عطاالله القارحي و عبيدالله العرابي
عبيدالله العربي
سلام رديةٍ ترسم وعد بين الرياجيل
::::::::::::: توعد بالإثنين بين إثنين وتوفيّ وعدها
واللي يسد اللزوم يقوم ويجيب المعاميل
:::::::::::: دله من الكيف لاجا الضيف قدامه وجدها
عطاالله القارحي
يا مرحبا بالعميل اللـي يعقـب بالمراسيـل
:::::::::::::::: و الوعد ما بيننـا والجيـده تطلـع بيدهـا
يا كم نصبنا لك الوزعه على اسلوم المشاكيل
:::::::::::::: لكن ما فيـه ليلـه تجمعـك باللـي بعـده
عبيدالله العرابي
دام البقا يامرحب والعلوم إلهـا دواليـل
::::::::::::::: تسعه وعشرين من شهر أربعه للي شهدها
والوزعه الوافيه مادونها باب وزرافيـل
::::::::::::::: لوتنشدالناس قالوا سبتهـا قـدام أحدهـا
عطاالله القارحي
ما دام سمعتنا الموجز نبـا منـك التفاصيـل
:::::::::::::::: لكن شفر قناتك شوف ( ابو نايف ) رصدهـا
زايد هل الزود لي والنقص في احثول المهابيل
:::::::::::::::: و اللي تعبها على قل ابركـه بيـن جهدهـا
عبيدالله العربي
اللي يمد الشحم واللـي يمـد البـن والهيـل
::::::::::::::::: كلٍ وله موقفـه والغاويـه تمشـي وحدهـا
الفرق واضح وأنا أشوف العواري والمحاميل
:::::::::::::::: واللي يعرْف الروايه عـن درايـه مانقدهـا
عطالله القارحي
يا طيب الصيت بعضات العلوم الها مداخيل
:::::::::::::::: دارت رحاتين غير المقبلات آمر و ادهـا
يا ذيب قلبك خضر و اللي توشر بالمناديل
::::::::::::::::عساك تكسب رضاها قبل لا نَطْبق لحدها
عبيد الله العرابي
عطاالله القارحي توّه يعرْف الجدي وسهيل
::::::::::::::::: يومي عليها بيده وقـال ماتومـي بيدهـا
خابرك شاعر علم ترفع علم وتحط وتشيل
::::::::::::::: بذّال مجهود لوّ النـود ماذعـذع سعدهـا
عطاالله القارحي
عسى يطيح المطر و امشي معك مع جرة السيل
:::::::::::::::: و اقطف جديد الحيا من ديرةٍ يزهـم رعدهـا
خلك على نهج واضـح لا تجينـا بالتهاويـل
:::::::::::::: ترى سبب طرد اخوك السجده اللي ما سجدهـا
عبيدالله العربي
ياللي تمنا المطر والناس تحصد فالمحاصيل
:::::::::::::::::::::::::: كم واحدٍ يـارد الجمّـه وكنـه ماوردهـا
تسعين فارس وكلٍ قال أنا اللي متعب الخيل
::::::::::::::::::: زادوا حنين الخلوج اللي بكت فرقا ولدهـا
عطاالله القارحي
ماني مكلف بخلق الله ومال " هذيل لهذيل "
:::::::::::::::::::: و أم الكباير تموت بغيضها محـدٍ نشدهـا
احسن من اللي سجله ما انذكر بين الاناجيل
:::::::::::::::::::::: و اعمى البصيره يكب الدرب ويزود عقدها
عبيدالله العرابي
ماقلت لك وكّل العالم ولاقلت أخذ توكيل
::::::::::::::::::::::::::: أخير لك بنيها يالقارحي ولاّ هددها
ذكّرتني ياعطاالله في علومك حاطب الليل
::::::::::::::::::::::: ما قصدي أذكّر العالم وأزوّد في نكدها
عطا الله القارحي
انشد هل المعرفه تلقى لهـا عـدة تحاليـل
::::::::::::::::::::: و انكان خيرتني بنت العرب تعرف ولدهـا
ما ني مُصدق ولا ابا اقول لك يا كذبة ابريل
:::::::::::::::::::: بكره يجيك الفرج والوافيه نعـرف سندهـا
عبيد الله العرابي
أنا أشهد إنك ولدها مير أظنك بـارد الحيـل
:::::::::::::: خمسه وعشرين عام الناس مدري وش قردها
بكره وبعده وهذا الوقـت يحبلّـك محابيـل
::::::::::::::::: وأمسيت فالغابه اللي ثعلهـا يقتـاد أسدهـا
عطا الله القارحي
آقر و انكر و انا ماني بصيدة خادم الفيل
:::::::::::::::::: يا اللي ليا جيت تحسبها تنقص في عددها
العمر مكتوب و انا من بعيدين المواصيل
:::::::::::::::::::::: تحتال لكن درب الغانمين لمن قصدهـا
عبيد الله العرابي
لاشفت متناقض الأفكار دار وفوقه الميل
:::::::::::::::::::: أتذكر الخيمه اللي ماطرحها ألا عمدهـا
ما أظنها تنتظرك أم الرموش اللي مظاليل
::::::::::::::::::: وتموت من غيضها ماناش طارفكم نهدها
عطا الله القارحي
خل الشهاده لغيرك و انت وافي الوزن و الكيل
::::::::::::::::::: احدٍ يصابح ديار أم العمـد و احـدٍ هجدهـا
يا الله يا الله يا منشـي المـزون ام الهماليـل
::::::::::::::::: " تحفظ لنا مملكتنـا و احفـظ القايـد فهدهـا"
وقد نقلتها من منتديات مشراف
--------------------------------------------------------------------------------
|