التصويت في مسابقة شعراء مجالس هذيل ( شهر صفر )

السلام عليكم ورحمة الله وبركاته.
أسعد الله أوقاتكم أعضاء مجالس قبيلة هذيل الكرام،


كم يسر إخوانكم في إدارة مجالس قبيلة هذيل أن يتقدموا بالشكر الجزيل لشعراء مجالسنا الأفاضل ، الذين تقدموا للمسابقة الشعرية لشهر صفر 1430هـ ، ونشيد بما قدموه من مشاركات أدبية ،
ونسأل الله أن يجزاهم خير الجزاء.

ونبشركم بأن المشاركات الشعرية كانت أكثر من شهر
محرم ،وقد استثنينا قصيدة واحدة من مرحلة الفرز الأولية ،
لأن الشاعر سجل بالموقع بعد إعلان المسابقة لشهر صفر ،
وهذا يخالف شروط المسابقة ، وبإمكانه المشاركة في
مسابقة شهر "ربيع الأول" بإذن الله تعالى ، ونقولها وبكل
إنصاف لقد كانت قصيدته من أجمل القصائد التي وردتنا
لهذا الشهر.
كما يسرنا أن نتقدم بالشكر إلى لجنة التحكيم على ما يبذلوه
من جهود مشكورة، ونشكر كل من ساهم في ظهور هذه
المسابقةإلى حيز الوجود ، وظهورها بالمظهر اللائق بقبيلة الشعر.


والآن يا أعضاء مجالس هذيل سندخل إلى مرحلة التصويت
واختيار إحدى القصائد المرفقة ، وفقا لذائقتكم الأدبية ،
وما ترونها أجدر بالتصويت ، ولكم نسبة من درجات المسابقة
وهي (25%) ، تضاف إلى نسبة (75%) الخاصة بلجنة التحكيم ، وستكون مدة التصويت اعتبارا من هذه الليلة ولمدة أسبوع
ينتهي يوم الثلاثاء 22/2/1430هـ ، الساعة الثانية عشرة مساءً.

ثم تُعطى ثلاثة أيام أخرى للجنة التحكيم لرصد الدرجات
والمداولة النهائية ، وتقديم النتيجة النهائية يوم 26/2/1430هـ.
وسيعلن مع صاحب المركز الأول: (شاعر المنتدى لشهر صفر).
صاحبا المركز الثاني والثالث.

طريقة التصويت :
توجد في هذا الموضوع (14) قصيدة، كل قصيدة لها رقم تسلسلي في أعلاها ، كل ما عليك هو اختيار رقم القصيدة ، وكتابته في الاستفتاء أعلى الموضوع ، ولكل عضو تصويت واحد لرقم واحد فقط ، ولا يحق لمن تقدم في المسابقة من الشعراء أن يدلي بصوته لقصيدته أو لأي قصيدة أخرى.

آملين من الجميع الإطلاع على القصائد والتصويت والتفاعل مع هذه المسابقة.
ونسأل الله أن يوفق الجميع لما يحب ويرضى.
والسلام عليكم ورحمة الله وبركاته ،،،

القصيدة رقم (1)


[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
تهيضت مما شفت في شاعر المليون=علام البشر عقب التقدم توخرنا
بعد نعمة الإسلام والشـرع والقانون= بدا بالعـرب طبع التعنصر وشـتتنا
وكل على اصله وفصله غصب مفتون=طبيعة بشر من قبل هذي طبيعتنا
ولكن بعض ناس بدرب الخطا يمشون=ولا فخـر إلا فـي علـوم تشـرفنا
ومـدح بلا فعل خطـا والعرب يدرون=وحنا عرب أحرار والصدق شـيمتنا
وهـذا تعصـب جاهلي يا للذي توحون=يولّـع شـرارات بغيضـه تفـرقنا
وكـل القبايل تعـرف الرخم والدندون=ولا احد بهذا الوقت يجهل جـزيرتنا
وهـذول ناس غشم بالسر مايدرون=مع الخيل يا شـقرا ولـو ما يناسبنا
ومن يبعث الفتنه كما قيل به ملعون=وهذي علوم الجهل توذي وتـزعلنا
ولـو يحمدون النعمة اللي بها يرعون=لكان أبرك الساعات والود يجمعنا
وحنا بحكـم اللي مدبـر جميع الكون=حمدنـاه سـبحانه خـلقنا ورازقنا
وبعده بحكم الحاكم اللي عليه نمون=زعيم بفعل الطيب والحب غـامرنا
أبو متعب اللي منزله في صميم النون=ملكنا حبيب الشعب ذكره يعطرنا
أقول انتهوا يا هيه خلوا الخبر مدفون=قبل لا التعنصـر يا جماعه يدمـرنا
وصلوا عدد ما مال بالعاصفات غصون=على اللي نـزل بالدين كمّل وبلّغنا[/poem]

