ابراهيم الشيخي // قصيدة المعمـ ع ـه

:: :: معمـ ع ـه :: ::

مركب وهم ازرق وموج من الوريـد الـى الوريـد

رحلـة لكشـف الـذات مابيـن الجهـات الاربعـة

اول شعاع الشمس صحـوة وآخـره جثـة شهيـد

والبحر يبكـي شايـل الجثـة علـى راس اصبعـه

على امـل قطـع المسافـة لكـن المرسـى بعيـد

والريح تعـزف داخـل اعماقـي أنيـن الاشرعـه

بدايـة الرحلـة جليـد ويمكـن آخـرهـا جلـيـد

والمرحلـة بـيـن البـدايـة والنهـايـة معمـعـة

ايـدٍ تودعنـي هنـا وهـنـاك تستقبلـنـي ايــد

هيهـات يستقبـل غريـب الـدار حضـن مودعـه

امتعتي احلام وطموح وشي ومـن نـزف القصيـد

لهنـاك تحملنـي تخيّـل شخـص تحملـه امتعـه

في داخلي صوتٍ يقول ارجع وسافـر مـن جديـد

يمكـن تحصـل نصفـك المفقـود وتسافـر معـه

ماينبنـى حاضـر مجيـد الا علـى ماضـي تليـد

وعذوبة آخـر جـدول المـا مـن عذوبـة منبعـه

وانا وحيـد وميزتـي فـي هالحيـاة انـي وحيـد

احيـان يتبعنـي ظلالـي وان تراجـعـت اتبـعـه

يجوز ما ادري وش هي اهدافي ولا ادري ويش اريد

بس اعـرف انـي منفـرد لايمكـن اكـون إمعـه

عنـدي يقيـن ان الحيـاة اضـداد والشـي الاكيـد

ان احتكـام الضيـق مهمـا طـال مفتـاح السعـه

وان البشر بـذرة قـدر مابيـن مـزروع وحصيـد

وان القدر في ظرف لحظة يحصـد اللـي يزرعـة

وان الخسـارة حمـق متضـرر وحنكـة مستفيـد

وان الفتـى يجمـع لعمـره وان عمـره يجمـعـه

وان افضل المعروف مايفرج بـه الكـرب الشديـد

والخيـر درء الشـر واقصـاء المضـرة منفـعـه

عقديـن وانـا استعبـد الاحـرار واحـرر عبـيـد

فـي مملكـة فكـري وقدراتـي جيـوش موزعـه

اعيش ما عاشوا ملوك الارض فـي ثـوب الزهيـد

في زحمة الشارع وكنـي فـي سكـون الصومعـه

فراستي تكشـف قنـاع ابلـد ذكـي واذكـى بليـد

المشكلـة فـي هالزمـن حتـى للاصـوات اقنعـه

الله الله شاعر ما هو بسيط

صح الله لسانه

ويعطيك العافيه أخوي عبدالله على النقل الرائع

الله مير يعافيك يا ذيب الفيافي

مرورك عطر