قصيدتي في احتفال أهالي مركز البجيدي بالعيد

بسم الله الرحمن الرحيم



[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هلا يامرحبا عالي مقامه=تراحيب الوفا بالناس عامة

تشرفنا بكم واهلاً وسهلاً=وزدتونا شرف يااهل الكرامة

ومن يوفي مع الوافين واجب=يبي يفرض على الناس احترامة

وحنا للوطن نوفي عهدنا=رجالاً ماتحزمنا الرخامة

سعوديين والواجب علينا=وطنا والوطن عالي مقامة

وطنا اللي على خيره رُبينا=ومن عاد الوطن نقطع كلامه

تحت راية ملكنا اللي نعزه=زعيم الشعب عبدالله وامامه

ليا قاد المسيرة في الصعايب=بطل مغوار نزّل كل هامة

على اهل الشر مثل السيف الابتر=ولهل الخير همال الغمامة

حكيم الراي لي جات السياسة=مورد منهله للاستقامة

حديث الناس قاصيهم وداني=بتفكيره وحلمه وانتقامه

صدق من قال له صقر العروبة=عن اهل الحق مايطلع نظامه

وسلطان الوفي راعي المكارم=ولي العهد زيزوم الشهامة

من الابطال حلالَ الصعايب=قوي العزم مايرمي الجهامة

عساه بخير وايامه تجدد=وثوب العافية فوقه عمامه

ونايف راعي الانجاز الاول=وزير الداخلية في مهامه

على امن المملكة تسهر عيونه=مع الابطال كلاً باستلامه

وبن نايف عليه البيض تُنشر=عن الوقفات ماكلت عظامه

محمد راعي البيض الفعايل=وزير الامن تهناه السلامه

ألا يالله تجنبنا المصايب=وتنصرنا على مخلف مرامه

عديم الدين جا فعله في نفسه=ولايعرف حلاله من حرامه

عسى مثله في هذا الحال واردى=عن الاكفان في اكياس القمامه

وحنا مع حكومتنا الرشيدة=عدو الدين مانخشى سهامه

رجالاً لي وصلها العلم وقف=عسى عوداً ذخرهم للرحامه

ملك قاد الجحافل والسرايا=وقص الدرب واعطاه اهتمامه

ورجع حكم ابوه وحكم جده=بحد السيف عداه الملامة

هذا عبدالعزيز ابو الفعايل=له التاريخ سجل له علامه

وعقب من يدير العلم بعده=وتاج الحكم سلمهم زمامه

ملوك الارض والعالم شعوباً=هم القادات واهل(ن) للزعامة

نجوماً في سما الدنيا تلألأ=رقوا في المجد لي ذروة سنامه

وانا شاعر وعد اللي عرفته=من الهذلان قولي واختتامه

ورثت الشعر من قوم الفصاحة=هذيل اللي لهم في الشعر قامة

وختم القول صلى الله على أحمد=شفيع الخلق في يوم القيامة
[/poem]





الشاعر / عابد بن عايد الفضلي الهذلي

	وانا شاعر وعد اللـي عرفتـه من الهـذلان قولـي واختتامـه ورثت الشعر من قوم الفصاحـة هذيل اللي لهم في الشعر قامـة

صح لسانك يابو نايف

شاعر الجزالة

ودائما تقدم الشعر في أبهى حلله

السلام عليكم ورحمة الله وبركاته

صح لسانك يالنشمي

ورثت الشعر من قوم الفصاحـةهذيل اللي لهم في الشعر قامـة

ونعم والله

صح لسانك وبيض الله وجهك قصيدة جزله من شاعر جزل .

تحياتي .

صح الله لسانك
لافض فاك

صح لسانك وبيض الله وجهك ياعابد
قصيدة عملاقة من شاعر عملاق

صح لسانك يابو نايف

والله والنعم


وصح لسانك
قصيدة راائعة بمعنى الكلمة

تحية واحترام ياعابد