القصيدة رقم (2)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
يابو فهد لو كان تنشد عن الحال=حالي صعيبة والدروب مغلوقة
تجمع الهم المسمى على البال=وغروب وقتي طال واقفى شروقه
وفكري غدا مابين ممشى ومنزال=والقلب زادت فالمفارق حروقه
لكن أبا أوصيك يا طيب الفال=الصيف يابو فهد لاحت بروقه
سير على ربعي كريمين الاسبال=والرجل فالميقاف ربعه تشوقه
حرص على أهل الدين والعم والخال=أنا هذه ذوقي وكل وذوقه
وأنا على رأيك ورأيك لي ظلال=لو كان بعض أحيان نفسي حموقة
والثانية عجل ترى الوضع لو طال=يمكن ديار الشام قلبي تبوقه
والعب على الدبكات في دار فريال=والكار جوف الكاس مالي حلوقه
وأصير بكرة في ملذة وموال=ولا يبسط المحزون كود معلوقه
هذا كلام اللي يبا سترة الحال=ما هو كلام إنسان نفسه ذروقة
هذي تجارب ناس وأخبار وأمثال=اسمع بها من يوم طبيت سوقه
أقولها وأنا مع الصبر رحال=والنفس صارت للمصابر سبوقة
عطني خبر ذلحين فورا على الحال=أما صلاح القلب ولا فسوقه
يالله جنبنا مخاسير الأعمال=يوم الحشر والوعد بانت صدوقه
هذاك يوم شاب من هوله أطفال=والكل فالميقاف ينسى فروقه
وختامها عداد ما خيل خيال=وأحيى نبات الأرض وأسقى عروقه
صلوا على المختار في كل الأحوال=نبينا المعصوم من كل عوقه[/poem]

القصيدة رقم (3)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
راحت الرجـال (ن) ياعـرب تـارد العـد=وجتنا الرجـال(ن)فـاالبلـد مستبـده
اعلومهـم مـن كثرهـا تلهـد الكبـد=ورصيدهم فـا البنـك محـداً يعـده
وان سولف الرجال منهم ما يرد=لو كان مخطي محد يقدر ارده
ويمنـاه ويسـاره تـجـود مسـنـد=مـن حيـث ماتكـى لقالـه مخـده
فا المجلـس المربـوع تلقـاه ممـتـد=رجـال فـي ظهـره ورجـال نـده
وعلـى رجـال العـرف قـام يتمـرد=ويشوف نفسه رجـل ما فيـه قـده
حتـى بعينـه فـا الرياجيـل مـالـد=طرف النظـر فـي يمهـم مايلـده
ويرميبها خلـف الهـدف مـا يسـدد=ونـاس تضحكـلـه دور الـمـده
كـلاً يـحـاول يقـربـه ويـتـودد=ويهـز رأسـه ويتـنـوش بـيـده
ون جالـه المحتـاج قــام يتـمـرد=لا واحسافـت مـن زمانـه يـحـده
لكن وقت الجـد تثيـت هـل الجـد=كـلاً نهـار الجـد معـروف حـده
نهار فيه الجزر يطغـى علـى المـد =وتعرف الصحاب المعرفـه والاشـده
معربيـن الخـال والـعـم والـجـد=الرجال فـي وقـت اللقـا مستعـده
والخبـل بفلوسـه ورا البـاب ملبـد=البـاب دونـه والمسيكيـن ســده
واسمه مع أهل الطيـب ما عـاد ينعـد=حيثـه لبسلـه ثـوب ماهـو بقـده
حرام في مثله هـل الكحـل والـورد=بنـت الرجـال اللي نسبهـا نعـده
تبا تفـك البـاب والخبـل يقعـد=يقعـد وراهـا دوب صوتـه يقـده
يقـول قولـي راح لـه يـوم مــارد=رجال عنده شغـل صاحـب مكـده
ما يعرف الواجـب ردي بـارد الخـد=وموالـه اللي فـا البلـد ما تسـده
مـن لابنـا بيتـه بسيسـان ينـهـد=وبيتاً علـى سيسـان محـداً يهـده
ولا كل راعـي مـال يجمـع ويحصـد=اللازم الغـصـاب يـقـدر يـسـده
ولا كـل رجـالاً عـن العلـم ينـشـد=والسيف عـزه فـي نصابـه وحـده
وكلاً مـع الأيام لـه يا عـرب حـد=والعاقـل اللي ما يبـيـح بـسـده[/poem]

