قصيده رائعه للشاعر تركي جبرين المسعودي...

البـارحــه مشغـول بـالـي وفكــري
افيق واحضر بعض الاحيـان واغيب

مثل الجريـح اللي من الحـال مبـري
في داه مافـادت جميـع التـطـابيـب

ربّـي وانـا عبـدك مفـوّض لك امـري
مالي سوى عطفك ولطفك مطاليب

رحمتـك يامـن بامـرك الفلْك يـجـري
وتــدور بامـرك دايــرات الـدوالـيــب

انتـــه عـن الاحــوال تـعـلـم وتــدري
ماغيـرك اللـي يعلم الجهـرْ والغيـب

تـعلم بمــا يـعلـن ويـخـفـيــه صدري
وتـدري بـغيـب اقـدارنـا والمكــاتيـب

نسـعـى ورى الـدنيــا مـعـيـيـن نـزري
لـو انّـهـــا مـامـن وراهــا مكــاسـيــب

وجـدي على وقتً مضـى يـوم يطـري
يـوم انـي ابـدي فـي علو المـراقيـب

انـوي على المنهـاج من صبـح بـدري
واغبش مع الغبشه قبل يسرح الذيب

والّا اتـغــانـم هـجـعـة الخلـق واسـري
الاعب الـسبـحـه على طـارة الـجـيـب

والـيــوم وصـل الاربـعـيـنـات عـمــري
الـراس شـاب ولـحيـتـي نصّهـا شيـب

والـوضـع مـاعــاده على يــوم خـبــري
تالي زمـاني شـفـت منـه التـعـاجـيـب

ماكـنّـت اظـن الوقـت نــاوي بـغــدري
استـامنـه واثـر الزمـن مـالـه اصحيـب

اصدق تـحـيّــاتـي لـوقـتـي وشـكـــري
يـصيـب في معـروفــه الظـنْ! ويـخيـب

عـرفـت مـن صكّـــات الايــام صـبــري
واخذت مـن وقـتـي دروس وتـجـاريب

لـكــن يــانـيّــــاف مــاهــــان قــــدري
وانـا ولـد عـودً عطـيـب الـمـضــاريـب

دام الـنـسـم فـ،الــروح يـابــوك يــذري
والـلــه لــورّدهــا عـذيّ الـمـشــاريــب

واسقيـك حـالـي لـو تـجـرّعـت صبـري
صـابـر على الرمـضـى وحـر اللواهـيـب

وان مـت هـذا مـنــك يـابــوك عـــذري
لابــدّهـــا تــركــــز عـلـيّ الانــاصـيــب

حـط الـك جـرّه عــابـــره عـنــد قـبــري
واهـرج وعلمنـي وانـا اسـمـع ولاجيـب

وارقىٰ سنـود وفيـك بـالـخـيــر مـحــري
من بـعـد قضّبـتـك جـويـد المقـاضيب

عيـش الحيـاه ولانـت عميــان بـصــري
للـه مواجـيــب ولـ،ربـعـك مـواجـيــب

اوصيـك وانـتــه حــر !مانـتــه بـوكــري
مـالك ومـال طـوالهــا واخـذ مـاجـيـب

اد الفــروض الـخـمـس والديـن يسـري
تجـنـي ثـمـرهـا يـاحـصــان الاطـاليـب

واقضـب عصـا ربـعك بيـسرً وعـسـري
رجـلً بـلـيّــا ربـــع مــالـــه مـعــازيــب

وخـلّـك مـثـل مـاقيــل يـابــوك حـذري
ثـم اللـه اللـه فـ،اختـيــار الاصـاحـيــب

لاتصـحـب اللـي صحبـتـه بالـتـمـزري
صـاحب سنـافـيً يجـازيـك بـالـطـيـب

وخل الكـرم في منهـجك طبـع فـطــري
لا تـذخـر لمـخـبـاك غـيـر الـتــراحـيـب

لـو تسكن مـن القـل فـي بيـت خـدري
لـجـل الـضيـوف مشـيّـده بـالاطـانـيـب

اخيــر مــن قـصــرً بـمـلـيـــون مـشــري
لاصــار شــرّايــه قـريّـــب مـحــاضـيــب

واخـيــر مـنــهـــا تـالـي الـلـيــل وتـــري
يـقـبـل بهـا ربـك جـمـيــع الـمـطــاليـب

#تركي_المسعودي

صح لسانك يابو غنى
ابدعت ولا هو غريب عليك الابداع

صح لسانه
وشكرا يالعميري
واستلم مجاراة كيبوردية
آمل أن تحوز على إعجابكم وَ رضاكم
وَ هي بسيطة وَ لم أرد التطويل أبدا ً

















...............................
...............................


لا يا زميلي وَ أنت مامِنك مكري

وَ أظنك الدكتور كَم ْ مِنك تطبيب


جبْت الكلام اللي ِّ مهَّني لي دَهْري

وَ يداوي حالي ْ ياطويل الأشانيب


وَ أنا ليا لاحظت ْ للناس نشري

أصير أنا مسرور وَ يزول هالريْب


وَ ياعُمَر شرواك مستور سِتري

ما أنت كما الباكي مابين الأعاريب


يوم أنت ْ بأوسط مُنتدى ظل َّ خطري

وَ للجميلة مُكثرين الخطاطيب


وَ لصاحبك نظم ٍ هِنا جا بيُسْري

لأجل الكلام اللي ِّ حلو منه تطييب


جواهر ٍ وَ ألماس كُل ٍّ بسعري

وَ عن مروري مالي اللحين تجنيب


وَ أنا بحربي مثلما رُمح نحري

ماني بهايب مثل روس الأجانيب


وَ أنا اللي ِّ مُتميِّز وجابهت عصري

بجُنوب ميْر متان بأيَّام توجيب


حتى َّ أتاني المدح مِن ْ دُون زجري

مادام بالديوان نظم ٍ وَ تبويب


وَ إن ْ خذت منكم سِحر بأجيب سِحري

مادام للبرنو بهالرمي ْ تصويب


وَ ختامها ياشمسنا وَ إلا َّ بدري

أنت كما الأبطال يالصاحب مصيب