يامرحبا ترحيب واجب ومقدار

يامرحبا ترحيب واجب ومقدار **** ترحيباً بأهل الوجيه المنيره

بحروب والساده والاشراف وأنصار **** ويا مرحبا بالكل من كل ديره

حقٍ علينا نكرم الضيف والجار **** الضيف له واجب وللجار جيره

والطيب له منهج ومغزي ومشوار **** ولابد في قلوب الكريمين غيره

يسهل على من هو على الوقت صبار **** ويساير ايامه بعقل وبصيره

يصبر لو ان الوقت قاسي وجبار ****وتثقل موازين الوفا بتعبيره

ويصعب على من هو مع الوقت محتار ****يحسب حساباته ويحتار حيره

يضعف موازين الوفا سر واجهار **** مايعتبر في الوقت من فعل غيره

كسبان من هو منهجه نهج الاخيار **** وخسران من ضيع من الوقت خيره

كلٍ يحسب الوقت ويدير الافكار **** ويمشي بفكره حسب ما في ضميره

ماني كما ما قيل بياح الاسرار **** لكن تعبير الزمان ومصيره

بسمي وبسم هذيل شبان وكبار **** اكرر الترحيب بسم العشيره

والعذر لو قصرت في نظم الاشعار**** ترى الكمال لله ما هو لغيره

وصلاة ربي عدد همال الامطار **** ليا ستهلت من مصادر غزيره

على نبي للبشر خير مختار **** على الهدى والنور قاد المسيره



الشاعر/ معوض بن درويش المسعودي الهذلي

اللهم صلي وسلم وبارك على سيدنا محمد وعلى آله وصحبه أجمعين
ماشاء الله عليك شاعر جزل
ولك شكري وتقديري

	المشاركة الأصلية كتبت بواسطة نايف الجابري

	اللهم صلي وسلم وبارك على سيدنا محمد وعلى آله وصحبه أجمعين ماشاء الله عليك شاعر جزل ولك شكري وتقديري

ماعليك زود يا نايف ونعتز بشهادتك يا ابن العم

صح لسانك قصيده راااااائعه

صلى الله عليه وسلم
صح لسانك ياابن درويش

	المشاركة الأصلية كتبت بواسطة أبو رديد

	صلى الله عليه وسلم صح لسانك ياابن درويش

صح بدنك ياابو رديد
اخبرني انت من اي المساعيد