محاورة العمالقة بين الشاعرين عطاالله القارحي وعبيدالله العرابي

عبيدالله العرابي :

مرحبا ترحيبةٍ تمشي على نهج وعقيده
....................بالنيابه عن رياجيلٍ وفانا مـع وفاهـا

إتفقنا ما آفترقنا ثم جينا فى الوعيـده
.....................والليال تدور والليله رفيـعٍ مستواهـا

عطاالله القارحي :

البقا بالصاحب اللي يا عسى ربي يزيده
.....................راعي الماقف له المقدار ما دور جزاها

سير البابور لين البحر يمرج في حديده
.....................ما نبا كثر الثنا والمدح لين اتهل ماهـا

عبيدالله العرابي :

لاتعجّل لين مرسول العرب ياصل بريده
.........................لك علومٍ طيّبه للحين تمشي في سراها

قابل أهل العيد يوم العيد بثيابٍ جديـده
.........................ثم عايدها مثل غيرك ولاتبحث خفاهـا

عطاالله القارحي:

يا جماعة خير صياد العرب ما احدن يصيده
.....................لو تقولون العرابي باعاهـا و إلا شراهـا

الهذيلي ما رمى نفسه على قاطـع وريـده
.....................ردها عن دربها و إلا ترى تغـدي وراهـا

عبيدالله العرابي

الهذيلي كـم يريـد ويفعـل الله مايريـده
........................والعرابي طول عمره يعرف البير وطاهـا

آنت وش يفزعك من هالحين والرميه بعيده
.......................ياعطاالله مايفك حروفها الا اللـي قراهـا

عطاالله القارحي :

أنت رجالٍ مفيد وجبـت لـك جملـه مفيـده
.........................أعرف أن اللي أبصر الجمره برجله ما وطاها .

يا العرابي لو يطول الليل مـا فكيـت قيـده
..........................البعير الحر لو يرمحـك مـا تلقـى دواهـا

عبيدالله العرابي

آنت رجالٍ تبى الرميه تجي ماهي سديده
.......................ودك إن الناس تهرج من خلاها في خلاها

خلنا يالقارحي نقرب من بليـس ونكيـده
........................والروايه نعرف اللي جابها واللي رواهـا

عطاالله القارحي :

رميتي ياصاحبي راحت على الكبد اللهيده
........................خل هرج الناس هات اللي قفص صدرك حواها ...

يا بني الحارث غدى منكم حسب علمي فقيده
........................غاديـاً لـي ديـرةٍ ماكـل رجـالٍ غـداهـا

عبيدالله العرابي

لاتعرّيها وآنا مانـي مسرّيهـا وحيـده
........................جاب نص الكف ماله شف وأعطيته ملاها

لن بغيت الصدق لاتبدي بها مده زهيـده
.........................يالهذيلي قبل أشوف جنوبها يلمع طلاهـا


عطاالله القارحي :

راجع أول قافك انكان الشعر تملك رصيده
........................خذ نصيبك و أترك الباقي وعينك ما تراها

يا زمان الشوم ياكيف الأبو ينكر وليـده
........................جيت أناديها بأساميهـا ولقتنـي قفاهـا

عبيدالله العرابي

لاترشّد ياعطاالله غير بالناس الرشيـده
........................ماحكم دولة سبا رمح وشبا غير أومراها

الكلام اللي نسيته من كثر ما آنته تعيده
........................لو نقلّك حفّظه طاحت سنونك من جماها

عطاالله القارحي :

يا عبيد الله ترى هارون رشده من " زبيده "
....................ما حكم دولة سبا " غير إمراه ما احدٍ عصاها

ذكّر الناسي لعـل الله يبـارك فـي قصيـده
......................و الذياب اللي تحد اسنونها تلقـى عشاهـا

محاورة قوية

لعمالقة الشعر


عطاالله القارحي

العلم الكبير والعلامة الفارقة في شعر النطم والمحاورة

في مقابلة مع العلم ودائم الإبداع

عبيدالله العرابي


أستمتعت باللقاء كثيراً

شكراً لك أخي

الزاجل

وصح الله لسان الشاعرين

تقبل مروري