القصيدة رقم (4)


[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
حان المسير وحان تكليف الركاب=حتى تجيب العلم في ميعادها
أما نسريها كما مسرى الذياب=ولا صلاة الصبح اشد شدادها
والوعد في الميدان يا عوج الرقاب=لي طالت الطرقة وطول مادها
أحدٍ ذلوله دونها حال السراب=وأحدٍ نزل عن كورها وقتادها
وأنا ذلولي يوم القيها الصعاب=تارد بعون الله على ميرادها
شبهت قيفاني بحمرا ما تهاب=ون صاح راعيها صياحه زادها
تجيك قبل الجيش كان الفال طاب=والله سترها من نظر حسادها
وأنا هذيلي من عزيزين الجناب=وهذيل من روس العرب وأسيادها
تنحت قصايدها على الصم الهضاب=قصايد(ن) تبقى ورا قصادها
يبقى جزيل الشعر لو راعيه غاب=والمعرفة مكسب لمن هو صادها
واللي مع العراف ما ودا وجاب=يقعد مع الجلسة ومع وبرادها
وأنا اعرف اللي مخطية واللي صواب=وإن زان مرماها قدحت زنادها
وأشارك الشعار واختار الجواب=واخذ من اسمان البيوت اجدادها
علم(ن) يجملني ويحسب له حساب=ما ينقده عند العرب نقادها
والجابه اللي ما تغلَق عنك باب=اخير من مطلاعها مقعادها
من قبل لا يلحقك لوم ولا عتاب=اختار من حدب السيوف احدادها
والعز في الطاعة وخوف من العذاب=في ساعةٍ صعبه على جحادها
يعلم بها من نزل آيات الكتاب=محي العظام البالية في لحادها
وصلوا على الهادي عدد وبل السحاب=وإعداد مرعد في السماء رعادها[/poem]

