poem]


[poem=font="Tahoma,5,#0000ff,bold,normal" bkcolor="" bkimage="" border="none,1," type=3 line=0 align=center use=ex num="0,"]
أبـــو حـــمـــدان

جواليه حشش عليه

وإذا تركته لد فيه

يقول وش بك يامغفل

عادل نسي كل القضيه

======

وقلت له صبرك شويه

ناويك برساله قوية

أظن جواله مقفل

والا هواجيسه بطيه [/poem]


[poem=font="Tahoma,5,#008000,bold,normal" bkcolor="" bkimage="" border="none,1," type=3 line=0 align=center use=ex num="0,"]
فـــتــى هــذيل

ياملوك اسمع كلامي

حذراك تحكم بالعدامي

النفس عافت واستضاقت

ممانشوفه في العلامي

======

لاعاشت اطيور الظلامي

اللي تجيني في منامي

ليتها من السم ذاقت

ماكنت يالغالي ملامي [/poem]


[poem=font="Tahoma,5,#0000ff,bold,normal" bkcolor="" bkimage="" border="none,1," type=3 line=0 align=center use=ex num="0,"]
أبـــو حـــمـــدان

يابو شموخ االوقت دامي

بعض العرب جيعان ضامي

والبندق اللي يوم صابت

مامدها يكود رامي

=====

والا أنت ياغاية مرامي

أكن لك كل إحترامي

وإن ضاقت الدنيا ومالت

أنت الذخيره في حزامي [/poem]


[poem=font="Tahoma,5,#008000,bold,normal" bkcolor="" bkimage="" border="none,1," type=3 line=0 align=center use=ex num="0,"]
فـــتــــى هــــذيل

ياسعد من صلى وصامي

وحط راسه ثم نامي

دام الحوت يطرد في السمينه

والذيب وسط البحر عامي

=======

يازينها مسك الختامي

في القلب لك قدر ومقامي

الطيب احنا وارثينه

في خمس وعشر من العوامي[/poem]



* وما أنا الا تلميذ في مدرسة أبو حمدان ، لعلنا ننهج نهجه ونتصف بصفاته

صح لسانك ياأبو حمدان ورايتك بيضا ياولد الخال .

يسرني أن اكون أول المعلقين

و أقول صح لسانكما

لكن ما ندري ليه ما تسوونها هنا ولاّ هذي على ملعبة ؟

ترى ما فيه دية على الصفحة و إذا فيه أسدكم فيها ههههه>> لا أحد يدورني <<

سلمت وسلم أبو حمدان ..

الله يسعدكم يا شيخ ..

بيض الله وجيهكم ..

تحياتي الطيبة لشخصك الكريم ،،،

الله الله

ياسلام عليكم

رجز ومطاحن وعلوم كبار

وكأني فاهم السالفه ان لم اكن غلطان


ابو حمدان ميدان الرجز ينادي والشعر عامه محتاجك


وتسلم لي يابو شموخ

والله رجز طيب

سلمتم وصحت السنتكم

صح لسانك والله يافتى هذيل وصح لسان ابوحمدان


المفارقه الطريفه في الموضوع هي هاجسك الشعري


ماشاء الله تبارك عليك (عشان ماتقول اني عطيتك عين)


نتمنى ان نرى لك مشاركات هنا ,لا تبخل علينا يالذيب

يسرني أن اكون أول المعلقين

	و أقول صح لسانكما لكن ما ندري ليه ما تسوونها هنا ولاّ هذي على ملعبة ؟ ترى ما فيه دية على الصفحة و إذا فيه أسدكم فيها ههههه>> لا أحد يدورني <<

صح بدنك يالمحارب ، وهي هكذا بدأت برسالة جوال ثم استمر الرجز .

الله لايجيب زعل ولاسوء فهم بيننا يابو شموخ
والله ياجماعة الخير هذي كانت مناوشات بسيطة
ومتواضعة بيني وبين فتى هذيل لم أكن أتوقع أن فتى
هذيل سوف ينزلها في المنتدى ولكنه فعلها
أشكركم جميعاً على مروركم وتعليقاتكم
وشغلك عندي يافتى هذيل إذا رجعت لنا بالسلامه

تقبلوا تحياتي جميعاً

	سلمت وسلم أبو حمدان .. الله يسعدكم يا شيخ .. بيض الله وجيهكم .. تحياتي الطيبة لشخصك الكريم ،،،

يسلم غاليك ياأبو خالد .....وجعلك سالم ياولد العم

	الله الله ياسلام عليكم رجز ومطاحن وعلوم كبار وكأني فاهم السالفه ان لم اكن غلطان ابو حمدان ميدان الرجز ينادي والشعر عامه محتاجك وتسلم لي يابو شموخ

لاوالله غلطان ياأبو بسام >>>>>>>>>> تحطييييييييييييييييييييم

لكن الأكيد مثل ماقلت ...أبو حمدان بحر في الرجز وفي الشعر ونحن افتقدناه كثيراً .

	والله رجز طيب سلمتم وصحت السنتكم

صح بدنك وجعلك سالم ياأبو الملثم ...وحياك

	صح لسانك والله يافتى هذيل وصح لسان ابوحمدان المفارقه الطريفه في الموضوع هي هاجسك الشعري ماشاء الله تبارك عليك (عشان ماتقول اني عطيتك عين) نتمنى ان نرى لك مشاركات هنا ,لا تبخل علينا يالذيب

حياالله بن قاسي ، وترى ماني بشاعر ولاأقارن بك ولا بـ أبو حمدان ، لكن المناوشات

مع الكبار تعلم الصغار .

	الله لايجيب زعل ولاسوء فهم بيننا يابو شموخ والله ياجماعة الخير هذي كانت مناوشات بسيطة ومتواضعة بيني وبين فتى هذيل لم أكن أتوقع أن فتى هذيل سوف ينزلها في المنتدى ولكنه فعلها أشكركم جميعاً على مروركم وتعليقاتكم وشغلك عندي يافتى هذيل إذا رجعت لنا بالسلامه تقبلوا تحياتي جميعاً

لايالحبيب

أنا ماصدقت أقرٍِض لي كلمتين وأنت تبغيني أدسها ، الود ودي أنزل لها إعلان في

المنتدى .

	أبـــــــــــــو حــــــمـــــــدان يابو شموخ االوقـت دامـي بعض العرب جيعان ضامي والبنـدق اللـي يـوم صابـت مـامـدهــا يــكــود رامــــي

الله اكبر الله اكبر

...........................................

صحت السنتكما شاعرنا ابو حمدان وشاعرنا ابو شموخ

تكفون الثانية نبيها هنا فالمنتدى

صح بدنك يابن عايش ...ولاتروح بعيد أنت ورحيمك .