رد الشاعر الكبير محمد الزيداني الهذلي على من يدعي بأن لقب عسكر البارود لهم ...

قصيدة الشاعر / حمدان محمد الفطيمي المعبدي يرد فيها على قبيلة هذيل بإدعائهم
بلقب عسكر البارود ويقول فيها:

الا يالله طلبتك ياإلهٍ من كرمك تجود
تجود بكتبنا في ايماننا والروح ترضيها
وحنا مانبي نطلب بشر غير الله المعبود
تعلَّى في سماه يموِّت الأنفس ويحييها
ولانخضع لأحد ميقافنا بين العرب مشهود
مواقيف الرجال المعتبر ناخذ ونعطيها
معبد من قبايل حرب توفي والبدود شهود
دروب المرجله والطايله تبدي مباديها
و ارد القاف وامثل معبد عسكر البارود
رجالٍ في العلوم الطيبه تزهم بساميها
اسم جا عن طريق محاورتنا مع بني مسعود
وشاعر من بني مسعود شاهدها وقاضيها
نهار انه يسايلنا يبي معزى الرويس السود
وحنا في جهتنا لقْطَرَانَا مانخليها
ولانخبر قبيله عندنا يبقى لها مفقود
نعرف اللي يصلنا ناخذ الجره بثاريها
ونسمع مدِّعي في الاسم ماندري وش المقصود
ودعوه ماعليها شاهدين الشرع يلغيها
ترى مانبي الباطل ولاهو عندنا موجود
ولانسمح لأحد بحقوق اهلنا يعتدي فيها
معبد من رجال الدين والفزعه بدون حدود
جِبَرهَا ياخذ الراي المناسب من قواديها
قديم تناصر الاشراف واليومه مع ابن سعود
تكَمِّل في العهود وراية التوحيد تبنيها
وعاهدنا السعودي يشهد الله مانخون عهود
عهودٍ مايخان من اول الهجره لتاليها
مشينا بالطمأنينه ونمشي مع ديار مهود
وهذا من فضل ربي لنا الارزاق معطيها
بدون قصور في كل القبايل في اللزوم اسود
مواقفها كما فرض الصلاه اللي تصليها
قصيدتنا نختمها بذكر الخالق المحمود
وذكر محمد اللي وجَّه الامه لواليها

...................( ).....................

بسم الله الرحمن الرحيم

هذا رد من الشاعر محمد الزيداني الهذلي على الشاعر حمدان محمد الفطيمي المعبدي وعلى من يدعي من قبيلة معبد من حرب وقبيلة القثمة من عتيبة بأن لقبهم (عسكر البارود)

توكلنا على الله يامعبد والبراء مردود
نبا كشف الحقائق فوق راس اللي يخفيها

نبا نارد على العد الصحيح اللي لنا مارود
وبعض أكبود من عقب الضمى بالصدق نسقيها

ومن يسعى ورا طمس الحقايق ماهو بمحدود
لكن أبليس غوا بالعرب وأخلف هقاويها


وتغيير الحقايق لو علاها يبذل المجهود
لا بد ان الحقيقة للعرب تظهر مواريها


حقايق ثابته و مثبته لو بابها مردود
لكن اليوم أبكشفها لسامعها وقاريها

وش مخلي معبد تعتزي في عسكر البارود
وتفرق عن قبايل حرب!! قاصيها ودانيها

كبن معبد من(هذيل)فرع وجدهم معدود
خناعه بن هذيل اللي على دياره موصيها

دياره من حشاش إليا البياضه للحرار السود
ويأصل حدها حتى مسيحه من علاويها

ومنهم من خناعه زيد وأعياله تسمى زيود
وترثتهم سعيّد حجته في هذيل أساميها

وف آلاد القثامي من هذيل أيضاً ثلاث ابدود
أسميها بأساميها وأنا ماأنا بناسيها

الآد الخثعمي والخالدي وحبيلصي في أجدود
ثلاثة أجدود معروفة ومعروفه مجانيها

تعزوا بأسمنا والعود طلعه مثل وصف العود
تدل أخبارها وأديارها قبل عزاويها

ومن عد الحقيقة ماعلاه من العرب منقود
و لو أن الزمان الشين له مده معاديها

سنين أقفت بما فيها وفيها للضلال اجنود
جروحن داميه واليوم جاها من يداويها

وحان لحجت التاريخ من بعد الغياب تعود
تعود بما حوت والصدق في القمه يعديها


وحنا عسكر البارود علمن ماهو ابمجحود
لقب من دولة الأتراك باشتها وواليها

ودرعن للحجاز الي ملقبنا به ابن اسعود
علاه اشهود والعزوه تبا تبقى لراعيها

هذا تاريخ والتاريخ ثابت والرجال أشهود
ومن عنده حجج يقلط ويظهر كل مافيها


الشاعر/ محمد الزيداني الهذلي

الله يبيض وجهك يامحمد الزيداني الهذلي

أعجبتني كثير فردك المسكت ذا ولجل ذالك نقلته هنا


صح لسانك مدد بلا عدد

ونعم ونعم ونعم يابو زيدان بيض الله وجهك


قصيده مسكته وبقوووووووووووه


نقل جميل جداً شكرًا يالعود القماري

كفوووو عزالله انه ماخلالهم شي ماشاء الله بيض الله وجهك
ولاهنت علئ النقل



ماجد اللحياني....

صح الله لسانك .. قصيدة داخل أطار التفنيد التاريخي بالحجج والشواهد .
وانا هنا لست حكماً على هذا السرد .. أترك الحكم للمختصين والباحثين


الآد الخثعمي والخالدي وحبيلصي في أجدود
ثلاثة أجدود معروفة ومعروفه مجانيها


هل يُفهم من الشاعر محمد الزيداني أن الخثاعمة الموجودين في قبيلة القثمة من خثاعمة المطارفة ؟


نتمنى وجود جواب من خامس الخثاعمة سواء من قبيلة المطارفة أو القثمة .

صح لسانه نعم لماذا لم يكون اللقب لعتيبة او لحرب اماذا لخوامس خاصة
كﻻم مفحم عتيبة لقبهم الهيﻻ وحرب حرابة الدول وكلهم ونعم اما عسكر البارود
فهو لقب قبيلة كبيرة اما بطن فهو غير راكب صحيح انهم كفو لكن ﻻيشكلون العدد الكافي للعسكر الذي يرمز للكثرة بعدين لعبة التعشير عند هذيل تثبت عﻻقة اللقب

صح لسانك صح لسانك صح لسانك
أنت تاريخ بذاته معبر وموضح ذلك بقصيدة

صح لسان محمد كفوووووو رد وافي

وسلمت يالعود على الطرح الراااائع

بيص الله وجه الشاعر والمبدع محمد الهذلي علي الرد الجيد واتمني له التوفيق في مسيرته الشعريه