القصيدة رقم (5)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
علمني أكرهك وإلا خلنـي أحبـّـك=لا عاد تشره علي ولا تكلّف لي
ياخي ليا كان جرحي سبته طبـّك=ليه الهدايا على شانك تغلّف لي
إن كان ذنبي هواك المغفرة ذنبـّك=وإن كان بُعدي مُريح فـبعـدك انصف لّي
ما هو غريب الحطب فيني وأنا احطبّك=مادمت فاس المشاعر لا تقصف لّي
لو إنك النار شفت أنفاسي تشبـّك=ما هو بكيفي أحس بنارك ألطف لّي
ولو إنك الريح شفت أهـاتي تهبـّك=ولو كنت دربي دخيلك لا توقف لّي
حتى بيوت الشعر تُبنى وتنصبّك=وفنجال دلتك شفي ما تصنف لّي
وش حيلتي يوم شوقي فالحشا صبــّك=حلفت ما أشربك لكنه تحلّف لي
شوف أمهات المشاعر جات تخطبـّك= حتى المنابر من إيحائك تصفف لي
يا ملهمي شـوفني أقراك وأكتبـّك=وأكتبك وأقراك وشعورك تصلف لي
يلعب بي الشوق وأنت الصد يلعبـّك=تخـطي عليّ ولك أشواقي تأسف لي
غريب وانته وطن أشرقك وأغربـّك=أجيك كلي نظر وأنته تكفف لي
أحيان من زود ما بي أمدحك واسبـّك=وأنساك حتى تجي الذكرى تلقف لي
أشبع بذكراك وأظمى بُعد وأشربـّك=وأحفر لقربك ونبع الوصل ينشف لي
حتى قشـورك بها من كبّريا لبّــك=لنّك معي بس محتاجك تُوَصف لي
يحق للورد يأمن بك وينهبّــك=ريـآن لكن لا جيته تجفف لي
يا فاكهة جنتي فوق اِخضرار أبّـك=أنا زرعتك ومحصولك يطفف لي
لا تبخس حقوقي الله ربي وربك=ولا تبتسم لي وفي صدرك تأفف لي[/poem]

القصيدة رقم (6)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
يشوش راسي لا طرا تالي الليل=من هاجس(ن)كنه على النار صالي
مره يغنيها بلحن المواويل=ومره يغنيها بطرق(ن)هلالي
الراس ما يقعده صوت المعاميل=لا بهرت بالهيل صفر الدلالي
ما يقعده يوم امتطى صهوة الخيل=في يوم نلقى به زحول الرجالي
ولا هنوف(ن) بنت شيخ الرياجيل=ولا رصيد من الذهب والريالي
ما يطربه جر الوتر والتعاليل=ويقول من عدا على راس عالي
يفز واقف لا سمع شاعر هذيل=لا جر صوته لال يا لال لا لي
في شاعر المعنى عجز كل تحليل=ما قول كامل غير رب الكمالي
وللشايب اللي قال منتم عرب ويل=عوُد يصٌفق باليدين الخوالي
قال المثل من يعترض غبة السيل=السيل عدا فوق روس المفالي
قال السناني هذيل ياليلها ليل=من بعد بن مستور سود الليالي
والحجة اللي جابها دون تدليل=يبطل عقدها مفتٌلين الحبالي
وقال الرياحي في الليالي المقابيل=حامد حميد حامي(ن) للمجالي
شاعر هذيل الجيل الاول وهالجيل=والأرض رستها ثقال الجبالي
لبى لتركي يوم جته المراسيل=ما يرتكي للحمل غير الجمالي
والله ليبطن ناقلات المجاديل=من يوم تحبل لين يوم الزوالي
لو كان صاروا كلبوهن محابيل=ماعقٌبن مثله سنين طوالي
ينعد في ربعه رجال حلاحيل=لانه ذراع يمين ذرب الفعالي
ولابه قصور في الرجال المشاكيل=كسٌابة النوماس ياراس مالي
يقولها فضلي منسب من هذيل=ساسه مجٌود من عمام وخوالي
الاحمدي ياللي عدل كفة الميل=في يوم دارت به رحات المحالي
وختامها خلك من القال والقيل=تستاهل أسميك راعي المعالي[/poem]

القصيدة رقم (7)

