محاورة شاعرنا حامد القارحي مع الشاعر مرزوق المقاطي " منسقة "

القاف الأول .......والمعنى هو مهرجان المغترة

حامد القارحي

يا سلامي لابو خالد وريث الزعامه 0000 فيصلي من هل العوجا عريب الجدودي
حط له صرح ما ينقاس متر وقامه 0000 وين اخفي علمنا عن عيون الحسودي


رد مرزوق المقاطي




الـبـقـا لـلأمـيـر الـلــي رفـيــع مـقـامـه==افتخر في حضوره وافتخر إني سعودي

الشعـر فـي ربـوع أبهـا تلبـس وسامـه==توجوها النشاما جعلهم في الوجودي


حامد القارحي

اصبحت في عيون الحر رمز وعلامه 0000 بعض الافعال ما تحتاج منا شهودي

لو عروق السلم تلوي عروق البشامه 0000 ما بقى فالبشامه حي لو كان عودي


مرزوق المقاطي

راعي الفعل يشهد له ليوم القيامه 000 لاحسب للظلوم ولاحسب للجحودي


حامد الهذلي

جو لها من شمال وجو لها من تهامه 0000 وانت بكره عسى لك يالمقاطي وجودي

فكروا في كلامي فكروا في كلامه 0000 والموازين تكشف كل نقص وزودي


========

القاف الثاني ........وكان المعنى هو الرشوة

مرزوق المقاطي

يا سلام الله على شيخ يشرفنا مجيه0000 واجب الاسلام نبدا بالتحيه والسلامي

ودي اني كل عام العب على ارض ابها البهيه 0000 وانصح اللي ما تمسك في قوانين النظامي


حامد الهذلي

بالنيابه عن عريب الجد خذ مني تحيه 0000 مرحبا والمحترم يفرض علي الاحترامي

ما تروح يا عميلي بين شمس وبين فيه 0000 فطرة المسلم تميز فالحلال وفالحرامي

مرزوق المقاطي

ماتخون ولا نخون ولا علاك ولا عليه 0000 جنب الدرب الخطا والنور جلاي الظلامي

كل رجال يقدر لحيته قدم البريه 0000 والوعد بكره على هداج مروي كل ضامي


حامد الهذلي

الجزا حسب العمل والله يصلح كل نيه 0000 وانت لو تطلب طلب سلمتك اللي في حزامي

قدر الله لحية الغالي معا لحية خويه 0000 كلنا فالوعد يامرزوق وازهم بالاسامي


قام بالتغطية :.

هذلي والفخر لي

سيف هذيل

فتى هذيل

وأعذرونا على القصور يالربع .

سلمت يابو شموخ

وهذا واجبنا وانا اخوك

ونتمنى ان نكون يدا واحده خلف شاعرنا الكبير والذي ارى انه لم تنصفه اللجنه

ولكن نحن على ثقه بأن هذيل ستنصفه ويتأهل الى المرحله القادمه

بالتوفيق للجميع

يعطيكم العافيه

بيض الله وجهك ياابو شمووووووووخ


ليت الهاجري تأمل في البيوت زين قبل مايحكم !!!!!!!!!!!!!!!!

ماعليك ياحامد وراك هذيل تهد الحيل

وش اقول بس...؟؟


الله ينصرك يبوصخر

	لو عروق السلم تلوي عروق البشامه 0000 ما بقى فالبشامه حي لو كان عودي

بيت يكتب بماء الذهب

وحقيقة حامد الهذلي أبدع , وما قصر , ومثل هذيل خير تمثيل

والباقي علينا

وبإذن الله سيتأهل

ووفق الله جميع شعار هذيل

تسلم ياأبو صخر

	حامد القارحي اصبحت في عيون الحر رمز وعلامه 0000 بعض الافعال ما تحتاج منا شهودي لو عروق السلم تلوي عروق البشامه 0000 ما بقى فالبشامه حي لو كان عودي

بالتوفيق ماقصر ولاهو غريب عليه هالأبداع




كلنا خلف شعرأنا جميعـــــا وومثلينا وبإذن الله ماحد يقصر


تحياتي

اللي يقهرني ان المعنى يفرض على الشعاار


ولا لوكانت بحريه لراينا تميز شعرااء هذيل عن البقية


حتى إبن حوقان كانت بيوته مذهله ولم يجد من الهاجري الا التوبيخ


الله المستعااان بس

تشكرون جميعا على التغطية المميزة


والله يجزاكم خير

ولعلنا نحاول فيها صوتية بإذن الله

::


بيض الله وجيهكم

تغطية وفق الحدث ..

سلمتم

وشاعرنا أبدع وما قصر ولو نقصوا في درجته نبي نكمله

بعون الله

::

لو عروق السلم تلوي عروق البشامه 0000 ما بقى فالبشامه حي لو كان عودي


بيت والله العظيم من اروع ماسمعت
القوووووووووووووووووووه يابو صخر

تسلمون ماقصرتم

وبدايه كاانت ولله الحمد قويه

بيض الله وجهه

واحسن ماعجبني قولته :

لو عروق السلم تلوي عروق البشامه 0000 ما بقى فالبشامه حي لو كان عودي


وقولته :

قدر الله لحية الغالي معا لحية خويه 0000 كلنا فالوعد يامرزوق وازهم بالاسامي

السلام عليكم ورحمة الله وبركاته

ستتذكرون كلماتي جيدا ..

أنا غير متفائل لطريقة اللجنة واسلوبها في تقييم الشعراء ..

وفق الله شعراء هذيل ولاشك اننا معهم قلبا وقالبا ..

سيحققون نتائج باهرة بإذن الله ثم بدعم هذيل ..

بيض اله وجيهكم
وبالتوفيق لشعار هذيل
الأهم قدموه شعراءنا وهو الظهور المشرف ( شعرا وادبا قي عزة وشموخ)
والفوز والخسارة بيد الكريم