تحذير من إتصال الافريقي الدجال

هناك رجل من افريقيا يقوم بالاتصال على بعض ارقام الهواتف بالسعودية

ويأتي بترهات وخزعبلات --- وقد حصل معي شخصيا هذا الامر -- ولوجود خلفية عن هذا الامر مسبقة من احد الاصدقاء

ولوجود مخزون علمي عن العلاج للامراض الروحية بالطرق الشرعية وغير الشرعية قررت الحوار معه

وإيقافه عند حده --- وقد تم الحوار --- وحصل نقاش طويل --- وكلام وعبارات لا احبذ كتابتها هنا
-----------------------------------------------------------------------------------------------------------------------------------------------------------------------------


ولمزيد من إيضاح ما ورد في هذا الحوار بدون الدخول في بعض التفاصيل الدقيقه

اضع بين ايديكم هذه الابيات لعل فيها شي من الايضاح
-----------------------------------------------------------------------------------------------------------------------------------------------------------------------------

إتصل بي قال انــا شيخ(ن) اعالج كل عله ****** من ديار إفريقيا شيخ(ن) خصوصي للسعودي

قلت هـــــــــات العلم عجل لا توانا لي قله ****** قال عندي كل سرك لو انـــــــا برا الحدودي

قلت تعلم غيب ربي وكل شي(ن) انت تدله ****** هذا كفر(ن) يا الاسيود يوردك نار(ن) وقودي

قال انـــا طالب علم(ن) كل مغلق دوم احله ****** استخير الله واصلي يــــوم كل(ن) هم رقودي

قلت تخسى الله اكبر كل هذا الهرج خلــه ****** العقيده احمدالله راسخه منهج جــــــــــدودي

المقدر يكتبه ربي بوقته في محلــــــــــه ****** نرتضي باللي يقدر والله بفضله يجــــــــودي

موحدين الله ودينه هو شريعتنا وملــــــه ****** والكتاب اللي منزل إنتمسك بـــــــــه عهودي

والرسول اللي اتانا سمع(ن) وطاعه نجله ****** للهدى والخير دايم للبنادم هو يقـــــــــــودي

بعد ما سمع الكلام اللي ذكرته جاب غله ****** اظهر السم الدفين اللي بقلب(ن) له حقــــــودي

ثم تلعثم لين ريقه إيتعالق ما يبلــــــــــه ****** ثم تصاغر وانتكس لين انه اعلن بالشــــــرودي


اخوكم /ابن عيد المطرفي

صح الله لسانك والله ماقصرت وترى ياأخي مثل هذا الرجل كثير جداً والبعض منهم مخصص له قنوات فضائية تبث عياناً للناس للأسف وكلهم دجالون ومحتالون ويدعون علم الغيب .
بارك الله فيك ومشكور على التنبيه .

صح لسانك

وهناك بعضهم يقول لك مستعد انا اخليك غني

بس ادفع لي مثلا خمسه الاف او اكثر او اقل

فلو سألنا انفسنا انه لو يقدر يغني احد كان اغنى نفسه

وصار اكبر عني بالدنيا!!!!!!!!!!

	المشاركة الأصلية كتبت بواسطة أبـــ حمــــــدان ــــو

	صح الله لسانك والله ماقصرت وترى ياأخي مثل هذا الرجل كثير جداً والبعض منهم مخصص له قنوات فضائية تبث عياناً للناس للأسف وكلهم دجالون ومحتالون ويدعون علم الغيب . بارك الله فيك ومشكور على التنبيه .

ابوحمدان ----- صح بدنك

ومشكور على المرور والثناء

قصيدة جزلة ومعبرة

والله يكف عنا شر الدجالين والمشعوذين والمسلمين أجمعين

	قلت تخسى الله اكبر كل هذا الهرج خلــه ****** العقيده احمدالله راسخه منهج جــــــــــدودي

صح لسانك يابن عيد .

وبارك الله فيك ومشكووووور على التنبيه .