[poem=font="arial,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
يا صاحبي ما هزّني كـل طـاروق=نفسي مروّضهـا توافـق مـرادي
لو تشـتعـل في خـافـقي جـمرة الشـوق=لبسي الكرامة عزّة النفس زادي
ولو هـلّت الدّمعة من اللحظ و الموق=حـلفت ما اتبع كل مقـفي و غادي
أحـيا و يحضـني الثرى وهـامـتي فوق=ما تنحني إلاّ لرب العبادي
وافي مع الوافين واكره هل البوق=وأشب ناري من شرارة زنادي
في ساحة أهل الطّيب ماني بمســـبوق=خيلي رســـنهـا مجَوّده بالأيادي
أسري بِلَيْلي واسبق الشمس بِشْروق=لَجْلَ المكارم ما غـلبني الرقادي
إهذيل ربعي للكرم رعد وبروق=مـنزالهـم ويّا الجدي دوم بادي
وإن هَبّت الهيجاء تهادوا لها شوق=هُمْ عون للمظلوم سُقم الأعادي
ويا صاح حِنّا البدْو لو الثوب مشقوق=نلبس أصيلات القيم والمبادي
مِن ديننا نروي ظما أخلاق مخلوق=ومن الســلوم لنا مطيه وشِدادي
للجار درع و للخوي نحفظ حقوق=ومنزالنا للضّـيف قصـراً مُشــادي
فـكـّاكـة العاني ليا صار موثوق=في ســاعـة الضـيقـة نجيب المنادي
إلْيا تكـلّمنا نَقُلْ خير منطوق=ولْيا سكتنا صمتنا غير عادي
صمتاً بِهَ الحكمة بِهَ اللطف والذوق=يرجح لِيا جا للكلام انتقادي
وحب الوطن باجســادنا دم بعروق=متشــربينه منذ سن المهادي
ونكبر ويكبر لين طلعه غدا عذوق=يجنيه درع وسيف وقت الحصـادي
وإن قلت أنا وحِنّا فلا قصدي فروق=والنعم بأهل الحاضرة والبوادي
ويا صاحبي عــمرك مِثِلْ نبت زملوق=يقبل ويقـفـي نقص بعد ازديادي
والمسعد اللي يقضي العمر مشـفـوق=ويذخر من أيامه ليوم التنادي
والمختصر للي سبق يا هَلَ الذوق=أختار أموت ولا تموت المبادي[/poem]

القصيدة رقم (8)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
يسج الفكر ويلامس سحاب وللبروق حضور=سحاب معارضه رعاد ما يسلاه ويفوته
تكون بأمر رب الكون لآمره يرضخ المأمور=وساعة يأمره ينهل مرجانه وياقوته
يفرج كربة اللي من زمانه يشكي ومدهور=وزخاته على صم الجبال الشّم منحوته
هواه يسلي الخاطر ودولاب الزمان يدور=ترابط عشقه الدافي حنين وضمه بصوته
يغني لأجل ما يطغى الهيام بحضرة الديجور=ويحني هامة الليل الكحيل ويسرق سكوته
غشا وجه السماء نور المشاعر والفياض شعور=كسا وجه البسيطة وأثمرت بالغالي انْبوته
تعالت واستمدت بالخضار وعقدها منثور=على صدر السنين بيوم عزى يوم في موته
حياته ما قبلت صدفه وموته في عيون الحور=عطاه لباسه وشربه زلال وشي من قوته
تهاوت في يدينه كل هقوة دربها معمور=على الدرب البعيد وخصلة الإسراف ممقوتة
مقتها من غرق في نصف بشته ما غرق ببحور=غدره اغرور حاله وانثنى مع زهوة بشوته
يثور البحر وأمواجه سعيدة والحزن مأسور=بوابيره على سطحه وبأعماقه سبح حوته
رسمت بريشة أشعاري قصيدة لونها من نور=كتبت بحس شاعر واليراع يعانق النوته
بنى ساس وعمر جدر وتحدى باب هاك السور=خرج من عالم وعانق حنايا روح مبهوته[/poem]

