مرثية الشيخ / حامد بن علي بن مايقه الحبابي القحطاني في ابنه (مؤثرة)

السلام عليكم ورحمة الله وبركاته

الأخوان الكرام هذه قصيدة الشيخ الشاعر / حامد بن علي بن مايقه الحبابي القحطاني

في ابنه البار رحمه الله عندما توفى في حادث سيارة اليم وتعبر القصيدة عن مكانة الابن

الغالي :



[poem=font="arial,5,#000000,normal,normal" bkcolor="#fff2f7" bkimage="backgrounds/2.gif" border="groove,5," type=0 line=1 align=center use=ex num="0,"]
واطيري اللي في ليالي هداده = تقطعت من راس كفي سبوقه
بانت مواري مقبلاته وعاده = لاطال عمره بان خافي عموقه
زرع نفد قدام ياتي حصاده = مات النبات ويابسات عروقه
ليلي من الظلما تزايد سواده = علي ثمر قلبي وطبه وعوقه
فرخ الحرار اللي بعيد مصاده = نازع عموقه للمراجل تسوقه
عينه وكفه وأن تحدث زياده = شفت السعاده في مباديء طروقه
قم ياخيالي تالي الليل ناده = قل له لذاذة نومنا مانذوقه
وقل له ترى حامد تقطع فؤاده = مثل الجريح اللي وساع فتوقه
وقل له ترى عودك تغير رقاده = يطلب رقاده والسواري تبوقه
يحط راسه فوق جال الوساده = ويشوف زولك بين جفنه وموقه
ويون وناتٍ عليها شهاده = دمعه وشمعات الفؤاد محروقه
وقل له عسى جنات ربي مهاده = زرعٍ زرعنا ماقطفنا عذوقه
وقل له جرى لي في ظروف أبتعاده = جرحٍ بجوفي ماتبرد حروقه
لولا رجاء اللي يرتجونه عباده = لاشق جيب الثوب وأفري شقوقه
لولا رجاء اللي كلنا في مراده = لازور قبره وأتمنى لحوقه
قلبي وزابه مثل شوك العراده = وعروق حلقي بالعبار مخنوقه
حلقي عدا به مثل ريق الجراده = مرٍ علي ذوقه غداه وريوقه
حزني بنصف الليل يبدأ عناده = وأهم يومي من بداية شروقه
هوَّن مصيبتنا زعيم القياده = حامي حما شعبه وراعي حقوقه
والشعب وأصحاب السمو والسعاده = جميلهم من تحت راسي وفوقه
الله يادار الوفاء والسياده = دارٍ لجزلات المفاخر صدوقه
من راس ركن الي جنوبي زباده =جعل الحيا توضي عليها بروقه [/poem]

الله يرحمه ويسكنه فسيح جناته
ويلهم والده وذويه الصبر والسلوان


وأشكرك على هذا النقل الجميل



تحياتي وتقديري

شرفني مرورك يالكيميائي

تقبل مروري

الله يرحمه رحمه واسعة
قصيدة مؤثرة بلا شك الله يصبر أهله

ابو حمدان

شكرا لمرورك

قمة الالم .. والمعاناة قسم هلت دموعي من هالابيات ..
اسأل الله ان يجبر قلب الاب وان يرحم الابن رحمة واسعة ..
تسلم يمناك يا نبراس عز

الله يرحمه ويسكنه فسيح جناته

اساْل الله ان يرحم الفقيدويلهم اهله الصبر والسلوان

الله يرحمه ويغفر له ويعفو عنا وعنه

الله يرحم موتانا وموتى المسلمين اللهم آمين

أخي الكريم سلمت يداك على النقل الرائع

والله فعلا قصيدة مؤثرة ولها وقع

في القلب

تقبل مني أجمل التحايا وأعذبها

كل التعليقات وسام على صدري

[grade="4169e1 00008b 0000ff"]يعطيك الف عافيه على هذا النقل الموفق لهذه القصيده الموثره والاكثر من رائعه[/grade]

الله يعافيك يا عزيز قوم شرفني مرورك