الباديه والبدو

[poem=font="Tahoma,5,#000000,normal,normal" bkcolor="#fff2f7" bkimage="backgrounds/6.gif" border="solid,2,#ffffff" type=1 line=0 align=center use=sp num="0,"]
عشقت الباديه والــبــدو انا في حبهم مفتون=أهـل بـيـت الشـــعــر والـنـار والـبـارود والـدله
تربـيـنـا بجـو الــبــاديـه وأنـا لـهـا مـمـنـون= وتجري فيّ مجرى الدم يمشي في الجسد كله
هل الشيمه هل النخوه هل العادات والقانون=هـــل الخـيـل الأصــــايل محتمين الــدار والحـله
هل الحشمه هل المذهب وطبع غالي مزيون= تكــــرّم ضــيـفها والجار مــــاحد يـقـــدر يـذلّه
شـيوخ عــارفه والـعـرف منحـه من إله الكون= ولـــن جا عــلــم مايصـعب تـدير الفكر وتحله
وصــاحين مــع الصاحي مجانين مع المجنون=تــعــدّي زلّـة الجـاهــل ودرب الـغـانم تــدلــه
صقور احرار والأحرار في الشينات مايمشون=مـعـزّين الـنـفـوس وسالمين الـنـقـص والخـله
بوقــت المعركه تلقى العيـال اللي لها يوفون=عـــيــال مــــاتهاب الـمـوت لــو بـيّـن لهم ظـله
مجالسهم ســــوالف غانمه للكذب مايطرون=قـــلــوبا صـافــيــه مــاتــعــرف الأحـقاد والغله
وأنساب عــزيــزه غـاليه فيها الشرف مصيون=وخـوف الله طـبيعتهــم عـلـى ديــن وعلى مله
ومســكين مــعاديهم تصــب بكـبده الطاعــون=يــعـاني الــويــل والأهـوال حتـى دمـعـه يهله
أبقعد فـي حمى بــدو لهم فــي الطيّبات فنون= يــمـر الـعام بـعـد الــعـام مـاتســمع ولازلـه
جمعان الطلحي[/poem]