القصيدة رقم (9)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
هاجسي يا هاجسي لا تاوي=بعد هبت قلتها لك هاوي
الجبل ثابت وهبي هبي=هب يا ريح الجبل متقاوي
كيف ريح تحرك اللي راسي=لو تقلي قلت لك متغاوي
يا زمان البله والفقرية=ضربها مع طرحها متساوي
والعرب تنظر بنظرة واعي=والمهرج ولد عم الراوي
مشكله والمشكلة كيديه=في بلاد العرب يا حمداوي
كل قمة قبلها كم قمة=ما تغير طبعها متهاوي
والسؤال اللي على طاريها=جاء جوابه سبت الحمقاوي
والهدف واضح وأنا رافضها=والعروبة ما هي لمصراوي
لو تقول المصري اللي وافي=قلت لك حسني عليها ناوي
ناوي الها با الخراب الدايم=والصقر منهو جهله شاوي
مير عيد القمة الفورية=يا تزيد جروحها يتداوي
هاجسي يا هاجسي جنبها=وش تبا فا العالم المتهاوي[/poem]

القصيدة رقم (10)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
قوم يا شعري افرد محزمك واملاه=كان ماهو على شانك على شاني
قوم ياعاصمة فكري ويا ميناه=يا صدا صرخة أفراحي وأحزاني
يا عزاية ليا دار الخوي عِلباه=يا هروبي بعيد وصهوة احصاني
الزمن واضع أوزاره وحظي تاه=لا لقيته وهو ماظن يلقاني
بين لون الظروف ونية الحرباه=ما بقيلي يكون أعيش وحداني
الخوي صار مثل الظل في ممشاه=معك في الشمس وان جاء الظل خواني
كم صديقاً محذر خافقي ينساه=كنت احَسِّب صديقي صعب ينساني
واثر موقف صديقي والعليم الله=موقف الجن من وقفة سليماني
يحسب إني غني عندي عَقار وجاه=لين شاف الحقيقة ثم جافاني
الصديق المخادع لو يحث اخطاه=تنجلي غيمة الواقع وينباني
بعد ماكان نبتاً في الخفوق أرعاه=كنت مشرق عليه بشمس وجداني
وإن عطش قمت أكرر من عروقي ماه=وان يمره جفاف استمطر أعياني
لين ذاك العشي ما مدلي يمناه=يوم قلت اعطني يمناك خلاني
من جحوده بغيت استدعي المسحاة=لأجل اقلع جميع اغروس بستاني
الصداقة على قارب فقد مرساه=علموا من لقيه أعطيه عنواني
كافي الحظ تاه ولا عرفت ألقاه=تاه عن نظرتي مدري تعداني
بين لون الظروف ونية الحرباة=أحسنَ أعيش بين الناس وحداني[/poem]

القصيدة رقم (11)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
كيف أبتدي كيف أنثر أوراقي وأبعثر دفتري=كيف أكتبك وأتخيلك صورة تنادي بالأمل
حسنك جمالك بسمتك حتى الرضاب السكري=لفظك سكوتك فرحتك ألذ من طعم العسل
ما جيت لك وان ادعي اني الحكيم العبقري=لكن تلاقينا على كف القضاء من الأزل
من دمعتك من لذة شفاتك وفمك الجوهري=من حلمك الساطع من الآفاق من وحي الطَفَل
من خطوتك من موضع أقدامك وملمسك الطري=من عزتك من كبرياء الشوق من ضعف الخجل
من اِسمي المهجور والمشهور هاتي وانثري= إحساس ورد وروح ممزوجة مع أزهار النفل
فجأة يذوب الملتقى وأنا انتظر لك وأحتري=أنظر بعين المغترب وأقول ذا خلي وصل
عذر الحياه لدمعتك وإحساس غاليها بري=حتى الجفاف المر ذاب بنون عيني وأنهمل
جفت مآقي فرحتي وأمطرت بالحزن الثري=حتى عتابي خانني لملم جروحه وارتحل
ريشة غراب تبددت وأضحت أمانيها عُري=كل أمنية تُكسى هموم وكل هم أعتا وأجلّ
أنا بعيد من الأمل بيني وبين المشتري=انته وأنا وإحساسنا تايه على مشرق زحل[/poem]

