قاف يادوب ينشاف

السلام عليكم ورحمة الله وبركاته
يالربع ماقدرت ابدع الا هالقاف الصغنطوط :)
ان كان فيه احد يحاول يرقعه معي :)
وان مافي احد كسبنا شرف المحاوله :)


سلام تسليم وافي
..... ياعل تاف التحيه
اقول والجو صافي
..... خابرك يالنارحـيه

وعليكم السلام

عودا حميدا

عليكم السلام ورحمة الله وبركاته
يامرحبا يابشت المسعودي صح لسانك يامبدع وفي انتضار قبيلك

وعليك السلام ورحمة الله حياك الله يبشت واتشرف بالعب معك





يامرحبا يالسنافي
في ديرة اهل الحمية


عقب السنين العجافي
جيت الديار العذية

وعليكم السلام ورحمة الله وبركاته
هلا يابشت

صح لسانك
وصح لسان رايد

صح لسانك أخي رايد

معذرة على الرد بعد سبقتني
صح لسانك

صح ألسنتكم ياكبار ومواري محاورة قوية من البدعة وردها

هلا بك يارائد وبيض الله وجهك ومن حضر
واستلم واسف لانه ماشفت الرد الا الان وان كان تباها بعد 9 الليله مافي مانع
تكميل والخير ضافي
...... في كل روحه وجيه
اثقال ماهي خفافي
.... ياللي شعبت المطيه
....

حياكم الله كلكم. ووافين ومنتدى وافي بيض الله وجهكم

بن عادي
خالد الهذلي
ابو رديد
سلطان
اراك

رحم الله والديكم وبيض الله وجيهكم تكميل وبياض وجه

	المشاركة الأصلية كتبت بواسطة بشت المسعودي

	هلا بك يارائد وبيض الله وجهك ومن حضر واستلم واسف لانه ماشفت الرد الا الان وان كان تباها بعد 9 الليله مافي مانع تكميل والخير ضافي ...... في كل روحه وجيه اثقال ماهي خفافي .... ياللي شعبت المطيه ....

يامرحبا يابشت ووجهك ابيض واستلم طال عمرك

البدر نوره يشافي
،،،،،،في الليله السرمدية

لا والله إلا عوافي
،،،،،،، وخطامها في يديه

ابو رديد
سلطان السويهري
راك

صحت ابدانكم و حياكم الله جميع

	المشاركة الأصلية كتبت بواسطة رايد الياسي

	يامرحبا يابشت ووجهك ابيض واستلم طال عمرك البدر نوره يشافي ،،،،،،في الليله السرمدية لا والله إلا عوافي ،،،،،،، وخطامها في يديه

البقاااااا يارائد والشرف لنا طال عمرك

واستلم


البدر فالغيم طافي
....... يامخايل العقربيه
يازين نظم القوافي
...... بين العميل وخويه

النو عدى وطافي
واسقى الديار السنية
يامسند الضلع حافي
الدرب قدمك عضية

تراني داخل من الجوال وذبحني في تحديث الصفحه