اصمل وكل هذيل جنبك وفيه للشاعر سامر براك الهذلي ينخى قبيلة عتيبه

السلام عليكم ورحمة الله وبركاته

هذي قصيده من الشاعر/ سامر براك الهذلي

ينخى قبيلة الثبته من عتيبه بالعفو عن

الشاب ( عبدالرحيم الهذلي )

والله من وراء القصد وعظم الله اجركم ورحم الله ميتكم ؛؛؛؛؛


عبدالرحيم اثبت ليا جاتك الاقدار
قتلك خطى وهذيل بتجيب ديه

تجبرك في دهر المشاكل والاشرار
اصمل وكل هذيل جنبك وفيه

والكل حولك جنتك ماهي بنار
هذا المصاب ونفس الانسان حيه

لكنك انت تبت مافيك الاصرار
واخبرك شغموم الفعل منت عيه

ياحر بالاعمار يفدونك احرار
ويقدمون جهود ماهي خفيه

اترك حياة الحزن ماجتك الاكدار
انت بوطن فيك افتخر يالشفيه

واليا رحل عنا محمد فلا صار
الا القدر واحكام رب البريه

ياحامد ويافراس والله مااحتار
كلن يصون بيوت لو هي خليه

والله له حكمه وللشرع بتار
واسيوفنا باسلامنا صيرميه

الله ينجيكم من اذنوب ووازار
والامر وسط وزارة الداخليه

والله رب الكون بالكون جبار
عساه يغفر لك ذنوب وخطيه

الله يعتق عنقكم يابن الاخيار
والراس يسلم مع رقبتن عليه

بالله يابراهيم يالفاضل البار
ان كان لك في الدين روحه وجيه

سامح وتلقى في لياليكم انصار
واتفوز بالحسنات ماجتك سيه

لاتجحد المظلوم من خلف الاسوار
هذا ياخو جمعان نفسن بريه

في ستطعش بيت امتلت فيك باشعار
قلت اطلق وبادر ومنكم الاولاويه

ياشيخ صابر واحتسب رغم شعار
تسئ بالوسواس بين الرعيه

واتزيد بعض اخطاء مير الزمن ظار
والله سبحانه حكم في القضيه

ياغاية الهذلان كن رجل صبار
ولاتهزك ريح في المهمهيه

في سجن دنيانا مظاليمك كثار
وين الشهود وبينتك القويه

محدن دراى كود العلي رب قهار
ازالها الدنيا والاخرى مديه

لايصعب الحل ويحفونك كبار
كلن يقول تكفى وكفه نديه

يبذل من القرشين الين مليار
بالعمله الصعبه وناره وريه

بالله يالعتبان ارحام واصهار
اخزو ابليس بداركم والنحيه

الله قدر للمخاليق الاعمار
والله يحيي والعمر له بقيه

وختامها اديت واجب بتذكار
وصلى الله وسلم مكرم نبيه

صح لسانك يالنادر

وكلل الله جل الجهود لمافيه الصلاح والعفو في رمضان الكريم المعظم

صح لسانك ياسامر والله يفك اسره في هذا الشهر الفضيل دمت بخير يابن هذيل

وعليكم السلام ورحمة الله وبركاته

صح لسانك ياسامر
والله يفرج عن عبدالرحيم

اللهم امين اخوي شباب

وصح بدنك ومشكووووور لمرورك يالغلا

اللهم امين شموخي هذيل

وصح بدنك ومشكوووور لمرورك العطر

اللهم امين اخوي ابو رديد

وصح بدنك ومشكووور لمرورك العطر

الله يفك عنه ببركه اليالي الفضيله

الدم حار والله يهديهم ويلين القلوب
وللرجال رجال وبأذن الله ينفك وتقر عيون ربعه فيه
والله يعقله عليكم

اللهم امين اخوي مشهور

ومشكور لمرورك العطر

الغيم اللهم امين

ومشكوووور لمرورك العطر