القصيدة رقم (12)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
من تحت وطأ الصمت من عالم(ن)مسلول=دُمِّر جسد غزة على إيد كافرها
من تحت مرأى العالم المسلم المشلول=مُزِّق جسد غزة وذابت محاجرها
من تحت مرأى الحاضر الميت المغسول=بالذل انهارت قيم مع عساكرها
تحت اشجب استنكر واِنكر انحرق محصول=غزة وماتت من ألمها عصافرها
من كاس سم الوعد البارد المعسول=صرنا نعد أمْواتها مع خسايرها
من تحت مرأى الأم والوالد المذهول=سالت دما أطفالها من حناجرها
من تحت غيمة كره فسفورها مهطول=شاطت شوارعها وذابت عمايرها
من فوق أنقاض البنى الساقط المهلول=قامت مآذنها ودوت منابرها
عذر(ن)أياغزة على فعلنا المغلول=وأقْوالنا اللي سممتنا خناجرها
عذر(ن)على الصمت المبخر بكير القول=اللي قتل كل الشيم مع مفاخرها
واسْقط قمم أعلا رمم أعظم المهبول=جز الكرامة والشهامة من أكابرها
أحرق ذمم أعدم همم شوَّه المأمول=أفسد قيم جرد أمم من ضمايرها
يا أمتي غزة تصول النظر وتْجول=تبكي ألم والذل والقهر غامرها
وتجْمع فتات اللحم مع عظمها المحلول=وتزهم أيا أماه والأم تخصرها
ماحدّ أنقذها من الواقع المعلول=الكلّ يتفرج ولا حدّ ناصرها
فمدت أياديها إلى ربها المسؤول=أهْلك بني صهيون واجْتز دابرها
فقيض لها شبان معها الرصاص ايْقول=نحمي حمى غزة ونحمي معابرها
فدكت جيوش الظلم والمارد المفتول=وردت عن الأمة هوايل مخاطرها
ياحظ صابرهم وياسعْدَهُ المقتول=ينعم بحب الله والجنة زايرها
يا ليتني معهم أحَطِّم رويس الغول=وأرْضي خيول العز وأرْضي حوافرها
فكوا قيودي يا عرب قربوا المصقول=كي أنقذ الأمة وطَيِّب بخاطرها[/poem]

القصيدة رقم (13)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
يميل قلبي مع نسيم الذعاذيع=يميل وأنسام الهوى في عـدلها
الشوق مزع مهجة الصب تمزيع=اثر الهوى لا حـل حال ٍ نحلها
العام يوم إن الليالي مطاويع=والشاعـر إليا هاز طرقه بتلها
ليل ٍ تقديه النجوم اللواميع=وصبح ٍ يضيع مع الموادع و يلها
في مرقبٍ ريعه بداله على ريع=مـرقب على دار ٍ و ليفه حللها
مداهل القبس السباع المهاليع=سبع ٍ نحا عنها و سبع ٍ دهلها
مستشنق أخت الموت عوق الطواميع=غير الصبي الصيرمي ما نقلها
و الوعـد لا جا للثريا توابيع=جوف لبيوت اللي تذري ظللها
و الليل ماله عين و السر ما ذيع=مأمون و قلوب العدا في وجلها
يأخذ من الصافي الزلالة قراطيع=طب النفوس المرهفات وعللها
يفرح بروحه تحت ليلين و تضيع=في صدر شلال من النور والها
مطامع ٍ يا ويلها من مطاميع=والروح عن غاياتها من سألها
هذا قبل سعي الليالي بترويع=روحين يا غير الهوى ما حملها
و اليوم ماله غير ندب المداميع=اليا وقف له ساعة ٍ في طللها
أطلال عفتها الهبوب الزوابيع=حيت يا دار ٍ حبيبي نزلها
حيت من نو ٍ صدوق ٍ متابيع=تسيل وديانك و يخضر جبلها
تمسي تحت ظل السحاب الهواميع=و يصبح خزاميها يكايد نفلها
مرابع ٍ كانت لقلبي مرابيع=كانت و كنت و كان للحب ملها
لين الفراق اللي حكم لي بتقطيع=حبل الرجا و الروح خيبت أملها
و خطيت عن طرق المحبة تواقيع=و ادخل على نفس ٍ هواها زللها
و أغضيت طرفي عن جميع المفاريع=لين إرتكت لي من شعاني جهلها
الهـيــبة اللي تأمر الريح و تريع=مطيحة روس العيال بثـقلها
صكت مشاريع و فكت مشاريع=و من فـك بيبان الهوى ما قفلها
قلت الهوى يا متلفين المواليع=قالت عـسير دروب دور سهلها
قلت اهذلي ٍ ما يعرف المهازيع=قالت حلال رجال محد ٍ بحلها
قلت اهذلي يأمر على الصعب و يطيع=نفسه على كود العظايم جبلها
قالت رجال الموت وإن جـو مفازيع=و اللي بسد و جيههم من وصلها
قلت الكلام أحلام و الفعل تقنيع=قالت و لا للجابه إلا بدلها
مطنوخة ٍ ما هي طناخة مداليع=طناخة العيال من روس أهلها
و الله يا لولا جا للأحكام تشريع=لين استوت عـوج النفوس بعدلها
لاخذ من الصبيان حيث البواتيع=بشــارة النفس الشقية باجلها
سلايل هـــذيل الحرار القواطيع=روس الرجال و كـل دار ٍ بــهلها
واحــدهـم اليا صار للوقع تشنيع=و نفسه نهته عن الملاقى زهلها
و انطح بهم هاك الربوع المجاميع=و أنثر مناياها و أبيح حللها
لـين أجمع الضدين لقـيا و توديع=فرح و فوز قلوب وقلوب ولها
و إن قيل يا شاري الخطأ بيع و نبيع=أقول ما للجابة إلا بدلها[/poem]

