اذا المرجله لبسه اشماغ وعقال ....... قل للعذارى يلبسن العمايم

اذا المرجله لبسه اشماغ وعقال ....... قل للعذارى يلبسن العمايم

--------------------------------------------------------------------------------

هذه شاعــره سمـعت شريط لواحد من المشايخـ مر على الكورنـيش
وشاف شااب لابــس ( تـــنوره ) ومــطول شعــره يعني متــشبه بالـنساء وتأثـرت بالـقصه
وبالـكلام اللي قـاله الشيخ للشاب وان الشاب رد عليه بكـلمة (( حريه شخصيه )) وهي
شاعــره وتـكتب هجـااء فاسـغلت هذه القصه لـتبوح عن المكـنون في خاطـرهاا على وضـع بعض
الشباب في الوقـت الـحالي


اترككم مع القصيده


إذا المراجل لبسة شماغ وعقال .......... قل للعذارى يلبسنّ العمايم


ما عاد يفرق زول حرمه ورجال ..... دام الفعايل تشبه البعض دايم


المرجله ما هيب كلمه وتنقال ...... وتروح ما راحت هبوب النسايم



وإلا خشونة صوت أو رفع الأثقال .......... أو رزة صدور وفعل الزلايم



ولا هي بعد مفتاح موتر وجوال .......... وإلا ردى لسانن حديثه شتايم



المرجله شيمه عن القيل والقال .......... رفيع نفس (ن ) حر بالجو حايم



المرجله عقلٍ وزن وزنه جبال .......... ودون العقل وش فرقنا والبهايم



يا مسندي لو مايل الوقت بي مال .......... يا ولد أبوي يا عظيم العزايم



يا معرب الجدين من العم والخال .......... يا نخوة المفزوع وقت الهزايم



المرجله يا خوي هي طولة البال .......... هي العزم هي الصبر فالظلايم



فيها الكرم عزه دله وفنجال .......... فيها الكرامه عن ردى الطبع شايم



والدين لامنه خذا القلب منزال .......... مشى طريق الحق وابليس نايم



ومن لا عرف ربه في طيب الحال .......... لابد وقت الضيق بالهم هايم



حتى صلاتك مع جماعات ورجال .......... في خيرها يا خوي نعم الغنايم



ولامن نصف ليلك قم صفي البال .......... يا عظم أجرك بين ساجد وقايم



ولا من رفع ربي له كل الأعمال .......... حسن الذكر لا قالو فلان صايم



وخلك شريف القصد يا طيب الفال .......... سوء المقاصد فالبيوت الهدايم



واحذر تبيع النفس في درب الأنذال .......... وتتبع خوي إبليس راع النمايم



النفس خيل لك إذا كنت خيّال .......... ومن لا قوى نفسه قوته الهزايم



ولا صرت ما تدري لو يش أنت رجال .......... والله خسارة فيك ذبح التمايم

أخوي فارس الدهما بارك الله فيك موضوع مميز وقصيدة رائعة تخبر عن الحال الذي يعيشه بعض الشباب الذي أصبح يقلد الغرب حتى تخلى عن رجولته وشهامته وحتى عن دينه والعياذ بالله . مشكور أخي والله يعطيك العافية .

صح لسان الشاعره

وتسلم أخوي

فارس الدهما

على ما نقلت

الاخوة
ابوحمدان
هشام الهذلي
لكم الشكر على المرور

الاخوة
ابوحمدان
هشام الهذلي
لكم الشكر على المرور

بيض الله وجهك يافارس وصح الله لسانك ولسان الشاعره قصيده مميزة


تذكر فتشكر .....

[align=center][a7la1=FF0000]أخوي فارس الدهما نقل موفق وصــــــح السان قايلها ولا هان

وانا اشهد إن الوضع لمثل هذ الشاب يغيض اللي في جهه دم.




النفس خيل لك إذا كنت خيّال .......... ومن لا قوى نفسه قوته الهزايم



ولا صرت ما تدري لو يش أنت رجال .......... والله خسارة فيك ذبح التمايم



أنا اتمنى إن ها البيتين اللي والله فهما قمه الى ابعد الحدود با النسبه

لي طبعا حسب ذوقي لا غير ولكل ذوقه وهذا ليس تنقيصا في البيوت

اللتي قبلهما ولكن القصيده تدرجت بعد المقدمه وكانت اكثر اثاره

وتشد الانتباه بيت بعد الاخر الى ان وصلت للصفوه والخاتمه.

وشكــــــــــــــــــرا[/a7la1][/align]

الاخوة هاني المسعودي وابوجنوب الشكر موصول لكم على المرور

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
إذا المراجل لبسة شمــــاغ وعقال
قل للعــــــــذارى يلبـــسنّ العمايم
ما عاد يفرق زول حرمـــه ورجال
دام الفعـــــايل تشبــه البعض دايم
المرجــــــــله ما هيب كلمه وتنقال
وتروح ما راحت هــبوب النسايم [/poem]

اخوي فارس الدهما بيض الله وجهك ومشكور على النقل

تحياتي لك
عاشق هذيل القارحي

تشكراتي لمرورك ياعاشق هذيل

السلام عليكم ورحمة الله وبركاته.
ألأخ المشرف فارس..
قصيدة تستحق النقل لما فيها من معاني تغرس روح النخوة والشجاعة في أنفس الجيل الغريب في هذا الزمان..

بورك فيك..