كسره لشاعر صالح بن رويجح المطرفي الهذلي .. دكتور الحدا

ألليله ألليله ألليله
أثنى عش في شهر ذا القعده

وأصويحبي كل ماجيله
قال أنتظرني شهر بعده

كل الشكر يابو ساعد ع النقل الجميل

كسره راااااائعه لشاعرنا واستاذنا وصديقنا الشاعر صالح بن رويجح الهذلي

ومناسبة هذه الكسره هي الصدى الاخر الذي حرك قريحة ابو خالد

اهدا مني لك يابو ساعد ولكل الاخوه الاعضاء بعض كسراااات ابو خالد دكتور الحدا ايضاً :

شبنا وشابت عوارضنا
حتى حجاج النواضر شاب
والزين برضه معارضنا
يامن يقوله حبيبك تاب
..

ان كان صحبة وفاء وتمر
حييت وأخذ الوفاء منا
وان كان صحبتك صحبة شر
الله يباعد بها عنا
...
يقلون تلعب على الحبلين
وانا تعذبت ما ظني
لكن بانت بعد يومين
منته على العهد خايني
..
ان جيت ابا الد واعاين
مافي زمنا هذا مامون
لكن اببعد عن الخاين
الي بسر الصديق يخون
..
جدران الاسرار مهدوده
لاعاد تبني لاعاد تزيد
دام الثقه غير موجوده
حلفت لرحل واروح بعيد
..
يالله ياكاتب الارزاق
تكتب لنا رزق من عندك
ماعندنا حقت الحلاق
ياللي قروشك ملت بندك
..
ياليتنا مثل ما كنا
جيران وبيوتنا من طين
ونمر محدن يزعلنا
ونشاهد اللي نبا بالعين
..
ياما فقدنا مع الايام
ايام وعيونها فينا
وين الذي عايدونا العام
من ربعنا من بني خينا
...
يامولع النار كثر النفخ
يطش ماكان ملتمي
المستوي مايباله طبخ
افرغ على طول ونسمي
...
لو العرب كلهم حلوين
مافيه مخلوق زعلاني
لكن فالناس شين وزين
والكل عايش مع الثاني
..
عانه مخيل وعانه جاك
عانه كسر شام ياريف
وفي جرته مامرحت معزاك
حينك مسيكين وضعيف
..
تهمه تحنطر على راسي
من تحت روس الشياطيني
لكن مثل الجبل راسي
واللي عرفني يبريني
..
لي صاحبن كان مشغلني
معروف من بين خلق الله
اله سنه ما سئل عني
ياناس يمكن هداه الله
..
ان كان صحبة وفاء وتمر
حييت واخذ الوفاء منا
وان كان صحبتك صحبة شر
الله يباعد بها عنا

..
..
اللاله الحلق ياشامان
تعبان مايطلع الكسره
ان كان ماربعنا العمران
كلاً يغني على فكره
..
يأصحابنا في قبول الصوم
للكل نرفع تهانينا
عسى اللقا بالصيام يدوم
ونصوم والله معافينا
..
طلع شهرنا الكريم وغاب
وشهو كتب في جرايدنا
والعيد نوخ على الابواب
واللي يبانا يعايدنا
..
يالله يالي تقل الطير
واثبته من جناحينه
تجعل هًذا العام قدمت خير
واسنيننا المقبله زينه
..
والله مايطلبون الناس
الا من الضيق والحاجه
إن كان عندك لهم نوماس
عطهم ترى الناس هراجه
..

صح لسانك يابن ساعد العميري

كسره كايفه الله يعطييك العافيه

ياما فقدنا مع الايام
ايام وعيونها فينا
وين الذي عايدونا العام
من ربعنا من بني خينا


الله الله

من اروع الكسرات الي مرت عليه

ايام وعيونها فينا

لله درك يابن رويجح

مشكووور يابن عادي على النقل والتوثيق الاكثر من مميز ,,

الله الله الله

صح لسان الشاعر

ويعطيكم العافية عل النقل الرائع

ابن مغبش

مرحبابك والعفو ياعسل

تحياتي

بيض الله وجيهكم عز الله انه دكتور

ربي يحفظك يا ابو خالد و الف شكر على النقل
والله ابو خالد يدخل اليأس لشعراء
متربع على القمه
اتمنى له دوام الصحه والعافيه