اجاري الوقت واثر الوقت متحـدي - ::{ مجالس قبيلة هذيل }:: موقع يهتم بتراث القبيلة ومفاخرها

12-04-2006, 11:01 PM

اجاري الوقت واثر الوقت متحـدي

اجاري الوقت واثر الوقت متحـدي

وأحاول اني انا اجاريـه باسلوبـه

غصب اطوع ظروف كلهـا ضـدي

مع ان غيري عجز عن صدها نوبه

وأقول للحزن منتـب كفـو وقـدي

ارحل وخل الفرح يقبل مع دروبـه

وان طال وقتي مع الأوجاع ما ودي

لكن ابا اصبر ولو بالغيب مكتوبـه

وان جت توالى علي ما بيحت سدي

ولو ذقت علقم فطعم العز مشروبـه

وادوس جرح مع الأيام لـي هـدي

اموت وجرحي خسى ما نال مطلوبه

هو طامع دمع عيني يلمع بخـدي

والهم يملأ فياض الصدر ودعوبـه

او هامتي تنحني للكـرب لأشتـدي

واقول له يا زمن توبه ورا توبـه

12-05-2006, 11:14 PM

[align=center]يعطيك العافية يا رهيف على هذي القصيدة

تقبل احترامي أختك شموسة[/align]

12-07-2006, 01:33 AM

[align=center]يـــــــســـــــــــــلمو وو ...... يالغلا

والله يعطيك ألف عافية يارب

قصيدة رائعة

سلمت يداك

وبنتظار جديدك

أخوك

سمو العز[/align]

12-07-2006, 01:57 AM

[align=center]يعطيك العافيه يارهيف

قصيده جميله

ننتظر ابداعك

تحياتي لك[/align]