القصيدة رقم (14)

[poem=font="simplified arabic,5,#8b0000,bold,normal" bkcolor="" bkimage="" border="none,1," type=1 line=1 align=center use=ex num="1,#000000"]
فز يا قلم للصفحة ودفترها=سيفك على بيض الورق قم سلَه
تناول الصفحات مع منحرها=وابدأ وخل بدايتك بسم الله
حوف المقاني والسمان اخترها=عليك باللي ما اشتكت من علَه
تل السمينه تلَها وانحرها=ثم ذكها حسب السنن والملَه
ثم شب نارك يا قلم واسعرها=وركب عليها قدرها وافطن لَه
واليا غلي ماها ارمها واغمرها=وادرى عليها لاتضيق الحلَه
وانثر عليها ملحها وسكرها=واحذر وحاذر لاتجيها خلَه
واللذعة اللذعة ترى تعمرها=واليا استوت رحب عليها وهلَه
واجب عرب كل العرب تذكرها=بالطيبه في كل بيت وحلَه
سلام يا أكبر ربعنا وأصغرها=ويا مرحبا مزنة وفاء منهلَه
سمو هذيل اللي الفخر منبرها=قومٍ تحييٍها النجوم مطلَه
عطر الكتب تاريخها وعنبرها=تاريخ في نصرة رسول وملَه
تزهى السنين الماضية بسيرها=تزهى السنين الحاضرة معتلَه
أهل الثلاث البيض من سافرها=فطرة صغير وتكبر به جبلَه
أهل الكرم والضيف ما ينكرها=وأم النصاب فخدرها مبتلَه
أهل الجوار ويشهد مجاورها=يوم الزمن جوره يسابق غلَه
أهل الخوي فسمح الطرق وأقشرها=ترد عنه الهينه والزلَه
أهل العوايد ما اختلف سايرها=كسَابة المدح الدقيق وجلَه
أهل الشبب ماقط هكب صافرها=واليا انعقد حبل الزمان تحلَه
أهل عتيق البندق وثايرها=في كتوفها عراض الكتوف تقلَه
ديارهم خير البقع وأطهرها=حمَاية البيت الحرم بعد الله
أمجادهم يبطي الزمن يحصرها=ماضي وحاضر يا قلم سجلَه
واختم كلامي وصفحتي ودفترها=اختم بعضه اللي تعذر كلَه[/poem]